മതിലകം സി കെ വളവ് സൗഹൃദ റോഡ് ജനങ്ങൾക്ക് തുറന്നു കൊടുത്തു

മതിലകം ഗ്രാമ പഞ്ചായത്ത് നാലാം വാർഡിൽ നിർമ്മാണം പൂർത്തീകരിച്ച സി.കെ.വളവ് സൗഹൃദ റോഡ് ജനങ്ങൾക്ക് തുറന്നു കൊടുത്തു. പ്രദേശത്തെ നൂറോളം കുടുംബങ്ങൾക്ക് പ്രയോജനകരമാകുന്നതാണ് റോഡ്. ഇ ടി ടൈസൺ മാസ്റ്റർ എംഎൽഎ ഫണ്ടിൽ നിന്നനുവദിച്ച 13,75000 രൂപ ചെലവഴിച്ചാണ് റോഡ് നിർമ്മാണം പൂർത്തിയാക്കിയത്.
420 മീറ്റർ നീളമുള്ള റോഡ് ഇ ടി. ടൈസൺ മാസ്റ്റർ എം.എൽ.എ ജനങ്ങൾക്ക് തുറന്നു കൊടുത്തു. മതിലകം പഞ്ചായത്ത് പ്രസിഡന്റ് ഇ ജി സുരേന്ദ്രൻ അധ്യക്ഷനായി. ജില്ലാ പഞ്ചായത്തംഗം ബി.ജി.വിഷ്ണു, പഞ്ചായത്തംഗങ്ങളായ ഹസീന ഫത്താഹ്, കെ വൈ അസീസ്, സോമൻ താമരക്കുളം എന്നിവർ പങ്കെടുത്തു. ചടങ്ങിൽ വാർഡ് മെമ്പർ കെ.കെ.അഹമ്മദ് കബീർ, കരാറുകാരൻ ഷിഹാബ് എന്നിവരെ ആദരിച്ചു.