മഴ: ആവശ്യമായ സൗകര്യമൊരുക്കാൻ മന്ത്രി നിർദ്ദേശം നൽകി

 മഴ കനക്കുന്ന സാഹചര്യത്തിൽ പട്ടിക വിഭാഗ മേഖലകളിൽ  ആവശ്യമായ സൗകര്യങ്ങളൊരുക്കാൻ പട്ടികജാതി പട്ടിക വർഗ വികസന വകുപ്പ് മന്ത്രി ഒ.ആർ കേളു  ഉദ്യോഗസ്ഥർക്ക് നിർദേശം നൽകി. 

മഴയിൽ മലയോര മേഖലകളിലെ പല ഉന്നതികളും നഗറുകളും ഊരുകളും ഒറ്റപ്പെടാനിടയുണ്ട്.  ഈ സാഹചര്യത്തിൽ ഓഫീസർമാരും പ്രമോട്ടർമാരും ഉന്നതികളും ഊരുകളും  സന്ദർശിച്ച് ആവശ്യമായ നടപടികൾ സ്വീകരിക്കണം.

മഴക്കെടുതികൾ നേരിടാനാവശ്യമായ എല്ലാ ക്രമീകരണങ്ങളും ഒരുക്കാൻ   പട്ടിക ജാതി പട്ടികവർഗ വികസന വകുപ്പ് ഡയറക്ടർമാർക്ക് മന്ത്രി നിർദേശം നൽകി. ജില്ലാ ഭരണകൂടത്തിന്റെയും തദ്ദേശ സ്ഥാപനങ്ങളുടെയും സഹകരണത്തോടെ ദുരിതാശ്വാസ പ്രവർത്തനങ്ങൾ നടത്തണമെന്നും മന്ത്രി ഒ.ആർ കേളു നിർദേശിച്ചു.

പി.എൻ.എക്‌സ്. 4804/2024