വനിതാ കമ്മീഷന്‍ മാധ്യമ അവാര്‍ഡ്
സ്ത്രീ ശാക്തീകരണം,സ്ത്രീകളുടെ പ്രശ്‌നങ്ങള്‍,സ്ത്രീകളുടെ നേട്ടങ്ങള്‍ എന്നീ മേഖലകളില്‍ മികച്ച വാര്‍ത്തകള്‍ റിപ്പോര്‍ട്ട് ചെയ്ത മാധ്യമ പ്രവര്‍ത്തകര്‍ക്കുളള അവാര്‍ഡിന് സംസ്ഥാന വനിതാ കമ്മീഷന്‍ അപേക്ഷ ക്ഷണിച്ചു.
2019 ജനുവരി മുതല്‍ ഡിസംബര്‍ വരെ ഇംഗ്ലീഷ്, മലയാളം അച്ചടി-ദൃശ്യ വിഭാഗങ്ങളില്‍ പ്രസിദ്ധീകരിച്ചതും സംപ്രേക്ഷണം ചെയ്തതുമായ വാര്‍ത്തകളാണ് പരിഗണിക്കുക. 25,000 രൂപയും ഫലകവും സര്‍ട്ടിഫിക്കറ്റുമടങ്ങുന്നതാണ് അവാര്‍ഡ്.
അച്ചടി വിഭാഗത്തിലെ അവാര്‍ഡിന് പ്രസിദ്ധീകരിച്ച വാര്‍ത്തയുടെ ഒറിജിനലും സാക്ഷ്യപ്പെടുത്തിയ മൂന്ന് കോപ്പിയും ദൃശ്യ മാധ്യമ വിഭാഗത്തില്‍ വാര്‍ത്തയുടെ വീഡിയോ/ സിഡി/പെന്‍ഡ്രൈവ് നല്‍കണം.
എഡിറ്റര്‍/എക്‌സിക്യൂട്ടിവ് എഡിറ്ററുടെ സാക്ഷ്യപത്രം, പേര്, വിലാസം, തസ്തിക, ഫോണ്‍ നമ്പര്‍, മെയില്‍ ഐഡി എന്നീ വിവരങ്ങള്‍ അടങ്ങിയ ബയോഡേറ്റയും സഹിതം അപേക്ഷ ഫെബ്രുവരി 25നകം നല്‍കണം. വിലാസം: മെമ്പര്‍ സെക്രട്ടറി, കേരള വനിതാ കമ്മീഷന്‍, പട്ടം പി.ഒ, തിരുവനന്തപുരം- 695 004
- Log in to post comments