സ്വകാര്യ മേഖലയിലെ ആരോഗ്യ സംവിധാനങ്ങളെക്കുറിച്ച് പഠിക്കുന്നതിന്  കേരളത്തിലെ സ്വകാര്യ ആരോഗ്യ സ്ഥാപനങ്ങളെ സംബന്ധിച്ച് സാമ്പത്തിക സ്ഥിതിവിവര കണക്ക് വകുപ്പ് ജില്ലയില്‍ സര്‍വെ ആരംഭിച്ചു. വിവരങ്ങള്‍ ശേഖരിക്കുന്ന ഇന്‍വെസ്റ്റിഗേറ്റര്‍മാര്‍ക്കും

സൂപ്പര്‍വൈസര്‍മാര്‍ക്കുമുള്ള ജില്ലാതല പരിശീലനം പത്തനംതിട്ട ഗവണ്‍മെന്റ് ഗസ്റ്റ് ഹൗസില്‍ വകുപ്പ് ഡെപ്യൂട്ടി ഡയറക്ടര്‍ പി.കെ.ശാലിനി ഉദ്ഘാടനം ചെയ്തു. ഡോ.ആശിഷ് മോഹന്‍ കുമാര്‍,ഡോ.വി.അജയന്‍, സുധീര്‍ തുടങ്ങിയവര്‍ ക്ലാസുകള്‍ നയിച്ചു. 
(പിഎന്‍പി 3045/17)
 

ഒരു മാസത്തിലേറെയായി നടപ്പിലാക്കി വരുന്ന മീസിൽസ് റൂബെല്ല പ്രതിരോധ ദൗത്യം നവംബർ 18 ന്  അവസാനിക്കും. ഒക്ടോബർ 3 ന് ആരംഭിച്ച പ്രതിരോധ ദൗത്യത്തിലൂടെ ഇതുവരെ 5,58,060 കുട്ടികൾക്ക് പ്രതിരോധ കുത്തിവെപ്പ് നൽകി കഴിഞ്ഞു. വിദ്യാഭ്യാസ വകുപ്പിന്റെ സഹായത്തോടെ ആദ്യ ഘട്ടത്തിൽ തന്നെ സ്കൂളുകളിൽ പ്രത്യേക അദ്ധ്യാപക രക്ഷാകർതൃയോഗങ്ങൾ സംഘടിപ്പിച്ച് ക്യാമ്പയിനിനെക്കുറിച്ച് ബോധവൽക്കരണം നടത്തിയതാണ് ഇത്രയും നേട്ടം കൈവരിക്കുന്നതിന് സഹായിച്ചത്.

കാക്കനാട്: മാധ്യമരംഗത്തെ പഠന-ഗവേഷണങ്ങള്‍ക്കായി കേരള മീഡിയ അക്കാദമി നല്‍കുന്ന ഫെലോഷിപ്പിന് അപേക്ഷ ക്ഷണിച്ചു. സംസ്ഥാനത്ത് മാധ്യമപ്രവര്‍ത്തനം നടത്തുന്നവര്‍ക്കും കേരളത്തില്‍ ആസ്ഥാനമുള്ള മാധ്യമങ്ങള്‍ക്ക് വേണ്ടി മറ്റു സംസ്ഥാനങ്ങളില്‍ പ്രവര്‍ത്തിക്കുന്ന മാധ്യമപ്രവര്‍ത്തകര്‍ക്കും (ഇംഗ്ലീഷ്-മലയാളം) അപേക്ഷിക്കാം. പതിനായിരം രൂപ മുതല്‍ ഒരു ലക്ഷംരൂപ വരെ നല്‍കും.

