കിലെ-ഐ.എ.എസ് അക്കാഡമിയില്‍ സിവില്‍ സര്‍വ്വീസ് പരീക്ഷ പരിശീലനം

കേരള സര്‍ക്കാരിന്റെ തൊഴില്‍ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റ് (കിലെ) നടത്തുന്ന തിരുവനന്തപുരത്തുള്ള കിലെ-ഐ.എ.എസ് അക്കാദമിയില്‍ 2025-26 വര്‍ഷത്തെ സിവില്‍ സര്‍വ്വീസ് പരീക്ഷ പരിശീലനത്തിന് രജിസ്‌ട്രേഷന്‍ ആരംഭിച്ചു. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. അവസാന വര്‍ഷ ബിരുദ വിദ്യാര്‍ത്ഥികള്‍ക്കും പങ്കെടുക്കാം. ഒരു വര്‍ഷം ദൈര്‍ഘ്യമുള്ള ഈ കോഴ്‌സിന് പൊതു വിഭാഗ വിദ്യാര്‍ത്ഥികളുടെ ഫീസ് 50000 ആണ്. ക്ഷേമനിധി ബോര്‍ഡുകളില്‍ രജിസ്റ്റര്‍ ചെയ്തിട്ടുള്ള തൊഴിലാളികളുടെ ആശ്രിതര്‍ക്ക് 50 ശതമാനം ഫീസിളവ് ഉണ്ട്. ഇതു സംബന്ധിച്ച വിശദാംശങ്ങള്‍ക്കും രജിസ്‌ട്രേഷന്‍ ലിങ്കിനും www.kile.kerala.gov.in/kileiasacademy വെബ്സൈറ്റ് സന്ദര്‍ശിക്കാം. കൂടാതെ kilecivilservice@gmail.com ലേക്ക് ഇമെയില്‍ ചെയ്യുകയോ, 8075768537 നമ്പരിലേക്ക് വാട്‌സാപ്പ് ചെയ്യുകയോ, 0471-2479966, 8075768537 നമ്പരുകളില്‍ ബന്ധപ്പെടുകയോ ചെയ്യുക.