ജില്ലാതല തൊഴിൽ ദാതാക്കളുടെ സംഗമം

ജില്ലയിലെ അഭ്യസ്തവിദ്യരായ തൊഴിലന്വേഷകർക്ക് മികച്ച തൊഴിലവസരങ്ങൾ കണ്ടെത്തുന്നതിനും, നൂതന തൊഴിൽ സാധ്യതകളും നൈപുണ്യ സാധ്യതകളും മനസിലാക്കുന്നതിനായി വെള്ളിയാഴ്ച (നവംബർ എട്ട്) രാവിലെ 10 മണി മുതൽ കോട്ടയം ഇന്ദ്രപ്രസ്ഥ കോഫറൻസ് ഹാളിൽ വച്ച് ജില്ലാതല തൊഴിൽ ദാതാക്കളുടെ സംഗമം - 'സി.എക്‌സ്.ഒ. മേള 2024' സംഘടിപ്പിക്കുന്നു. കുടുംബശ്രീ ജില്ലാമിഷൻ മുഖേന നടപ്പാക്കുന്ന തൊഴിൽദായക പദ്ധതി ഡിഡിയുജികെവൈയും കേരള നോളജ് ഇക്കോണമി മിഷനും സംയുക്തമായാണ് പരിപാടി സംഘടിപ്പിക്കുന്നത്. ജില്ലാ പഞ്ചായത്ത് പ്രസിഡന്റ്  കെ.വി. ബിന്ദു ഉദ്ഘാടനം ചെയ്യും. ജില്ല കളക്ടർ ജോൺ വി സാമുവൽ   മുഖ്യപ്രഭാഷണം നടത്തും. കുടുംബശ്രീ ജില്ലാമിഷൻ കോ ഓർഡിനേറ്റർ അഭിലാഷ് കെ ദിവാകർ, അസിസ്റ്റന്റ് ജില്ലാമിഷൻ കോ ഓർഡിനേറ്റർ  പ്രകാശ് ബി നായർ എന്നിവർ പ്രസംഗിക്കും.