സാമ്പത്തിക സമാഹരണം: അക്കാദമിക്ക് ബന്ധമില്ല.

മാപ്പിളകലാ അക്കാദമി എന്ന പേരില്‍ വിദേശ നാടുകളില്‍ ഉള്‍പ്പെടെ വ്യാപകമായി നടക്കുന്ന പണപ്പിരിവിന് മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിക്ക് ബന്ധമില്ലെന്ന് സെക്രട്ടറി അറിയിച്ചു.

    സാംസ്‌കാരിക വകുപ്പിന് കീഴില്‍ മലപ്പുറം ജില്ലയിലെ കൊണ്‍േണ്ടാട്ടി ആസ്ഥാനമായി പ്രവര്‍ത്തിക്കുന്ന മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമി സംഘടിപ്പിക്കുന്ന പരിപാടികള്‍ക്ക് സര്‍ക്കാര്‍ ധനസഹായം ലഭിക്കുന്നുണ്ട്. അതിനാല്‍ സാമ്പത്തിക സമാഹരണത്തിനായി അക്കാദമി ആരെയും ചുമതലപ്പെടുത്തിയിട്ടില്ല. വ്യാജ പ്രചരണങ്ങളില്‍ വഞ്ചിതരാകരുതെന്നും അക്കാദമി സെക്രട്ടറി അറിയിച്ചു.