ലോക്ക് ഡൗൺ: ഇന്ന് മൂന്ന് കേസുകൾ രജിസ്റ്റർ ചെയ്തു

കോവിഡ് -19 പ്രതിരോധത്തിന്റെ  ഭാഗമായി
 ഇന്ന് (മെയ്‌ എട്ട് )  രാവിലെ 11 വരെ ജില്ലയിൽ പോലീസ് നടത്തിയ പരിശോധനയിൽ   മൂന്ന് കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി  ആർ. മനോജ് കുമാർ അറിയിച്ചു. ഇത്രയും  കേസുകളിലായി 4 പ്രതികളെ അറസ്റ്റ് ചെയ്തു. ഒരു വാഹനവും പിടിച്ചെടുത്തു. ലോക്ക്  ഡൗൺ നിർദ്ദേശങ്ങൾ  പാലിക്കാത്തതിനെ തുടർന്നാണ് കേസ് രജിസ്റ്റർ ചെയ്തത്. 1200 പോലീസുകാരെ  ജില്ലയിൽ വിന്യസിച്ചിട്ടുണ്ട്.

ഇന്നലെ 86 പേരെ  അറസ്റ്റ് ചെയ്തു

ലോക്ക് ഡൗണിനെ തുടർന്ന് ഇന്നലെ (മെയ്‌  ഏഴിന് ) ജില്ലയിൽ പോലീസ് നടത്തിയ പരിശോധനയിൽ 69 കേസുകൾ രജിസ്റ്റർ ചെയ്തു. ഇത്രയും കേസുകളിലായി 86  പേരെ   അറസ്റ്റ് ചെയ്തിട്ടുണ്ട്. 46 വാഹനങ്ങൾ പിടിച്ചെടുത്തു. കാൽനട യാത്രക്കാർ, വാഹനങ്ങളുമായി ചുറ്റിത്തിരിഞ്ഞവർ,  കടകൾ തുറന്ന്പ്രവർത്തിച്ചത്   എന്നിവയുമായി ബന്ധപ്പെട്ടാണ് കേസ് രജിസ്റ്റർ ചെയ്തത്.
 
 മാസ്ക് ധരിക്കാത്ത 87 പേർക്കെതിരെ കേസ്

 മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ  87 പേർക്കെതിരെ ഇന്നലെ (മെയ്‌ ഏഴിന് ) പോലീസ്  കേസെടുത്തു.  മാസ്ക് ധരിക്കേണ്ടതിന്റെ  ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചത്.