ദേവസ്വം ബോർഡ് അസിസ്റ്റന്റ് ലാ ഓഫീസർ ഗ്രേഡ് 2 പരീക്ഷ നവംബർ മൂന്നിന്

തിരുവിതാകൂർ ദേവസ്വം ബോർഡിലേക്കുളള അസിസ്റ്റന്റ് ലാ ഓഫീസർ ഗ്രേഡ് 2 (കാറ്റഗറി നമ്പർ 11/2018) തസ്തികയിൽ നിയമനത്തിനായി അപേക്ഷ സമർപ്പിച്ചിട്ടുളള ഉദ്യോഗാർഥികൾക്കായി നവംബർ മൂന്നിന് രാവിലെ പത്ത് മുതൽ ഉച്ചയ്ക്ക് ഒന്ന് വരെ തിരുവനന്തപുരം കോട്ടൺഹിൽ ഗവൺമെന്റ് ഗേൾസ് ഹയർസെക്കണ്ടന്ററി സ്‌കൂളിൽ എഴുത്തു പരീക്ഷ നടത്തും. പരീക്ഷയ്ക്കുളള അഡ്മിഷൻ ടിക്കറ്റുകൾ ഉദ്യോഗാർഥികളുടെ പ്രൊഫൈലിൽ ലഭിക്കും. അഡ്മിഷൻ ടിക്കറ്റ് കേരള ദേവസ്വം റിക്രട്ട്‌മെന്റ് ബോർഡിന്റെ ഔദ്യോഗിക വെബ്‌സൈറ്റായ www.kdrb.kerala.gov.in ൽ നിന്നും ഡൗൺലോഡ് ചെയ്യാം. ഉദ്യോഗാർഥികൾ അഡ്മിഷൻ ടിക്കറ്റും കേരള ദേവസ്വം റിക്രൂട്ടമെന്റ് ബോർഡ് അംഗീകരിച്ച തിരിച്ചറിയൽ രേഖയുടെ അസ്സലും സഹിതം പരീക്ഷ തുടങ്ങുന്നതിന് അര മണിക്കൂർ മുമ്പേ പരീക്ഷ കേന്ദ്രത്തിൽ ഹാജരാകണം. വൈകിയെത്തുന്നവരെ പരീക്ഷ എഴുതാൻ അനുവദിക്കുന്നതല്ല. പരീക്ഷാ പ്രോഗ്രാം, സിലബസ് മുതലായ വിശദവിവരങ്ങൾ കേരള ദേവസ്വം റിക്രൂട്ട്‌മെന്റ് ബോർഡിന്റെ ഔദ്യോഗിക വെബ്‌സൈറ്റിൽ ലഭിക്കും.
പി.എൻ.എക്‌സ്.3778/19