മുതിര്‍ന്ന പൗരന്‍മാര്‍ക്കെതിരെയുള്ള അതിക്രമങ്ങള്‍ തടയുന്നതിനായി ജൂണ്‍ 15ന് സാമൂഹ്യ നീതി വകുപ്പിന്റെ ആഭിമുഖ്യത്തില്‍ വിവിധ ബോധവല്‍ക്കണ പരിപാടികള്‍ സംഘടിപ്പിക്കും. കണ്ണൂര്‍ കൃഷ്ണ മേനോന്‍ സ്മാരക ഗവ. വനിതാ കോളേജിലാണ് പരിപാടി. മുതിര്‍ന്ന പൗരന്‍മാരുടെ ക്ഷേമ പദ്ധതികളും നിയമങ്ങളും സംബന്ധിച്ച പോസ്റ്ററിന്റെ പ്രകാശനം, ലഘുലേഖ വിതരണം, ബോധവല്‍ക്കരണ ലഘുനാടകം, ക്ലാസുകള്‍ തുടങ്ങിയ പരിപാടികള്‍ നടക്കും. രാവിലെ 9.30ന് ആരംഭിക്കും.

സംസ്ഥാന വഖഫ് ബോര്‍ഡ് കണ്ണൂര്‍ ഡിവിഷണല്‍ ഓഫീസിന് കീഴില്‍ കണ്ണൂര്‍, കാസര്‍കോട് ജില്ലകളിലെ വഖഫുകളുമായി ബന്ധപ്പെട്ട  ബോര്‍ഡ് ജുഡീഷ്യല്‍ സിറ്റിങില്‍ അഞ്ച് കേസുകള്‍ തീര്‍പ്പാക്കി. ആകെ 60 കേസുകളാണ് കണ്ണൂര്‍  റെയിന്‍ബോ സ്യൂട്‌സില്‍ നടന്ന സിറ്റിങില്‍ പരിഗണിച്ചത്.
 

സംസ്ഥാനത്തെ പ്രൊഫഷണൽ ഡിഗ്രി കോഴ്‌സുകളിലേയ്ക്ക് ഈ അധ്യയന വർഷം പ്രവേശനത്തിനായി നിശ്ചിത സമയത്തിനകം കീമിൽ അപേക്ഷ സമർപ്പിക്കാൻ കഴിയാതിരുന്നവർക്ക് ഇപ്പോൾ ഓൺലൈനായി അപേക്ഷ സമർപ്പിക്കാമെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ.ആർ ബിന്ദു അറിയിച്ചു. ആർക്കിടെക്ചർ/മെഡിക്കൽ/ മെഡിക്കൽ അനുബന്ധ കോഴ്‌സുകളിലേക്കാണ് പുതിയതായി അപേക്ഷിക്കാൻ അവസരം.

കുവൈറ്റ് ദുരന്തത്തിൽ മരണമടഞ്ഞവരുടെ മൃതദേഹം കേരളത്തിലെത്തിയാലുടൻ  വിമാനത്താവളത്തിൽ നിന്ന് പ്രത്യേക ആംബുലൻസുകളിൽ വീടുകളിലേക്ക് കൊണ്ടുപോകുമെന്ന് മുഖ്യമന്ത്രിയുടെ ഓഫീസ് അറിയിച്ചു. ഇതിനാവശ്യമായ ക്രമീകരണങ്ങൾ അടിയന്തരമായി പൂർത്തിയാക്കാൻ മുഖ്യമന്ത്രി പിണറായി വിജയൻ നോർക്കയ്ക്ക് നിർദ്ദേശം നൽകി.

അഞ്ചാലുംമൂട്-പെരുമണ്‍-കണങ്കാട്ട്കടവ് റോഡില്‍ അഷ്ടമുടിമുക്ക് മുതല്‍ അരശ്ശുംമൂട് ജംഗ്ഷന്‍ വരെയുള്ള ഭാഗത്ത് റോഡ് അറ്റകുറ്റപണിയുമായി ബന്ധപ്പെട്ട് ജൂണ്‍ 14 മുതല്‍ 16 വരെ അഷ്ടമുടിമുക്കില്‍ നിന്നും പെരുമണിലേക്കും തിരികെയും പോകേണ്ട വാഹനഗതാഗതത്തിന് പൂര്‍ണ്ണനിയന്ത്രണം ഏര്‍പ്പെടുത്തിയതായി അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ (പൊതുമരാമത്ത് നിരത്ത് വിഭാഗം) അറിയിച്ചു.

ഇന്‍ഡ്യന്‍ വായുസേനയുടെ ‘അഗ്നിവീര്‍ വായുവിലേക്ക്’ 2004 ജൂലൈ മൂന്നിനും 2008 ജനുവരി മൂന്നിനും മധ്യേ ജനിച്ച അവിവാഹിതര്‍ക്ക് അവസരം. ജൂലൈ എട്ട് മുതല്‍ 28 വരെ ഓണ്‍ലൈനായി അപേക്ഷിക്കാം. രജിസ്‌ട്രേഷനും വിവരങ്ങള്‍ക്കും https://Agnipathvayu.cdac.in, https://careerindianairforce.cdac.in ഫോണ്‍ - 0484 2427010, 9188431093.

