നവകേരളനിർമ്മാണത്തിനായി റീബൂട്ട്‌കേരള ഹാക്കത്തോൺ 2020

കേരളത്തിലെ ഉന്നതവിദ്യാഭ്യാസ സ്ഥാപനങ്ങളിലെ വിദ്യാർത്ഥികളുടെ നവീന ആശയങ്ങൾ ഉപയോഗപ്പെടുത്തി, വിവിധ സർക്കാർ വകുപ്പുകളുടെയും, സ്വകാര്യ -പൊതുമേഖലാ സ്ഥാപനങ്ങളുടെയും പ്രശ്‌നങ്ങൾക്ക് പരിഹാരം കണ്ടെത്തുന്നതിന് സംസ്ഥാന ഉന്നതവിദ്യാഭ്യാസവകുപ്പും അസാപ്പും ''റീബൂട്ട്‌കേരള 2020'' എന്നപേരിൽ ഹാക്കത്തോൺ സംഘടിപ്പിക്കുന്നു.
ആദ്യഘട്ടത്തിൽ പത്തു ഹാക്കത്തോൺ മത്സരങ്ങൾ സംസ്ഥാനത്തുടനീളം നടത്തും. തുടർച്ചയായി 36 മണിക്കൂർ നീണ്ടുനിൽക്കുന്ന ഹാക്കത്തോൺ മത്സരങ്ങളിൽനിന്നും തിരഞ്ഞെടുക്കപ്പെടുന്ന ടീമുകളായിരിക്കും ഫൈനലിൽ പങ്കെടുക്കുക. ജനുവരിയിൽ തുടങ്ങുന്ന ഹാക്കത്തോൺ മത്സരങ്ങളിൽ നിന്നും വിജയിക്കുന്നവരെ പങ്കെടുപ്പിച്ചു ഗ്രാൻഡ്ഫിനാലെ മാർച്ചിൽ നടക്കും.
സമൂഹത്തിലെ ദൈനംദിന പ്രശ്‌നങ്ങൾക്ക് വിദ്യാർത്ഥികളിലൂടെ ഫലപ്രദമായ, ചെലവുകുറഞ്ഞ ആശയങ്ങളും പരിഹാരമാർഗങ്ങളും കണ്ടെത്തുക എന്നതാണ് ലക്ഷ്യം.
പി.എൻ.എക്‌സ്.3919/19