സ്ത്രീ ശാക്തീകരണത്തിന്റെ ഭാഗമായി നൈറ്റ് വാക്ക് 29ന്
ആലപ്പുഴ: സ്ത്രീ ശാക്തീകരണ പരിപാടിയുടെ ഭാഗമായി ഡിസംബര്‍ 29ന് നിര്‍ഭയ ദിനത്തില്‍ രാത്രി 11 മുതല്‍ പുലര്‍ച്ചെ ഒന്നു വരെ നൈറ്റ് വാക്ക് അഥവ രാത്രി നടത്തം സംഘടിപ്പിക്കുന്നു. 'പൊതുയിടം എന്‍റേതും' എന്ന സന്ദേശം എല്ലാവരിലും എത്തിക്കുക എന്നതാണ് ഇതുവഴി ഉദ്ദേശിക്കുന്നത്. ജില്ല വനിതാ ശിശു വികസന ഓഫീസിന്‍റെ ആഭിമുഖ്യത്തിലാണ് പരിപാടി. രാത്രികാലങ്ങളില്‍ പുറത്തു ഇറങ്ങി നടക്കുന്നതില്‍ സ്ത്രീകള്‍ക്ക് മാനസികമായ പ്രയാസങ്ങളും അകാരണമായ പേടിയുമുള്ള അവസ്ഥയാണ് നിലനില്‍ക്കുന്നത്. അതില്‍ നിന്നും അവരെ മാറ്റിയെടുക്കുക എന്നതും രാത്രികാലങ്ങളില്‍ അവരെ ശല്യപ്പെടുത്താനായി മുന്നോട്ട് വരുന്ന സാമൂഹ്യ വിരുദ്ധരുടെ സാഹചര്യം ഒഴിവാക്കുക എന്നതും നൈറ്റ് വാക്ക് ലക്ഷ്യമിടുന്നു. അപകട സാഹചര്യങ്ങളില്‍ വിവരങ്ങള്‍ അപ്പോള്‍ തന്നെ പൊലീസിന് കൊടുക്കകയും അവര്‍ക്കതിരെ കേസെടുത്തു കര്‍ശന നടപടി സ്വീകരിക്കുകയും ചെയ്യുന്നതിന് സമൂഹത്തെ ബോധവത്കരിക്കുക എന്നതും ലക്ഷ്യമിടുന്നു.
ജില്ലയിലെ തിരഞ്ഞെടുക്കപ്പെട്ട ആറ് മുന്‍സിപ്പല്‍ നഗരങ്ങളില്‍ ചേര്‍ത്തല, ആലപ്പുഴ, ഹരിപ്പാട്, കായംകുളം, മാവേലിക്കര, ചെങ്ങന്നൂര്‍ എന്നിവിടങ്ങളിലാണ് നൈറ്റ് വാക്ക് നടക്കുക. രാത്രികാല നടത്തം ഡിസംബര്‍ 29ന് ശേഷം വനിത ദിനമായ മാര്‍ച്ച് എട്ടുവരെ ജില്ലയിലെ മറ്റു പല ഭാഗങ്ങളിലും അറിയിക്കാതെ ആഴ്ച തോറും സംഘടിപ്പിക്കും.
ആലപ്പുഴയില്‍ കെ.എസ്.ആര്‍.ടി.സി ബസ് സ്റ്റാന്‍ഡ് മുതല്‍ ജില്ല കോടതിപ്പാലം, വൈ.എം.സി.എ പാലം വഴി (തെക്കേക്കര) വൈ.എം.സി.എ പാലം പടിഞ്ഞാറ് പ്രൈവറ്റ് ബസ് സ്റ്റാന്‍ഡ് വരെയും കളക്ടറേറ്റ് ജങ്ഷന്‍, ആലപ്പുഴ മുതല്‍ ശവക്കോട്ടപാലം, വഴിച്ചേരി പാലം (തെക്കേക്കര) വഴി പ്രൈവറ്റ് ബസ് സ്റ്റാന്‍ഡ് വരെയും ആലപ്പുഴ ജനറല്‍ ഹോസ്പിറ്റല്‍ ജങ്ഷന്‍ മുതല്‍ ഇരുമ്പ് പാലം, വൈ.എം.സി.എ ജങ്ഷന്‍ വഴി പ്രൈവറ്റ് ബസ് സ്റ്റാന്‍ഡ് വരെയും ജില്ല കോടതി മുതല്‍ ജില്ല കോടതി വടക്കേ കര വഴി പ്രൈവറ്റ് ബസ് സ്റ്റാന്‍ഡ് വരെയുമാണ് നൈറ്റ് വാക്ക്.
