പിന്നോക്ക കോര്‍പ്പറേഷനില്‍ വായ്പാ തിരിച്ചടവിന് ഓണ്‍ലൈന്‍ സംവിധാനം
സംസ്ഥാന പിന്നോക്ക വിഭാഗ വികസന കോര്‍പ്പറേഷന്‍ ഓണ്‍ലൈന്‍ മുഖേന വായ്പ തിരിച്ചടയ്ക്കുന്നതിനുള്ള സംവിധാനം ഏര്‍പ്പെടുത്തി. സ്റ്റേറ്റ് ബാങ്കിന്റെ എസ്ബിഐ കളക്ട് വഴിയാണ് തിരിച്ചടവിന് അവസരമൊരുക്കിയത്. ഇന്റര്‍നെറ്റ് ലഭ്യമായ മൊബൈല്‍/കമ്പ്യൂട്ടര്‍ മുഖേന അനായാസമായി വായ്പാ തിരിച്ചടവ് നടത്താന്‍ ഈ സംവിധാനത്തിലൂടെ സാധിക്കും. ഇന്റര്‍നെറ്റ് ബാങ്കിംഗ്, ഡെബിറ്റ് കാര്‍ഡ്, ക്രെഡിറ്റ് കാര്‍ഡ്, പ്രീപെയ്ഡ് കാര്‍ഡ്,
എന്‍ഇഎഫ്ടി/ആര്‍ടിജിഎസ്, യുപിഐ(ഭീം, ഗൂഗിള്‍ പേ, ഫോണ്‍പേ, പെയ്ടിഎം, മൊബിക്വിക്) എന്നിവയില്‍ ഏതെങ്കിലും മാര്‍ഗം തിരിച്ചടവ് നടത്തുന്നതിന് തെരഞ്ഞെടുക്കാന്‍ കഴിയും. യുപിഐ/റുപെ ഡെബിറ്റ് എന്നിവ മുഖേനയുള്ള തിരിച്ചടവിന് സര്‍വീസ് ചാര്‍ജ് ഈടാക്കില്ല.
തിരിച്ചടവ് രസീതി എസ്ബിഐ കളക്ടില്‍ നിന്ന് ലഭിക്കും. മുന്‍ തീയതികളില്‍ എസ്ബിഐ കളക്ട് മുഖേന നടത്തിയിട്ടുള്ള തിരിച്ചടവുകളുടെ രസീതിയും ലഭിക്കും. ഇതിന് പുറമേ കോര്‍പ്പറേഷന്റെ ജില്ലാ / ഉപജില്ലാ ഓഫീസുകള്‍ മുഖേനയും, എസ്ബിഐ ശാഖകള്‍ മുഖേനയും വായ്പ തിരിച്ചടയ്ക്കാന്‍ സാധിക്കും. എന്നാല്‍, കോര്‍പ്പറേഷന്‍ ഓഫീസുകളിലോ, ശാഖകളിലോ എത്തിച്ചേരാതെ സ്വന്തം ഭവനത്തില്‍ ഇരുന്ന് തന്നെ തിരിച്ചടവ് നടത്താന്‍ സാധിക്കും എന്നതാണ് ഈ സംവിധാനത്തിന്റെ സവിശേഷത. മാത്രമല്ല വായ്പാ നമ്പറും തിരിച്ചടവ് സംഖ്യയും ഗുണഭോക്താവ് തന്നെ രേഖപ്പെടുത്തുന്നതിനാല്‍ കൃത്യത ഉറപ്പുവരുത്തുവാനും സാധിക്കും.
https://bit.ly/3aYQrK0 എന്ന ലിങ്ക് മുഖേനയോ ക്യുആര്‍ കോഡ് സ്‌കാന്‍ ചെയ്തോ തിരിച്ചടവ് നടത്താം. വിശദമായ മാര്‍ഗനിര്‍ദേശം, തിരിച്ചടവ് ലിങ്ക്, എന്നിവ കോര്‍പ്പറേഷന്റെ www.ksbcdc.com എന്ന വെബ്സൈറ്റില്‍ ലഭ്യമാണ്. ഫോണ്‍: 04682226111, 2272111, 9447710033.
- Log in to post comments