മത്സ്യത്തൊഴിലാളികളുടെ മക്കൾക്ക് ക്യാഷ് അവാർഡ്: അപേക്ഷ ക്ഷണിച്ചു

2024-25 അധ്യയനവർഷത്തിൽ എസ്.എസ്.എൽ.സി, ടി.എച്ച്.എസ്.എൽ.സി, ഗവൺമെന്റ് റീജിയണൽ ഫിഷറീസ് ടെക്‌നിക്കൽ ഹൈസ്കൂൾ എന്നിവിടങ്ങളിലായി പത്താം ക്ലാസ് പരീക്ഷകളിൽ ഉയർന്ന മാർക്ക് നേടിയ മത്സ്യത്തൊഴിലാളികളുടെയും അനുബന്ധ മത്സ്യ തൊഴിലാളികളുടെയും മക്കൾക്ക് ക്യാഷ് അവാർഡ് നൽകുന്നതിന് അപേക്ഷ ക്ഷണിച്ചു.

ഇതോടൊപ്പം, അതേ വർഷം കായിക വിനോദ മത്സരങ്ങളിൽ ദേശീയതലത്തിലും, സംസ്ഥാനതലത്തിലും ഒന്നും രണ്ടും മൂന്നും സ്ഥാനങ്ങൾ നേടിയ വിദ്യാർത്ഥികൾക്ക് ക്യാഷ് അവാർഡ് നൽകുന്നതിനും ബോർഡ് അപേക്ഷ ക്ഷണിച്ചു.

അപേക്ഷകൾ മത്സ്യ ബോർഡിന്റെ ഫിഷറീസ് ഓഫീസുകളിൽ സമർപ്പിക്കേണ്ടതാണ്. കൂടുതൽ വിവരങ്ങൾക്ക് മത്സ്യ ബോർഡിന്റെ ഫിഷറീസ് ഓഫീസുമായോ മേഖല ഓഫീസുമായോ ബന്ധപ്പെടണം. അപേക്ഷ സമർപ്പിക്കേണ്ട അവസാന തിയതി മെയ് 20, വൈകിട്ട് 5 മണി.  കൂടുതൽ വിവരങ്ങൾക്ക് ഫോൺ: 0484 2396005.