പാലക്കാട് ജില്ലാ ആശുപത്രിയിൽ കാത്ത് ലാബ് ടെക്‌നിഷ്യൻ തസ്‌തിക യിലേക്ക് ദിവസ വേതനാടിസ്ഥാനത്തിൽ നിയമനം നടത്തുന്നു. ആശുപത്രി മാനേജ്മെന്റ് സമിതി മുഖാന്തിരം കരാർ അടിസ്ഥാനത്തിലാണ് നിയമനം. ഗവ. അംഗീകൃത സ്ഥാപനത്തിൽ നിന്നും കാർഡിയാക് ലബോറട്ടറി ടെക്നോളജിയിൽ ഡിപ്ലോമ/ഡിഗ്രി, കേരള പാരാമെഡിക്കൽ കൗൺസിൽ രജിസ്ട്രേഷൻ എന്നിവയാണ് യോഗ്യത. അംഗീകൃത കാർഡിയാക് ലബോറട്ടറിയിൽ നിന്നുള്ള പ്രവൃത്തി പരിചയം അഭികാമ്യം. പ്രായപരിധി 20 നും 40 നും മധ്യേ. ഉദ്യോഗാർഥികൾ യോഗ്യത തെളിയിക്കുന്നതിനുള്ള അസ്സൽ സർട്ടിഫിക്കറ്റുകളും അവയുടെ പകർപ്പുകളും അപേക്ഷയും സഹിതം ഒക്ടോബര്‍ 21 ന് രാവിലെ 10 മണിക്ക് ആശുപത്രി സൂപ്രണ്ടിന്റെ ചേംബറിൽ എത്തണം.

വിവരാവകാശ നിയമവുമായി ബന്ധപ്പെട്ട് അവബോധം നല്‍കുന്നതിനായി സംസ്ഥാന വിവരാവകാശ കമ്മീഷന്‍ പാലക്കാട് ജില്ലയിലെ അപ്പലേറ്റ് അതോറിറ്റി/ സ്റ്റേറ്റ് പബ്ലിക് ഇന്‍ഫര്‍മേഷന്‍ ഓഫീസര്‍മാര്‍ക്കായി സംഘടിപ്പിക്കുന്ന സെമിനാര്‍ ഒക്ടോബര്‍ 16 ന് ഉച്ചയ്ക്ക് ശേഷം പാലക്കാട് ജില്ലാ പഞ്ചായത്ത് ഹാളില്‍ നടക്കും.  സംസ്ഥാന വിവരാവകാശ കമ്മീഷണര്‍മാരായ ഡോ. സോണിച്ചന്‍ പി. ജോസഫ്, ഡോ. എം. ശ്രീകുമാര്‍ എന്നിവര്‍ പങ്കെടുക്കും.

പാലക്കാട് ജില്ലാ ശിശു സംരക്ഷണ യൂണിറ്റ് ഓഫീസിലേയ്ക്ക് 2024-25 സാമ്പത്തിക വര്‍ഷത്തില്‍  കരാര്‍ അടിസ്ഥാനത്തില്‍ വാഹനം വാടകയ്ക്ക് ആവശ്യമുണ്ട്.  പ്രതിമാസം 2000 കിലോമിറ്ററിന് പരമാവധി 35000 രൂപയാണ് വാടക. ഒക്ടോബര്‍ 16 ന് ഉച്ചയ്ക്ക് 12 മണി വരെ ഓഫീസില്‍ ടെണ്ടര്‍ സ്വീകരിക്കും.  കൂടുതല്‍ വിവരങ്ങള്‍ക്കും ടെണ്ടര്‍ ഫോം വാങ്ങുന്നതിനും ജില്ലാ ശിശു സംരക്ഷണ യൂണിറ്റ്, മുനിസിപ്പല്‍ കോംപ്ലക്‌സ്, പാലക്കാട്- 678001 എന്ന വിലാസത്തില്‍ ബന്ധപ്പെടണം. ഫോണ്‍: 8281 899 468.

ലക്കിടിപേരൂര്‍ - രണ്ട് വില്ലേജിലെ ബ്ലോക്ക് 28 ല്‍  റീ സര്‍വ്വെ 301 ല്‍ ഉള്‍പ്പെട്ട പുഴ പുറമ്പോക്കില്‍ വീണുകിടന്നിരുന്ന 60 ഇഞ്ച് ചുറ്റളവുള്ളതും 30 വര്‍ഷം പഴക്കമുള്ളതുമായ തേക്കുമരം നവംബര്‍ ഏഴിന് രാവിലെ 11 മണിക്ക് ലക്കിടിപേരൂര്‍ -രണ്ട് വില്ലേജ് ഓഫീസില്‍ വെച്ച് ലേലം ചെയ്ത് വില്‍ക്കുമെന്ന് ഒറ്റപ്പാലം സബ്കളക്ടര്‍ അറിയിച്ചു. കൂടുതല്‍ വിവരങ്ങള്‍ക്ക് 0466 2244323 എന്ന നമ്പറില്‍ ബന്ധപ്പെടാം.

