ಕೇರಳದಲ್ಲಿ 10 ಜನರಿಗೆ ಕೂಡ ಕೋವಿಡ್, ಒಬ್ಬರು ಗುಣಮುಖರಾದರು

ಕೇರಳದಲ್ಲಿ ಬುಧವಾರ 10 ಜನರಿಗೆ ಕೋವಿಡ್ -19 ದೃಡಪಡಿಸಿರುವುದಾಗಿ ಆರೋಗ್ಯ ಸಚಿವೆ ಕೆ.ಕೆ.ಶೈಲಾಜಾ ಟೀಚರ್ ತಿಳಿಸಿದರು. ಮಲಪ್ಪುರಂ ಜಿಲ್ಲೆಯ ಮೂವರಿಗೆ, ವಯನಾಡ್ ಮತ್ತು ಪಾಲಕ್ಕಾಡ್‌ ಜಿಲ್ಲೆಯಿಂದ ಇಬ್ಬರಿಗೆ ಮತ್ತು ಕೊಟ್ಟಾಯಂ, ಕಣ್ಣೂರು ಮತ್ತು ಕೋಳಿಕೋಡ್ ಜಿಲ್ಲೆಗಳಿಂದ ತಲಾ ಒಬ್ಬೊಬ್ಬರಿಗೆ ರೋಗಿಗಳು ದೃಡಪಟ್ಟಿರುವುದು.

ಅವರಲ್ಲಿ ನಾಲ್ವರು ಕಳೆದ ದಿನ ವಿದೇಶದಿಂದ ಮತ್ತು ಇಬ್ಬರು ಚೆನ್ನೈನಿಂದ ಬಂದವರು.ನಾಲ್ವರಿಗೆ ಸಂಪರ್ಕದ ಮೂಲಕ  ಸೋಂಕು ತಗುಲಿರುವುದು. ವಯನಾಡ್ ಜಿಲ್ಲೆಯ ಇಬ್ಬರಿಗೆ ಸಂಪರ್ಕದ ಮೂಲಕ ರೋಗ ಉಂಟಾಗಿರುವುದು ಚೆನ್ನೈನಿಂದ ಬಂದ ಟ್ರಕ್ ಚಾಲಕನಿಂದ. ಮಲಪ್ಪುರಂ ಜಿಲ್ಲೆಯ ಒಬ್ಬರು ಮತ್ತು ಕಣ್ಣೂರು ಜಿಲ್ಲೆಯ ಒಬ್ಬರು ವಯನಾಡಿನಲ್ಲಿ ಕರ್ತವ್ಯದಲ್ಲಿದ್ದ ಪೋಲಿಸರು. ಅವರಿಗೆ ಟ್ರಕ್ ಡ್ರೈವರ್ ಮೂಲಕ ಸೋಂಕು ತಗುಲಿರುವುದು. ಇದರೊಂದಿಗೆ ಈ ಟ್ರಕ್ ಚಾಲಕರಿಂದ 10 ಜನರು ಸೋಂಕಿಗೆ ಒಳಗಾಗಿದ್ದಾರೆ.ಅದೇಸಮಯ ಕೊಲ್ಲಂ ಜಿಲ್ಲೆಯಲ್ಲಿ ಚಿಕಿತ್ಸೆಯಲ್ಲಿದ್ದ ವ್ಯಕ್ತಿಯೊಬ್ಬರ ತಪಾಸಣಾ ಫಲಿತಾಂಶ ಋಣಾತ್ಮಕವಾಗಿದೆ.

ಈವರೆಗೆ 490 ಜನರು ಕೋವಿಡ್‌ನಿಂದ ಗುಣಮುಖರಾಗಿದ್ದಾರೆ.ಪ್ರಸ್ತುತ 41 ಜನರು ರಾಜ್ಯದ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ 34,447 ಜನರು ನಿರೀಕ್ಷಣೆಯಲ್ಲಿದ್ದಾರೆ. ಈ ಪೈಕಿ 33,953 ಜನರು ಮನೆಗಳಲ್ಲಿ ಮತ್ತು 494 ಜನರು ಆಸ್ಪತ್ರೆಗಳಲ್ಲಿ ನಿರೀಕ್ಷಣದಲ್ಲಿರುವರು. ಒಟ್ಟು 168 ಜನರನ್ನು ಇಂದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಲ್ಲಿಯವರೆಗೆ, 39,380 ವ್ಯಕ್ತಿಗಳ (ಓಗ್ಮೆಂಟೆಡ್ ಮಾದರಿ ಸೇರಿದಂತೆ) ಮಾದರಿಯನ್ನು ಪರಿಶೀಲನೆಗಾಗಿ ಕಳುಹಿಸಲಾಗಿದೆ. ಇದರಲ್ಲಿ ಲಭ್ಯವಾದ 38,509 ಮಾದರಿಗಳ, ತಪಾಸಣಾ ಫಲಿತಾಂಶ ನಕಾರಾತ್ಮಕವಾಗಿವೆ. ಇದಲ್ಲದೆ, ಸೆಂಟಿನೆಲ್ ಸರ್ವೈಲೆನ್ಸ್ ನ ಭಾಗವಾಗಿ,ಆರೋಗ್ಯ ಕಾರ್ಯಕರ್ತರು, ಅತಿಥಿ ಕೆಲಸಗಾರರು, ಸಾಮಾಜಿಕ ಸಂಪರ್ಕ ಹೆಚ್ಚಾಗಿರುವ ವ್ಯಕ್ತಿಗಳ ಆದ್ಯತೆಯ ಗುಂಪುಗಳಿಂದ ಒಟ್ಟು 4268 ಮಾದರಿಗಳನ್ನು ಸಂಗ್ರಹಿಸಲಾಗಿರುವುದರಲ್ಲಿ  4065 ಮಾದರಿಗಳು ಋಣಾತ್ಮಕವಾಗಿವೆ. ರಾಜ್ಯದಲ್ಲಿ ಬುಧವಾರ ಹೊಸ ಹಾಟ್ ಸ್ಪಾಟ್ ಇಲ್ಲ. ಪ್ರಸ್ತುತ ಒಟ್ಟು 34 ಹಾಟ್ ಸ್ಪಾಟ್‌ಗಳಿವೆ.