എഴുത്തിടം മേഖലാതല ക്യാമ്പ്  നാളെ കാലിക്കടവില്‍ ആരംഭിക്കും

     കുടുംബശ്രീ ജില്ലാമിഷന്റെ നേതൃത്വത്തില്‍ സംഘടിപ്പിക്കുന്ന എഴുത്തിടം പദ്ധതിയുടെ  മേഖലാതല ക്യാമ്പ്  24,25 തീയതികളില്‍ കാലിക്കടവില്‍ നടക്കും. ക്യാമ്പ് പ്രശസ്ത  എഴുത്തുകാരന്‍ സി.വി ബാലകൃഷ്ണന്‍ ഉദ്ഘാടനം ചെയ്യും. രണ്ടു ദിവസങ്ങളിലായി കാലിക്കടവ് രമ്യ ഫൈന്‍ ആര്‍ട്‌സ് പരിസരത്ത് പ്രത്യേകം തയ്യാറാക്കിയ  ക്യാമ്പില്‍ സാമൂഹ്യ-സാംസ്‌കാരിക രംഗത്തെ നിരവധിപ്പേര്‍ പങ്കെടുക്കും. കുടുംബശ്രീ ജില്ലാമിഷന്റെ ജെന്‍ഡര്‍ പദ്ധതിയുടെ ഭാഗമായി സാഹിത്യമേഖലയില്‍ അഭിരുചിയുള്ള കുടുംബശ്രീ വനിതകളെ കണ്ടെത്തുക എന്ന ലക്ഷ്യമാണ് എഴുത്തിടം പരിപാടിയുടെ ലക്ഷ്യം.രണ്ടു ദിവസങ്ങളിലായി നടക്കുന്ന  ക്യാമ്പില്‍ പി.കെ.സുരേഷ്‌കുമാര്‍,ഡോ.ആര്‍ രാജശ്രീ,രഞ്ജിത്ത്.കെ.പി,ഡോ.ജിനേഷ്‌കുമാര്‍ എരമം,ടി.ടി.പത്മനാഭന്‍,ദിവാകരന്‍ വിഷ്ണുമംഗലം,ഡോ.പി.കെ ഭാഗ്യലക്ഷ്മി,സി.എം.വിനചന്ദ്രന്‍ ,സുറാബ് എന്നിവര്‍ വിവിധ വിഷങ്ങളിലായി ക്ലാസുകള്‍ കൈകാര്യം ചെയ്യും. 25ന് വൈകീട്ട് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്യും. ക്യാമ്പിന്റെ ഭാഗമായി കവിതയരങ്ങ് ,കാവിലൂടെ നടത്തം തുടങ്ങിയ പരിപാടികളും സംഘടിപ്പിക്കും.