മെഗാജോബ് ഫെയർ തിരുവല്ലയിൽ

ആലപ്പുഴ: ജില്ലാ എംപ്ലോയ്‌മെന്റ് എക്‌സ്‌ചേഞ്ച്-എംപ്ലോയബിലിറ്റി സെന്റർ, പത്തനംതിട്ട ജില്ലാ എംപ്ലോയ്‌മെന്റ് എക്‌സ്‌ചേഞ്ച,് മാക്ഫാസ്റ്റ് കോളേജ് തിരുവല്ല എന്നിവയുടെ സംയുക്ത ആഭിമുഖ്യത്തിൽ മെഗാതൊഴിൽമേള 'ദിശ'  നവംബർ 9 ന് തിരുവല്ല മാക്ഫാസ്റ്റ് കൊളേജിൽ നടത്തും.  നാൽപതോളം കമ്പനികളിൽ നിന്നായി രണ്ടായിരത്തോളം തൊഴിൽ അവസരങ്ങളുണ്ടാകും. തൊഴിൽ മേള പ്രവൃത്തിപരിചയം ഉള്ളവരെയും ഇല്ലാത്തവരേയും ഒരുപോലെ ലക്ഷ്യമിടുന്നു. പ്ലസ് ടു അല്ലെങ്കിൽ തത്തുല്ല്യ യോഗ്യത ഐ ടി ഐ, ഐ ടി സി മുതൽ ഡിപ്ലോമ, ബി ടെക്, ബിരുദം, ബിരുദാനന്തര ബിരുദം വരെ യോഗ്യതയുള്ളവർക്ക് തൊഴിൽമേളയിൽ പങ്കെടുക്കാം (പ്രായപരിധി 40 വയസ്സ്). കേരളത്തിലെ പ്രമുഖഹോസ്പിറ്റലുകളിൽ നിന്ന് നഴ്‌സിംഗ് മേഖലയിലേയ്ക്ക് മാത്രമായി അഞ്ഞൂറോളം വേക്കൻസികളും മേളയിൽ റിപ്പോർട്ട് ചെയ്തിട്ടുണ്ട്്. തൊഴിൽമേളയിൽ പങ്കെടുക്കാൻ ആഗ്രഹിക്കുന്ന ഉദ്യോഗാർത്ഥികൾ ബയോഡേറ്റയുടെ 6 പകർപ്പ്, സർട്ടിഫിക്കറ്റുകളുടെ ഓരോ പകർപ്പ് എന്നിവയുമായി അന്നേദിവസം രാവിലെ 8.30 ന് തിരുവല്ല മാക്ഫാസ്റ്റ് കോളേജിൽ എത്തിച്ചേരണം. പങ്കെടുക്കുന്ന കമ്പനികളുടെ വിശദവിവരങ്ങൾ നവംബർ 5 ന് രാവിലെ 11 മണിയ്ക്ക്   www.employabilitycentre.org എന്ന വെബ്‌സൈറ്റിൽ പ്രസിദ്ധീകരിക്കും. ഫോൺ നം :  0477 2230624, 9656421872, 8304057735.