ഫിഷറീസ് വകുപ്പ് ,സൗജന്യ മെഡിക്കൽ എൻട്രൻസ് പരിശീലനം

ആലപ്പുഴ: ഫിഷറീസ് വകുപ്പ് മുഖേന മത്സ്യത്തൊഴിലാളികളുടെ മക്കൾക്ക് സൗജന്യമായി  മെഡിക്കൽ എൻട്രൻസ് പരിശീലനം നൽകുന്നു. ഒരു വർഷത്തെ എൻട്രൻസ് കോച്ചിങ്ങിനാണ് സർക്കാർ ധനസഹായം നൽകുന്നത്. അപേക്ഷ ഫോറവും വിശദ വിവരങ്ങളും മത്സ്യഭവൻ ഓഫീസുകളിലും, ജില്ല ഫിഷറീസ് ഓഫീസിലും ലഭിക്കും. പൂരിപ്പിച്ച അപേക്ഷ ഓഗസ്റ്റ് 17ന് മുമ്പായി മത്സ്യഭവൻ ഓഫീസുകളിലോ, ജില്ല ഫിഷറീസ് ഓഫീസിലോ നൽകണം. ഹയർസെക്കൻഡറി, വൊക്കേഷണൽ ഹയർസെക്കൻഡറി തലത്തിൽ ഫിസിക്‌സ് കെമിസ്ട്രി, ബയോളജി വിഷയങ്ങളിൽ 85 ശതമാനം മാർക്കോടെ വിജയിച്ചതോ മുൻവർഷത്തെ നീറ്റ് പരീക്ഷയിൽ 40ശതമാനം മാർക്കോ ലഭിച്ചവരോ ആയ മത്സ്യത്തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്തിട്ടുള്ള മത്സ്യത്തൊഴിലാളികളുടെ മക്കൾക്ക് അപേക്ഷിക്കാം. ഒരു വിദ്യാർത്ഥിക്ക് ഒരു തവണ മാത്രമേ ആനുകൂല്യം ലഭിക്കൂ. ഫോണ്‍ 0477 2251103.