എൻട്രൻസ് പരീക്ഷാ സഹായി 'കീ ടു എൻട്രൻസ് ' നവംബർ 2 വരെ പുനഃസംപ്രേഷണം

        മെഡിക്കൽ, എൻജിനിയറിങ്, സി.യു.ഇ.ടി തുടങ്ങി ബിരുദ പ്രവേശന പരീക്ഷയ്ക്ക് കൈറ്റ്-വിക്ടേഴ്‌സ് തയ്യാറാക്കിയ കീ ടു എൻട്രൻസ് പ്ലസ് ടു ക്ലാസുകൾ നവംബർ 2 വരെ  പുഃനസംപ്രേഷണം ചെയ്യും. പുതിയ എപ്പിസോഡുകളുടെ സംപ്രേഷണം നവംബർ 4 മുതൽ പുനരാരംഭിക്കും. www.entrance.kite.kerala.gov.in  എന്ന പോർട്ടലിൽ സംപ്രേഷണം ചെയ്യപ്പെട്ട എപ്പിസോഡുകളുടെ മോക് ടെസ്റ്റ്  ചെയ്യാനാകും.  പ്ലസ് വൺ കുട്ടികളുടെ രജിസ്‌ട്രേഷനും ക്ലാസും  നവംബർ 15 ന് ആരംഭിക്കും.

        വെബ്‌സൈറ്റിൽ രജിസ്റ്റർ ചെയ്യുന്നതിന് ബുദ്ധിമുട്ടെങ്കിൽ  സ്‌കൂളിലെ കരിയർ ഗൈഡൻസ്  അധ്യാപകരുടെ സേവനം തേടണം. കുട്ടികളുടെ ആപ്ലിക്കേഷൻ നമ്പർ നല്കിയാണ് രജിസ്‌ട്രേഷൻ നടത്തേണ്ടത്.

        പി.എൻ.എക്‌സ്. 4767/2024