അനെര്‍ട്ട് ലോഗോ ഡിസൈന്‍ മത്സരം

അനെര്‍ട്ടിന്റെ ലോഗോ നവീകരിക്കുന്നതിന് സൃഷ്ടികള്‍ ക്ഷണിച്ചു. തെരഞ്ഞെടുക്കുന്ന ലോഗോയ്ക്ക് അമ്പതിനായിരം രൂപയും പ്രശസ്തിപത്രവും ലഭിക്കും. തയാറാക്കുന്ന ലോഗോ www.anert.gov.in എന്ന വെബ്‌സൈറ്റിലൂടെ ഓണ്‍ലൈനായി നവംബര്‍ 20ന് വൈകിട്ട് അഞ്ച് വരെ സമര്‍പ്പിക്കാം. സമര്‍പ്പിക്കുന്ന ഡിസൈനുകള്‍ പരമാവധി 10 എംബിയിലുള്ള ജെപിജെ/ജെപിഇജി ഫോര്‍മാറ്റിലായിരിക്കണം. ഒരു വ്യക്തിക്ക് മൂന്ന് ഡിസൈനുകള്‍ വരെ സമര്‍പ്പിക്കാം. കൂടുതല്‍ വിവരം 1800 425 1803 എന്ന ടോള്‍ഫ്രീ നമ്പരില്‍ ലഭിക്കും.