മുത്തുമല- മുപ്ലിയം റോഡിന്റെ നിർമ്മാണോദ്ഘാടനം നടത്തി

വരന്തരപ്പിള്ളി ഗ്രാമപഞ്ചായത്തിലെ  മുത്തുമല- മുപ്ലിയം റോഡിന്റെ നവീകരണ പ്രവർത്തനങ്ങളുടെ ഉദ്ഘാടനം കെ.കെ. രാമചന്ദ്രൻ എം.എൽ.എ നിർവഹിച്ചു. ഗ്രാമപഞ്ചായത്ത് പ്രസിഡന്റ് കലാപ്രിയ സുരേഷ് അധ്യക്ഷത വഹിച്ചു.

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവിൽ വരന്തരപ്പിള്ളി ഗ്രാമപഞ്ചായത്തിലെ പതിനാലാം വാർഡിലാണ് റോഡിന്റെ നവീകരണം നടക്കുന്നത്.

ഗ്രാമപഞ്ചായത്ത് അംഗം അജിതാ സുധാകരൻ, ബ്ലോക്ക് പഞ്ചായത്ത് അംഗം ഹെമലതാ നന്ദകുമാർ, ഇഞ്ചക്കുണ്ട് സർവീസ് സഹകരണ ബാങ്ക് പ്രസിഡന്റ് ബൈജു വൈപ്പിനാടൻ തുടങ്ങിയവർ സംസാരിച്ചു.