Post Category
ഇടപ്പള്ളി ടോളിലെ വെള്ളക്കെട്ട് : മാര്‍ച്ച് 31നകം നിര്‍മ്മാണം പൂര്‍ത്തിയാക്കണം
കാക്കനാട്: ഇടപ്പള്ളി ടോളിലെ വെള്ളക്കെട്ടിന് പരിഹാരം കാണുന്നതിനായി മാര്‍ച്ച് 31 നകം കാനകളുടെ നവീകരണമടക്കമുള്ള പ്രവൃത്തികള്‍ പൂര്‍ത്തിയാക്കാന്‍ ജില്ലാ കളക്ടര്‍ എസ്. സുഹാസ് ഉത്തരവിട്ടു. രണ്ടാഴ്ചയ്ക്കുള്ളില്‍ ദേശീയപാത അതോറിട്ടി ഉദ്യോഗസ്ഥരും കൊച്ചി മെട്രോ റെയില്‍ ഉദ്യോഗസ്ഥരും സംയുക്ത സ്ഥലപരിശോധന നടത്തണം. കളമശ്ശേരി നഗരസഭയ്ക്കാണ് നിര്‍മ്മാണ പ്രവര്‍ത്തനങ്ങളുടെ മേല്‍നോട്ട ചുമതല. വെള്ളക്കെട്ടിന് പരിഹാരം കാണുന്നതിനായി ചേര്‍ന്ന യോഗത്തില്‍ ജില്ലാ ദുരന്തനിവാരണ അതോറിട്ടി ഡെപ്യൂട്ടി കളക്ടര്‍ കെ. ടി. സന്ധ്യാ ദേവി, ദേശീയപാത അതോറിട്ടി ഉദ്യോഗസ്ഥര്‍, കൊച്ചി മെട്രോ റെയില്‍ ഉദ്യോഗസ്ഥര്‍, കളമശ്ശേരി നഗരസഭ ഉദ്യോഗസ്ഥര്‍ എന്നിവര്‍ പങ്കെടുത്തു
date
- Log in to post comments