ഭക്ഷ്യ കിറ്റ് നല്കി ഗ്രീന്‍വാലി ഡെവലപ്പ്‌മെന്റ് സൊസൈറ്റി
സന്നദ്ധ സംഘടനയായ ഗ്രീന്‍വാലി ഡെവലപ്പ്‌മെന്റ് സൊസൈറ്റിയുടെ നേതൃത്വത്തില്‍ സെന്റ്
ജോസഫ്,വിസിറ്റേഷന്‍ സന്യാസിനി സമൂഹങ്ങളുടെയും തടിയമ്പാട് കെ.സി.വൈ.എല്‍ യൂണിറ്റിന്റെയും സംയുക്ത സഹകരണത്തോടെ ഭക്ഷ്യ കിറ്റ് വിതരണം ചെയ്തു. രാജാക്കാട് , സേനാപതി , രാജകുമാരി , ബൈസണ്‍വാലി , കൊന്നത്തടി , വാത്തിക്കുടി , മരിയപുരം , വാഴത്തോപ്പ് , ചക്കുപള്ളം , തുടങ്ങി 10 പഞ്ചായത്തുകളിലും കട്ടപ്പന മുന്‍സിപ്പാലിറ്റിയിലും കോവിഡ് 19 ലോക്ക്ഡൗണ്‍ മൂലം ദുരിതം അനുഭവിക്കുന്ന 500 ഓളം കുടുംബങ്ങള്‍ക്ക് ഭക്ഷ്യകിറ്റുകള്‍ നല്കുന്നത്. കിറ്റില്‍ അരി , പയര്‍ , കടല , തേയിലപ്പൊടി , പഞ്ചസാര , വാഷിംഗ് പൗഡര്‍ , സോപ്പ് , ഡിറ്റര്‍ജന്റ് തുടങ്ങിീയവയാണ്. കിറ്റുമായി പുറപ്പെടുന്ന വാഹനം ജില്ല കളക്ടര്‍ എച്ച് . ദിനേശന്‍ ഫ്‌ളാഗ് ഓഫ് ചെയ്തു.
കിറ്റ് വിതരണത്തിന് ഗ്രീന്‍ വാലി ഡെവലപ്പ്‌മെന്റ് സൊസൈറ്റി സെക്രട്ടറി ഫാ . ജോബിന്‍ പാച്ചേരിപ്പുറത്ത് നേതൃത്വം നല്കി.
പരിപാടിയില്‍ ഇന്‍ഫര്‍മേഷന്‍ അസിസ്റ്റന്റ് എഡിറ്റര്‍ ബിജു എന്‍ ബി, അബ്ദുള്‍ നൂര്‍, സിജോ മാത്യു,പ്രോഗ്രാം ഓഫീസര്‍ സിറിയക് ജോസഫ്, സിനി സജി , കെസിവൈഎല്‍ ഭാരവാഹികളായ ഡിന്‍സ് സൈമണ്‍ , അയോണ സജി , മരിയ ടോമി തുടങ്ങിയവര്‍ പങ്കെടുത്തു.
- Log in to post comments