ദേശീയ കായിക മേള: ബോൾബാഡ്മിന്റൺ കേരള സ്‌കൂൾ ടീമിനെ തിരഞ്ഞെടുത്തു

ദേശിയ കായിക മേളയിലേക്കുള്ള ബോൾ ബാഡ് മിന്റൺ ഗേൾസ് അണ്ടർ 17, 19 ടീമിനെ തിരഞ്ഞെടുത്തു. ജില്ലയിൽ നടക്കുന്ന സംസ്ഥാന കായിക മേളയിൽ മികച്ച പ്രകടനം കാഴ്ചവെച്ച വിദ്യാർത്ഥിനികളിൽ നിന്നാണ് ദേശിയ കായിക മേളയിലേക്കുള്ള കായിക താരങ്ങൾ തിരഞ്ഞെടുക്കപ്പെട്ടത്. പത്തു പേരടങ്ങുന്ന ടീമിൽ തൃശ്ശൂരിൽ നിന്ന് നാലും എറണാകുളം, പാലക്കാട് ജില്ലകളിൽ നിന്നും രണ്ടും മലപ്പുറം, തിരുവനന്തപുരം ജില്ലകളിൽ നിന്നും ഒന്നും വിദ്യാർത്ഥിനികൾ ടീമിൽ ഉള്ളത്.
തൃശ്ശൂർ മറ്റം സെൻറ് ഫ്രാൻസിസ് ഹൈസ്‌കൂളിലെ വോൾഗ ഡേവിസ്, ജാസ്മിൻ പോൾ സി, മാള സോകോഴ്‌സോ സ്‌കൂളിലെ ജോഷ്ണ ജോൺ വി, അഭിത പി വി, മലപ്പുറം എടവണ്ണ ഹയർ സെക്കന്ററി സ്‌കൂളിലെ മിസ്ന കെ, എറണാകുളം മൂത്തകുന്നം എസ് എൻ എം ഹയർ സെക്കന്ററി സ്‌കൂളിലെ ഭിയട്രീസ് എം ഇ, കൊട്ടുവള്ളിക്കാട് എച്ച് എം വൈ എസ് ഹയർ സെക്കന്ററി സ്‌കൂളിലെ ലക്ഷ്മി പി എസ്, പാലക്കാട് വണ്ടാഴി സി വി എം ഹൈസ്‌കൂളിലെ കൃഷ്ണപ്രിയ കെ, ഫർസാന കെ ആർ, തിരുവനന്തപുരം നെടുമങ്ങാട് ഗേൾസ് ജി എച്ച് എസ് എസ് സ്‌കൂളിലെ ആതിര സന്തോഷ് എന്നി വിദ്യാർത്ഥിനികളാണ് ദേശിയ കായിക മത്സരത്തിൽ പങ്കെടുക്കാനുള്ള യോഗ്യത നേടിയത്. മുൻ ദേശീയ കായിക താരങ്ങളും സ്‌പോർട്‌സ് കൗൺസിൽ അംഗങ്ങളുമായ വൈ. പ്രദീപ്, വിമൽ ചന്ദ്രൻ ആർ, ഒ. ഉണ്ണികൃഷ്ണൻ എന്നിവരാണ് ടീമിനെ തിരഞ്ഞെടുത്തത്.