കാക്കനാട്: ലോക പ്രമേഹ ദിനത്തോടനുബന്ധിച്ച് ജില്ല പഞ്ചായത്തിന്റെയും കുടുംബശ്രീയുടെയും ആഭിമുഖ്യത്തില്‍ സംഘടിപ്പിച്ച കൂട്ടനടത്തം ജില്ല കളക്ടര്‍ മുഹമ്മദ് വൈ സഫീറുള്ള ഫഌഗ് ഓഫ് ചെയ്തു. പ്രമേഹത്തിനെതിരായ ബോധവത്കരണം ശക്തിപ്പെടുത്തുകയെന്ന ലക്ഷ്യത്തോടെ കേരള പ്രമേഹ പ്രതിരോധ പരിപാടിയുടെ ഭാഗമായി സംഘടിപ്പിച്ച കൂട്ടനടത്തം തൃക്കാക്കര ജംക്ഷനില്‍ നിന്നാരംഭിച്ച് ജില്ല പഞ്ചായത്ത് ആസ്ഥാനത്ത് സമാപിച്ചു.

കാക്കനാട്: എല്ലാ കുട്ടികളും നമ്മുടെ വീട്ടിലെ അംഗങ്ങളെന്നു കരുതുമ്പോള്‍ മാത്രമേ കുട്ടികള്‍ക്കെതിരായ ചൂഷണവും അവകാശ ലംഘനങ്ങളും അവസാനിപ്പിക്കാന്‍ കഴിയൂ എന്ന് ജില്ല പഞ്ചായത്ത് പ്രസിഡന്റ് ആശ സനല്‍. ജില്ലാ ഭരണകൂടവും എറണാകുളം സാമൂഹ്യനീതി വകുപ്പിനു കീഴിലുള്ള ജില്ലാ ശിശുസംരക്ഷണ യൂണിറ്റും സംയുക്തമായി  സംഘടിപ്പിക്കുന്ന ബാലാവകാശ വാരാചരണം തൃക്കാക്കര ഓപ്പണ്‍എയര്‍ സ്‌റ്റേജില്‍ ഉദ്ഘാടനം ചെയ്യുകയായിരുന്നു അവര്‍. 

കാക്കനാട്: പ്രവാസുകളുടെ സമ്പാദ്യം നാടിന്റെ വികസനവുമായി കൂട്ടിയിണക്കുന്ന പദ്ധതികളെക്കുറിച്ചുള്ള ആശയങ്ങള്‍ പങ്കുവെക്കുന്നതിനായി തൃക്കാക്കര നിയോജക മണ്ഡലത്തില്‍ സംഘടിപ്പിക്കുന്ന പ്രവാസി ബന്ധു സംഗമത്തിന്റെ സ്വാഗതസംഘ രൂപീകരണ യോഗം 15 ന് ഉച്ചകഴിഞ്ഞ് 3.30 ന് കാക്കനാട് കെഎഫ്എസ്‌സി റീജ്യണല്‍ ഓഫീസില്‍ ചേരും.

നഗരസഭ ചെയര്‍പേഴ്‌സണ്‍ കെ.കെ. നീനുവിന്റെ അധ്യക്ഷതയില്‍ നടക്കുന്ന യോഗം പി.ടി. തോമസ് എംഎല്‍എ ഉദ്ഘാടനം ചെയ്യും.

കാക്കനാട്: സമഗ്ര ആരോഗ്യ ഇന്‍ഷുറന്‍സ് രജിസ്‌ട്രേഷന്‍ 15 വരെ. കാര്‍ഡ് ഇല്ലാത്ത കുടുംബങ്ങള്‍ക്ക് ഇപ്പോള്‍ അക്ഷയ ഉന്നതി കേന്ദ്രങ്ങള്‍ വഴി രജിസ്റ്റര്‍ ചെയ്യാം. കഴിഞ്ഞ വര്‍ഷമെടുത്ത സ്മാര്‍ട്ട് കാര്‍ഡില്‍ കുടുംബനാഥന്റെ പേരിന് പകരം ഫാമിലി ഹെഡ് എന്ന് മുന്‍വശത്ത് എഴുതിയിരിക്കുന്ന മുഴുവന്‍ ഗുണഭോക്താക്കളും വീണ്ടും രജിസ്റ്റര്‍ ചെയ്യണം. സറ്റേറ്റ് പ്രയോരിറ്റി ലിസ്റ്റില്‍ ഉള്‍പ്പെട്ട ഗുരുതര രോഗങ്ങള്‍കൊണ്ട് ബുദ്ധിമുട്ടുന്നവര്‍ക്കും രജിസ്റ്റര്‍ ചെയ്യാം.

