ജിപിഎസ് മാപ്പ് തയ്യാറാക്കാന്‍ ക്വട്ടേഷന്‍ ക്ഷണിച്ചു

അട്ടപ്പാടി മേഖലയില്‍ വനാവകാശ നിയമം 2006 നടപ്പിലാക്കുന്നതിനായി ജി.പി.എസ് ഉപയോഗിച്ച് സര്‍വ്വെ നടപടികള്‍ നടന്നുവരുന്നു. ഇത്തരത്തില്‍ നടപടി പൂര്‍ത്തിയാക്കുന്ന അപേക്ഷകളില്‍ ജി.പി.എസ് (ഗ്ലോബല്‍ പൊസിഷനിംഗ് സിസ്റ്റം) ഉപയോഗിച്ച്കൊണ്ട് മാപ്പ് തയ്യാറാക്കി നല്‍കുന്നതിന് വ്യക്തി/ സ്ഥാപനങ്ങളില്‍ നിന്ന് ക്വട്ടേഷനുകള്‍ ക്ഷണിച്ചു. ഒരു അപേക്ഷയില്‍ മാപ്പ് തയ്യാറാക്കുന്നതിന് വേണ്ടിവരുന്ന തുക ക്വട്ടേഷനില്‍ കാണിച്ചിരിക്കണം. ക്വട്ടേഷനുകള്‍ ജൂണ്‍ പത്തിന് വൈകിട്ട് മൂന്നിനകം നല്‍കണം. അതേദിവസം വൈകിട്ട് നാലിന് അട്ടപ്പാടി ഐ.ടി.ഡി.പി ഓഫീസില്‍ ക്വട്ടേഷന്‍ തുറക്കും. ക്വട്ടേഷന്‍ അംഗീകാരം ലഭിച്ച വ്യക്തി/ സ്ഥാപനം ഐ.ടി.ഡി.പി പ്രൊജക്ട് ഓഫീസറുമായി 200 രൂപ മുദ്രപ്പത്രത്തില്‍ കരാര്‍ ഒപ്പുവെയ്ക്കേണ്ടതാണെന്നും പ്രൊജക്ട് ഓഫീസര്‍ അറിയിച്ചു. ഫോണ്‍: 04924 254223, 04924 254382.