ആരോഗ്യജാഗ്രത : ഡ്രൈ ഡേ ആചരിച്ചു 

ആരോഗ്യജാഗ്രത : ഡ്രൈ ഡേ ആചരിച്ചു 

എറണാകുളം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി   മഹാരാജാസ് കോളേജിൽ ഉറവിട നശീകരണ പ്രവർത്തനങ്ങൾ നടത്തി. ഡെങ്കിപ്പനി പ്രതിരോധ ഭാഗമായുള്ള ഉറവിട നശീകരണത്തിന് ജില്ലാ നോൺ കോവിഡ് നോഡൽ ഓഫീസർ ഡോ. വിനോദ് പൗലോസ് നേതൃത്വം നൽകി.  

വെള്ളിയാഴ്ചയാണ് വിദ്യാഭ്യാസസ്ഥാപനങ്ങളിൽ ഡ്രൈഡേ ആചരിക്കുന്നത് 

ജില്ലയിൽ ഈ വർഷം 2134 ഡെങ്കിപ്പനി കേസുകളാണ് റിപ്പോർട്ട് ചെയ്തത്.  ഒമ്പത് ഡെങ്കിപ്പനി മരണങ്ങളും സംഭവിച്ചു. അതിനാൽ ആരോഗ്യജാഗ്രത യുടെ ഭാഗമായി ആഴ്ചയിലൊരിക്കൽ ഉറവിട നശീകരണം ഉറപ്പാക്കണമെന്ന് ഡോ. വിനോദ് പൗലോസ്  പറഞ്ഞു .

 ഞായറാഴ്ചകളിൽ വീടുകളിലും ചൊവ്വാഴ്ചകളിൽ ഓഫീസുകളിലും വെള്ളിയാഴ്ച  വിദ്യാഭ്യാസ സ്ഥാപനങ്ങളിലും ശനിയാഴ്ച ആശുപത്രികളിലും ആണ് ഡ്രൈഡേ ആചരിക്കുന്നത് . 

മഹാരാജാസ് കോളേജ് പ്രിൻസിപ്പൽ ഇൻ ചാർജ് പ്രൊഫ. ജയമോൾ കെ.വി ,  സീനിയർ വെക്ടർ കൺട്രോൾ ബയോളജിസ്റ്റ് അബ്ദുൽ ജബ്ബാർ ,  ജൂനിയർ ഹെൽത്ത് ഇൻസ്പെക്ടർമാരായ വിനോദ് ബാബു വി , സിയാദ് പി.എ. മഹാരാജാസ് കോളേജിലെ അധ്യാപകർ ശുചീകരണ പ്രവർത്തകർ തുടങ്ങിയവർ ഡ്രൈ ഡേ ദിനാചരണത്തിൽ പങ്കെടുത്തു.