Post Category
കോവിഡ് 19: മലപ്പുറം ജില്ലയില് 55 പേര് കൂടി നിരീക്ഷണത്തില്
ജില്ലയിലിപ്പോള് നിരീക്ഷണത്തിലുള്ളത് 12,801 പേര്
കോവിഡ് 19 വ്യാപനം തടയുന്നതിന്റെ ഭാഗമായി മലപ്പുറം ജില്ലയില് ഇന്നലെ (ഏപ്രില് 13) മുതല് 55 പേര്ക്കുകൂടി പ്രത്യേക നിരീക്ഷണം ഏര്പ്പെടുത്തി. ഇതോടെ ജില്ലയില് നിരീക്ഷണത്തിലുള്ളവരുടെ എണ്ണം 12,801 ആയതായി ജില്ലാ കലക്ടര് ജാഫര് മലിക് അറിയിച്ചു. ഇന്നലെ (ഏപ്രില് 13) 131 പേരാണ് വിവിധ ആശുപത്രികളില് നിരീക്ഷണത്തില് കഴിയുന്നത്. കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല് കോളജ് ആശുപത്രിയിലാണ് 131 പേരും ഐസൊലേഷനിലുള്ളത്. 519 പേരെ ആരോഗ്യ വകുപ്പിന്റെ നിര്ദേശപ്രകാരം വീടുകളിലെ പ്രത്യേക നിരീക്ഷണത്തില് നിന്ന് ഇന്നലെ (ഏപ്രില് 13) ഒഴിവാക്കി. 12,610 പേരാണ് ഇപ്പോള് വീടുകളില് നിരീക്ഷണത്തില് കഴിയുന്നത്. 60 പേര് കോവിഡ് കെയര് സെന്ററുകളിലും സ്വയം നിരീക്ഷണത്തില് കഴിയുന്നു.
date
- Log in to post comments