ഫോട്ടോഗ്രാഫി/വീഡിയോഗ്രാഫി, ഗോള്‍ഡ് ആന്‍ഡ് സില്‍വര്‍ ഓര്‍ണമെന്റ്‌സ് മേഖലകളിലെ തൊഴിലാളികളുടെ മിനിമംവേതനം പുതുക്കി നിശ്ചയിക്കുന്നതിന് തിരുവനന്തപുരം, കൊല്ലം, പത്തനംതിട്ട ജില്ലകള്‍ക്ക് വേണ്ടിയുള്ള ഉപസമിതി യോഗം ജൂണ്‍ 20 ന് യഥാക്രമം രാവിലെ 11 മണിയ്ക്കും ഉച്ചയ്ക്ക് 12 മണിയ്ക്കും തിരുവനന്തപുരം ലേബര്‍ കമ്മീഷണറുടെ കാര്യാലയത്തിലെ മെയിന്‍ കോണ്‍ഫറന്‍സ് ഹാളില്‍ നടത്തും. തെളിവെടുപ്പ് യോഗത്തില്‍ കൊല്ലം ജില്ലയിലെ തൊഴിലാളി/തൊഴിലുടമ പ്രതിനിധികള്‍ പങ്കെടുക്കണമെന്ന് ജില്ലാ ലേബര്‍ ഓഫീസര്‍ (എന്‍ഫോഴ്‌സ്‌മെന്റ്) അറിയിച്ചു. ഫോണ്‍- 0474 2794820.

കേരള കെട്ടിടനിര്‍മാണ തൊഴിലാളി ക്ഷേമനിധി ബോര്‍ഡിലെ അംഗതൊഴിലാളികളുടെ മക്കള്‍ക്ക് നല്‍കിവരുന്ന എസ.്എസ്.എല്‍.സി പഠനസഹായത്തിനുള്ള അപേക്ഷകള്‍ ജൂലൈ ഒന്ന് മുതല്‍ ഓഗസ്റ്റ് ഒന്ന് വരെ നല്‍കാം. എസ.്എസ്.എല്‍.സി ക്യാഷ് അവാര്‍ഡിനുള്ള അപേക്ഷകളും ഓഗസ്റ്റ് 31 വരെ സമര്‍പ്പിക്കാം. ഉന്നതവിദ്യാഭ്യാസ കോഴ്സുകള്‍ സംബന്ധിച്ച അപേക്ഷകള്‍ കോഴ്സ് ആരംഭിച്ച തീയതി മുതല്‍ 45 ദിവസത്തിനകവും ഇതിനോടകം ആരംഭിച്ചിട്ടുണ്ടെങ്കിലും 45 ദിവസത്തിനകവും ക്ഷേമനിധി ഓഫീസില്‍ സ്വീകരിക്കുമെന്ന് കേരള ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്‌സ് വെല്‍ഫെയര്‍ ബോര്‍ഡ് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

കുഞ്ഞുകൈകളില്‍ കോഴിക്കുഞ്ഞ് പദ്ധതി തേവന്നൂര്‍ സര്‍ക്കാര്‍ ഹയര്‍ സെക്കന്ററി സ്‌കൂളില്‍ കേരള സംസ്ഥാന പൗള്‍ട്രി വികസന കോര്‍പ്പറേഷന്റെ ചെയര്‍മാനായ പി.കെ. മൂര്‍ത്തി ഉദ്ഘാടനം ചെയ്തു. ഇളമാട് ഗ്രാമപഞ്ചായത്ത് പ്രസിഡന്റ് വാളിയോട്' ജേക്കബ് അധ്യക്ഷനായി. ജില്ലാ പഞ്ചായത്ത് അംഗം അഡ്വ.എസ്.ഷൈന്‍ കുമാര്‍ മഖ്യപ്രഭാഷണം നടത്തി.

വിദ്യാലയങ്ങളിലെ 8,9 ക്ലാസുകളിലെ 257 വിദ്യാര്‍ത്ഥികള്‍ക്കാണ്' പദ്ധതിയുടെ ആനുകൂല്യം ലഭിച്ചത്. ഒരു വിദ്യാര്‍ത്ഥിക്ക് 5 കോഴിയും 1 കിലോ തീറ്റയും മരുന്നുമാണ് സൗജന്യമായി നല്‍കിയത്. പദ്ധതി പ്രകാരം 2,18,450 രൂപയുടെ ആനുകുല്യങ്ങളാണ് വിതരണം ചെയ്തത്.

കെല്‍ട്രോണില്‍ ഫ്രൊഫഷണല്‍ ഡിപ്ലോമ ഇന്‍ ഫയര്‍ ആന്‍ഡ് സേഫ്റ്റി, ഫൈബര്‍ ഒപ്റ്റിക്, സി സി ടി വി കോഴ്‌സുകളിലേക്ക് എസ് എസ് എല്‍ സി കഴിഞ്ഞവര്‍ക്ക് അപേക്ഷിക്കാം. യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ഹാജരാകണം. വിവരങ്ങള്‍ക്ക് ഹെഡ് ഓഫ് സെന്റര്‍, കെല്‍ട്രോണ്‍ നോളേജ് സെന്റര്‍, തലമഠം ബില്‍ഡിംഗ്, രണ്ടാം നില, ടൗണ്‍ ലിമിറ്റ്, കടപ്പാക്കട, കൊല്ലം ഫോണ്‍ : 8590733511, 7561866186.