പ്ലാനിംഗ് ബോര്ഡ് അംഗം ഡോ. ഇക്ബാല് കുടുംബാരോഗ്യ കേന്ദ്രങ്ങള് സന്ദര്ശിച്ചു
സംസ്ഥാന സര്ക്കാരിന്റെ ആസൂത്രണ ബോര്ഡ് അംഗവും കേരള യൂണിവേഴ്സിറ്റി മുന് വൈസ് ചാന്സലറുമായ ഡോക്ടര് ബി ഇക്ബാല് ജില്ലയിലെ കുടുംബാരോഗ്യ കേന്ദ്രങ്ങള് സന്ദര്ശിച്ച് പ്രവര്ത്തനങ്ങള് വിലയിരുത്തി.കയ്യൂര്, കിനാനൂര്-കരിന്തളം കുടുംബാരോഗ്യ കേന്ദ്രങ്ങള് ആണ് സന്ദര്ശിച്ചത്. ആശുപത്രിയിലെ ഭൗതികസാഹചര്യങ്ങള്, പൊതുജനങ്ങള്ക്കുള്ള സൗകര്യങ്ങള്, വിവിധ ആരോഗ്യ സേവനങ്ങള്, ഡോക്ടര്മാര് ഉള്പ്പെടെയുള്ള ജീവനക്കാരുടെ പ്രവര്ത്തനങ്ങള്, ശ്വാസ് ആശ്വാസ് ക്ലിനിക്കുകള്, സായാഹ്ന ഒ പി യുടെ പ്രവര്ത്തനം എന്നീ കാര്യങ്ങള് അദ്ദേഹം വിലയിരുത്തി.
കയ്യൂരില് എം രാജഗോപാലന് എം എല് എ യുടെ അധ്യക്ഷതയിലും, കിനാനൂര്-കരിന്തളം പഞ്ചായത്തില് പ്രസിഡണ്ട് വിധു ബാലയുടെ അധ്യക്ഷതയിലും അവലോകന യോഗങ്ങള് നടന്നു. കയ്യൂര് ചീമേനി പഞ്ചായത്ത് പ്രസിഡന്റ് കെ ശകുന്തള , ജില്ലാ ഡെപ്യൂട്ടി മെഡിക്കല് ഓഫീസര് ഡോ. എ. ടി മനോജ് , ജില്ലാ പ്രോഗ്രാം മാനേജര് ആരോഗ്യ കേരളം ഡോ. രാമന് സ്വാതി വാമന്, ഡോ. പി വി അരുണ് ,, ഡോ. ഡാല്വിറ്റ നിയ ജെയിംസ് , പഞ്ചായത്ത് മെമ്പര്മാര്, ആരോഗ്യ സ്ഥാപനങ്ങളിലെ ഉദ്യോഗസ്ഥര്, ആശാവര്ക്കര്മാര് എന്നിവര് പങ്കെടുത്തു..
- Log in to post comments