കാക്കനാട്: കൊല്ലം ജില്ലയില്‍ ആരോഗ്യവകുപ്പില്‍ ലബോറട്ടറി ടെക്‌നീഷ്യന്‍ ഗ്രേഡ് II തസ്തികയിലേക്ക് കാറ്റഗറി നമ്പര്‍ 305/17-NCA OX, 306/17-NCA D, 307/17-NCA HN പ്രകാരം അപേക്ഷ സമര്‍പ്പിച്ചിട്ടുള്ള ഉദ്യോഗാര്‍ഥികള്‍ക്ക് നവംബര്‍ 15 വരെ കൊല്ലം ജില്ല ഓഫീസില്‍ ഒറ്റത്തവണ പ്രമാണ പരിശോധന നടക്കും. ഉദ്യോഗാര്‍ഥികള്‍ പ്രൊഫൈലില്‍ യോഗ്യത പ്രമാണങ്ങള്‍ അപ്്‌ലോഡ് ചെയ്ത് തിരിച്ചറിയല്‍ കാര്‍ഡിന്റെ ഒറിജിനലും വണ്‍ ടൈം വെരിഫിക്കേഷന്‍ സര്‍ട്ടിഫിക്കറ്റും (ലഭിച്ചിട്ടുണ്ടെങ്കില്‍) മറ്റു പ്രമാണങ്ങളും സഹിതം ഹാജരാകണം.

കാക്കനാട്: പട്ടികജാതി വികസന വകുപ്പില്‍ നടപ്പാക്കുന്ന പദ്ധതികളുടെ ഫീല്‍ഡ്തല പരിശോധനകള്‍ക്കും ഓഫീസ് ആവശ്യങ്ങളുമായി ബന്ധപ്പെട്ട യാത്രകള്‍ക്ക് രണ്ട് എസി കാറുകള്‍ ഡ്രൈവര്‍മാര്‍ സഹിതം വാടകയ്ക്ക് നല്‍കുന്നതിന് താത്പര്യമുള്ള ഉടമകളില്‍ നിന്ന് ക്വട്ടേഷന്‍ ക്ഷണിച്ചു. അഞ്ചു വര്‍ഷത്തില്‍ കൂടുതല്‍ പഴക്കമുണ്ടാകരുത്. ടാക്‌സി പെര്‍മിറ്റ് നിലവിലുണ്ടായിരിക്കണം. ഡ്രൈവര്‍മാരുടെ ശമ്പളം പ്രത്യേകം രേഖപ്പെടുത്തണം.

കാക്കനാട്: പട്ടികജാതി വികസന വകുപ്പ് നടപ്പിലാക്കി വരുന്ന ഇഗ്രാന്റ്‌സ് വിദ്യാഭ്യാസ ആനുകൂല്യ വിതരണം കുറ്റമറ്റ രീതിയില്‍ നടപ്പിലാക്കുന്നതിന് സപ്പോര്‍ട്ടിംഗ് എന്‍ജിനീയറെ തെരഞ്ഞെടുക്കുന്നു.പട്ടികജാതി വിഭാഗത്തില്‍പെട്ട ബി. ടെക് കമ്പ്യൂട്ടര്‍ സയന്‍സ് ബിരുദം/ ബി.ടെക് ഐ.ടി. ബിരുദം/ എം.സി.എ./ എം.എസ്.സി. ഐ.ടി/ എം.എസ്.സി. കമ്പ്യൂട്ടര്‍ സയന്‍സ് യോഗ്യതയുള്ളവരായിരിക്കണം അപേക്ഷകര്‍.