മലയാള ദിനാഘോഷം സംഘടിപ്പിച്ചു

കേരളപ്പിറവി ദിനത്തോടനുബന്ധിച്ച് സാമ്പത്തിക സ്ഥിതിവിവരക്കണക്ക് വകുപ്പ് സംഘടിപ്പിച്ച മലയാള ദിനാഘോഷത്തിന്റേയും ഭരണഭാഷ വാരാഘോഷത്തിന്റേയും ഉദ്ഘാടനം സാഹിത്യകാരൻ ഡോ. ജോർജ് ഓണക്കൂർ നിർവഹിച്ചു. വകുപ്പ് ഡയറക്ടർ ശ്രീകുമാർ ബി യോഗത്തിൽ അധ്യക്ഷനായിരുന്നു. ചെങ്കൽ ചൂളയിലെ എന്റെ ജീവിതം എന്ന പുസ്തകത്തിന്റെ രചയിതാവ് ധനുജകുമാരിയെ ചടങ്ങിൽ ആദരിച്ചു. എൻ.എസ്.ഒ ഡെപ്യുട്ടി ഡയറക്ടർ വിഭിഷ് ഇ.എം., അഡീഷണൽ ഡയറക്ടർമാരായ വിനോദൻ ടി.പി, മനോജ് എം, ഡോ. കെ.ജി ഗീത, സീനിയർ അഡ്മിനിസ്ട്രേറ്റീവ് ഓഫീസർ സാം ജോസഫ്, സീനിയർ ജോയിന്റ് ഡയറക്ടർ സുദർശ എന്നിവർ യോഗത്തിൽ സന്നിഹിതരായിരുന്നു.

പി.എൻ.എക്‌സ്. 4895/2024