Post Category
കോവിഡ് 19 ഒരു മാസത്തെ പെന്‍ഷന്‍ തുക ദുരിതാശ്വാസ നിധിയിലേക്ക് കൈമാറി സുബേര്‍ കുട്ടി
തനിക്ക് ലഭിച്ചതില്‍ നിന്ന് ഒരു മാസത്തെ പെന്‍ഷന്‍ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി സുബേര്‍ കുട്ടി മാതൃകയായി. തേവലക്കര ഗ്രാമപഞ്ചായത്ത് പ്രസിഡന്റ് ഐ ശിഹാബാണ് തുക ഏറ്റുവാങ്ങിയത്. സര്‍ക്കാര്‍ അനുവദിച്ച പെന്‍ഷന്‍ തുക ഒരുമിച്ച് കയ്യില്‍ കിട്ടിയപ്പോള്‍ ആവശ്യങ്ങള്‍ പലതുമുണ്ടായിരുന്നു 67 കാരനായ സുബേര്‍ കുട്ടിക്ക്. എന്നാല്‍ കോവിഡ് 19 ഭീതിയില്‍ ദുരിതമനുഭവിക്കുന്നവരെ ഓര്‍ത്തപ്പോള്‍ നാടിന്റെ അത്യാവശ്യത്തിലേക്ക് തുകയുടെ ഒരു ഭാഗമെങ്കിലും നല്‍കാതിരിക്കാന്‍ ആ വയോധികന് കഴിഞ്ഞില്ല. പൊതുപ്രവര്‍ത്തന രംഗത്ത് സജീവമായിരുന്ന ഇദ്ദേഹം പക്ഷാഘാതം വന്ന് ചികിത്സയിലാണ്.
(പി.ആര്‍.കെ. നമ്പര്‍. 1133/2020)
date
- Log in to post comments