ശ്രീകൃഷ്ണപുരം സര്‍ക്കാര്‍ എഞ്ചിനീയറിങ് കോളേജിലെ കമ്പ്യൂട്ടര്‍ സയന്‍സ് ആന്റ് എഞ്ചിനീയറിങ് വിഭാഗത്തിലേക്ക് കണ്‍സ്യൂമബിള്‍സ് വാങ്ങുന്നതിന് ക്വട്ടേഷന്‍ ക്ഷണിച്ചു. പൂരിപ്പിച്ച ക്വട്ടേഷനുകള്‍ 'ഡി1/ക്വട്ടേഷന്‍ നമ്പര്‍: 15/20242025, കമ്പ്യൂട്ടര്‍ സയന്‍സ് ആന്റ് എഞ്ചിനീയറിങ് വിഭാഗത്തിലേക്ക് കണ്‍സ്യൂമബിളുകള്‍ വാങ്ങല്‍ ' എന്ന് പ്രത്യേകം രേഖപ്പെടുത്തി നവംബര്‍ അഞ്ചിന് ഉച്ചയ്ക്ക് രണ്ടു മണിക്കകം പ്രിന്‍സിപ്പല്‍, സര്‍ക്കാര്‍ എഞ്ചിനിയറിങ് കോളേജ്, മണ്ണംപറ്റ (പി.ഒ), ശ്രീകൃഷ്ണപുരം, പാലക്കാട്-678633 എന്ന മേല്‍വിലാസത്തില്‍ ലഭ്യമാക്കണം.  നവംബര്‍ ആറിന് വൈകീട്ട് മൂന്നിന് ക്വട്ടേഷനുകള്‍ തുറക്കും.

ശ്രീകൃഷ്ണപുരം സര്‍ക്കാര്‍ എഞ്ചിനീയറിങ് കോളേജില്‍ ഒഴിവുള്ള ഒന്നാം വര്‍ഷ ബി.ടെക് സീറ്റുകളിലേക്ക് ഒക്ടോബര്‍ 22 ന് സ്‌പോട്ട് അഡ്മിഷന്‍ നടത്തുന്നു. കീം 2024 റാങ്ക് ലിസ്റ്റില്‍ ഉള്‍പ്പെട്ടിട്ടുള്ളവര്‍ക്ക് പ്രവേശന പ്രക്രിയയില്‍ പങ്കെടുക്കാം. കീം ഡാറ്റ ഷീറ്റ്, എസ്.എസ്.എല്‍.സി, പ്‌സസ്ടു സര്‍ട്ടിഫിക്കറ്റുകള്‍, അഡ്മിഷന്‍ സ്ലിപ്/ ടി.സി/ എന്‍.ഒ.സി, ജാതി/ നോണ്‍ ക്രീമിലെയര്‍/ ഇ.ഡബ്ല്യു.എസ്  തുടങ്ങി സംവരണാനുകൂല്യം തെളിയിക്കുന്ന സര്‍ട്ടിഫിക്കറ്റ് (ബാധകമെങ്കില്‍),  നേറ്റിവിറ്റി സര്‍ട്ടിഫിക്കറ്റ്, ഫിസിക്കല്‍ ഫിറ്റ്‌നസ് സര്‍ട്ടിഫിക്കറ്റ് (കീം പ്രോസ്‌പെക്ടസ് പ്രകാരം) എന്നിവയുമായാണ് വിദ്യാര്‍ഥികള്‍ എത്തേണ്ടത്.

വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്‍സ്റ്റിറ്റ്യൂട്ട് ആയ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റിന്റെ (കെ.ഐ.ഇ.ഡി) ആഭിമുഖ്യത്തില്‍ സംരംഭകര്‍ക്കായി 'ഗ്രോത്ത് പള്‍സ്' എന്ന  പേരില്‍ അഞ്ചു ദിവസത്തെ പരിശീലന പരിപാടി സംഘടിപ്പിക്കുന്നു. ഒക്ടോബര്‍ 22 മുതല്‍ 26 വരെ വരെ കളമശ്ശേരിയില്‍ ഉള്ള കെ.ഐ.ഇ.ഡി ക്യാംപസിലാണ് പരിശീലനം.  നിലവില്‍ സംരംഭം തുടങ്ങി അഞ്ചു വര്‍ഷത്തില്‍ താഴെ പ്രവൃത്തി പരിചയമുള്ള സംരംഭകര്‍ക്ക് പങ്കെടുക്കാം. 3,540 രൂപയാണ് ഫീസ്. താമസം ആവശ്യമില്ലാത്തവര്‍ 1,500 രൂപ ഫീസായി നല്‍കിയാല്‍ മതി.

മാലോത്ത് കസബ ഗവ.ഹയര്‍ സെക്കണ്ടറി സ്‌കൂളിലേക്ക് കമ്പ്യൂട്ടറും അനുബന്ധ ഉപകരണങ്ങളും റോബോട്ടിക് ഉപകരണങ്ങള്‍, ഫര്‍ണിച്ചര്‍ എന്നിവ വാങ്ങുന്നതിന് ടെണ്ടര്‍ ക്ഷണിച്ചു. താല്‍പര്യമുള്ള  വ്യക്തികള്‍/സ്ഥാപനങ്ങള്‍ക്ക് അപേക്ഷിക്കാം. ടെണ്ടര്‍ സ്വീകരിക്കുന്ന അവസാന തീയതി ഒക്ടോബര്‍ 22 വൈകുന്നേരം നാല്. ഒക്ടോബര്‍ 24ന് രാവിലെ പത്തിന് ടെണ്ടര്‍ തുറക്കും. വെബ്സൈറ്റ്-www. Ghssmaloth.in. ഫോണ്‍- 9961567996.