കോന്നി ലൈഫ് മിഷന്‍ കുടുംബസംഗമം ജനുവരി ഏഴിന്

കോന്നി ബ്ലോക്ക് പഞ്ചായത്തിലുള്‍പ്പെട്ട എല്ലാഗ്രാമ പഞ്ചായത്തിലെയും ലൈഫ് മിഷന്‍-പി.എം.എ.വൈ (ജി) ഭവന പദ്ധതിയില്‍ ഭവന നിര്‍മ്മാണം പൂര്‍ത്തിയാക്കിയ ഗുണഭോക്താക്കളുടെ കുടുംബസംഗമവും അദാലത്തും ജനുവരി ഏഴിന് രാവിലെ ഒന്‍പത് മുതല്‍ പ്രമാടം രാജീവ് ഗാന്ധി ഇന്‍ഡോര്‍ സ്റ്റേഡിയത്തില്‍  നടക്കും. കുടുംബസംഗമത്തോടൊപ്പം ഇരുപതോളം വകുപ്പുകളുടെ പങ്കാളിത്തം ഉറപ്പാക്കി അദാലത്ത് സംഘടിപ്പിക്കും.  അഡ്വ.കെ.യു. ജനീഷ് കുമാര്‍ എം.എല്‍.എ ഉദ്ഘാടനം നിര്‍വഹിക്കും.

ലൈഫ്-പി.എം.എ.വൈ (ജി)  ഗുണഭോക്താക്കള്‍ക്ക് കേന്ദ്ര-സംസ്ഥാന സര്‍ക്കാരുകളുടെ വിവിധ ക്ഷേമ പദ്ധതികളും സേവനങ്ങളും നേരിട്ട് ലഭ്യമാക്കുന്നതാണ് കുടുംബസംഗമം. കോന്നി ബ്ലോക്ക് പഞ്ചായത്ത് പ്രസിഡന്റ്  കോന്നിയൂര്‍ പി.കെ. അധ്യക്ഷത വഹിക്കുന്ന പരിപാടിയില്‍ തദ്ദേശ സ്വയം ഭരണസ്ഥാപനങ്ങളിലെ അധ്യക്ഷന്മാര്‍, അംഗങ്ങള്‍, ലൈഫ് ഗുണഭോക്താക്കള്‍ തുടങ്ങിയവര്‍ പങ്കെടുക്കും.