v

സാമൂഹ്യ പ്രശ്‌നങ്ങള്‍ നേരിടുന്ന മിശ്ര വിഹാഹ ദമ്പതികള്‍ക്ക് സുരക്ഷിതമായി താമസിക്കുന്നതിന് (പരമാവധി ഒരു വര്‍ഷം) എല്ലാ ജില്ലകളിലും സെയ്ഫ്  ഹോമുകള്‍ ആരംഭിക്കുന്നു. ഇതിന്റെ ഭാഗമായി  ഒരു ഹോമില്‍ പരമാവധി 10 ദമ്പതികള്‍ക്ക് ഒരേ സമയം താമസ സൗകര്യം ഒരുക്കാന്‍ കഴിയുന്ന സന്നദ്ധ സംഘടനകളില്‍ നിന്നും പ്രൊപ്പോസല്‍ ക്ഷണിച്ചു. താമസ കാലയളവില്‍ ദമ്പതികള്‍ക്ക് ഭക്ഷണമുള്‍പ്പെടെയുളള അടിസ്ഥാന സൗകര്യങ്ങള്‍ ഹോമില്‍ ലഭ്യമാക്കേണ്ടതാണ്. താത്പര്യമുളള സന്നദ്ധസംഘടനകള്‍ അതത് ജില്ലകളിലെ ജില്ലാ സാമൂഹ്യനീതി ഓഫീസുകളില്‍ മാര്‍ച്ച് 20 നകം പ്രൊപ്പോസലുകള്‍ നല്‍കണം. ഇതിനോടകം പ്രെപ്പോസല്‍ നല്‍കിയ എന്‍.ജി.ഒകള്‍ പ്രൊപ്പോസല്‍ നല്‍കേണ്ടതില്ല. കൂടുതല്‍ വിവരങ്ങള്‍ക്ക് ബന്ധപ്പെട്ട ജില്ലാ സാമൂഹ്യനീതി ഓഫീസുകളിലോ, സാമൂഹ്യനീതി ഡയറക്ടറേറ്റ്, അഞ്ചാം നില, വികാസ്ഭവന്‍, തിരുവനന്തപുരം വിലാസത്തിലോ ബന്ധപ്പെടണമെന്ന് സാമൂഹ്യനീതി ഡയറക്ടര്‍ അറിയിച്ചു. ഫോണ്‍ : 0471-2306040.