ചേര്‍ത്തലയില്‍ ചേര്‍ത്തല പൊലീസ് സ്റ്റേഷന്‍ മുതല്‍ ഫയര്‍സ്റ്റേഷന്‍ റോ‍ഡ് വഴി ഹോസ്പിറ്റല്‍ ജങ്ഷന്‍ വഴി കെ.എസ്.ആര്‍.ടി.സി ബസ് സ്റ്റാന്‍ഡ് വരെയും കോടതി കവല മുതല്‍ കിഴക്കോട്ട് വന്ന് മഞ്ഞള്‍ സൂപ്പര്‍ മാര്‍ക്കറ്റ് ജങ്ഷന്‍ വഴി ചേര്‍ത്തല കെ.എസ്.ആര്‍.ടി.സി ബസ് സ്റ്റാന്‍ഡ് വരെയും ചേര്‍ത്തല എക്സ് റേ ജങ്ഷന്‍ മുതല്‍ ചേര്‍ത്തല കെ.എസ്.ആര്‍.ടി.സി ബസ് സ്റ്റാന്‍ഡ് വരെയും പൈവറ്റ് ബസ് സ്റ്റാന്‍ഡ് മുതല്‍ കെ.എന്‍.ജി വഴി അമ്പലം വന്ന് വടക്കോട്ട് വന്ന്, ചിത്രാഞ്ജലി വന്ന് ചേര്‍ത്തല കെ.എസ്.ആര്‍.ടി.സി ബസ് സ്റ്റാന്‍ഡ് വരെയും നടക്കും. ഹരിപ്പാട് ഹരിപ്പാട് അമ്പലം മുതല്‍ തെക്കേനട, ഹൈവേ വന്ന് എം.ലാല്‍ സിനി ഫ്ളക്സ് തീയറ്റര്‍ വരെയും കച്ചേരി ജങ്ഷന്‍ മുതല്‍ ടൗണ്‍ ഹാള്‍, മാധവ ജങ്ഷന്‍ വഴി എം.ലാല്‍ സിനി ഫ്ളക്സ് തീയറ്റര്‍ വരെയും ഹരിപ്പാട് കെ.എസ്.ആര്‍.ടി.സി ബസ്റ്റാന്‍ഡ് മുതല്‍ ഹൈവേ വഴി എം.ലാല്‍ സിനി ഫ്ളക്സ് തീയറ്റര്‍ വരെയും എഴിക്കകത്ത് ജങ്ഷന്‍ മുതല്‍ ജനറല്‍ ഹോസ്പിറ്റല്‍ വഴി എം.ലാല്‍ സിനി ഫ്ളക്സ് തീയറ്റര്‍ വരെയും നടക്കും.
കായംകുളത്ത് എം.എസ്.എം കോളജ് ഹൈവേ വഴി കായംകുളം കെ.എസ്.ആര്‍.ടി.സി ബസ് സ്റ്റാന്‍ഡ് വരെയും കായംകുളം പൊലീസ് സ്റ്റേഷന്‍ മുതല്‍ ഹൈസ്കൂള്‍ ജങ്ഷന്‍ വഴി കായംകുളം കെ.എസ്.ആര്‍.ടി.സി ബസ് സ്റ്റാന്‍ഡ് വരെയും കായംകുളം കായല്‍ (മത്സ്യ കന്യക) മുതല്‍ ടൗണ്‍ ഹാള്‍ വഴി കായംകുളം കെ.എസ്.ആര്‍.ടി.സി ബസ് സ്റ്റാന്‍ഡ് വരെയും കായംകുളം പ്രൈവറ്റ് ബസ് സ്റ്റാന്‍ഡ് മുതല്‍ കോടതി വഴി കെ.എസ്.ആര്‍.ടി.സി ബസ് സ്റ്റാന്‍ഡ് വരെയും നടക്കും.
മാവേലിക്കരയില്‍ മാവേലിക്കര ബിഷപ്പ് ഹോഡ്ജസ് ഹൈസ്കൂള്‍ ജങ്ഷന്‍ മുതല്‍ മാവേലിക്കര പ്രൈവറ്റ് ബസ് സ്റ്റാന്‍ഡ് വരെയും മാവേലിക്കര പുഷ്പ (പൂക്കട) ജങ്ഷന്‍ മുതല്‍ മാവേലിക്കര പ്രൈവറ്റ് ബസ് സ്റ്റാന്‍ഡ് വരെയും പുതിയകാവ് ജങ്ഷന്‍ മുതല്‍ മാവേലിക്കര പ്രൈവറ്റ് ബസ് സ്റ്റാന്‍ഡ് വരെയും ബുദ്ധ ജങ്ഷന്‍ മുതല്‍ മിച്ചല്‍ ജങ്ഷന്‍ വഴി മാവേലിക്കര പ്രൈവറ്റ് ബസ് സ്റ്റാന്‍ഡ് വരെയും നടക്കും. ചെങ്ങന്നൂരില്‍ ചെങ്ങന്നൂര്‍ ആല്‍ത്തറ ജങ്ഷന്‍ മുതല്‍ ചെങ്ങന്നൂര്‍ കെ.എസ്.ആര്‍.ടി.സി ബസ് സ്റ്റാന്‍ഡ് വരെയും ഐ.ടി.ഐ ജങ്ഷന്‍ മുതല്‍ ചെങ്ങന്നൂര്‍ കെ.എസ്.ആര്‍.ടി.സി ബസ് സ്റ്റാന്‍ഡ് വരെയും ചെങ്ങന്നൂര്‍ പ്രൈവറ്റ് ബസ് സ്റ്റാന്‍ഡ് മുതല്‍ ചെങ്ങന്നൂര്‍ കെ.എസ്.ആര്‍.ടി.സി ബസ് സ്റ്റാന്‍ഡ് വരെയും നൈറ്റ് വാക്ക് നടക്കും.
- Log in to post comments