ഓഖി ദുരന്തത്തില്‍ കാണാതായ മത്‌സ്യത്തൊഴിലാളികളെ കണ്ടെത്തുന്നതിന് മത്‌സ്യബന്ധന ബോട്ടുകളുടെ സഹകരണത്തോടെ മറൈന്‍ എന്‍ഫോഴ്‌സ്‌മെന്റിന്റെ നേതൃത്വത്തില്‍ കടല്‍ അരിച്ചുപെറുക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. തിരുവനന്തപുരം ഗസ്റ്റ് ഹൗസില്‍ നടന്ന മത്‌സ്യത്തൊഴിലാളി സംഘടന പ്രതിനിധികളുടെയും ബോട്ട് ഓണേഴ്‌സ് അസോസിയേഷന്‍ പ്രതിനിധികളുടെയും ലത്തീന്‍ സമുദായ പ്രതിനിധികളുടെയും യോഗത്തില്‍ അദ്ധ്യക്ഷത വഹിക്കുകയായിരുന്നു അദ്ദേഹം. 

സംസ്ഥനത്തെ 30000 'ഹായ് സ്‌കൂള്‍' കുട്ടിക്കൂട്ടം അംഗങ്ങള്‍ക്ക് ക്രിസ്മസ് അവധിക്കാലത്ത് കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) പ്രത്യേക മൊബൈല്‍ ആപ് നിര്‍മ്മാണ പരിശീലനം നല്‍കും. ഓണാവധിക്കാലത്ത് കുട്ടിക്കൂട്ടം അംഗങ്ങള്‍ക്കായി സംഘടിപ്പിച്ച 'ഇ@ഉത്സവ് 2017' ക്യാമ്പില്‍ പങ്കെടുത്ത മുഴുവന്‍ കുട്ടികള്‍ക്കും തുടര്‍പരിശീലനം നല്‍കും. ഡിസംബര്‍ 27 മുതല്‍ 30 വരെ വിവിധ ബാച്ചുകളായാണ് പരിശീലനം.
    ഡ്രാഗ് ആന്റ് ഡ്രോപ് മാതൃകയില്‍ ആന്‍ഡ്രോയ്ഡ് ആപ്പുകള്‍ തയ്യാറാക്കാന്‍ സഹായിക്കുന്ന ഓപ്പണ്‍സോഴ്‌സ് സോഫ്റ്റ്‌വെയറായ ആപ് ഇന്‍വെന്റര്‍ ഉപയോഗിച്ചാണ് പരിശീലനം നല്‍കുക. 

സംസ്ഥാന ന്യൂനപക്ഷ കമ്മീഷന്റെ ന്യൂനപക്ഷ ദിനാഘോഷത്തിന്റെ സംസ്ഥാനതല ഉദ്ഘാടനം ഇന്ന് (ഡിസംബര്‍ 18) രാവിലെ 11 ന് തിരുവനന്തപുരം പ്രസ് ക്ലബ്ബിലെ ഫോര്‍ത്ത് എസ്റ്റേറ്റ് ഹാളില്‍ പട്ടികജാതി പട്ടികവര്‍ഗപിന്നാക്ക സമുദായക്ഷേമ മന്ത്രി എ.കെ. ബാലന്‍ നിര്‍വഹിക്കും. ചടങ്ങില്‍ സംസ്ഥാന ന്യൂനപക്ഷ കമ്മീഷന്‍ ചെയര്‍മാന്‍ പി.കെ. ഹനീഫ അധ്യക്ഷത വഹിക്കും. സംസ്ഥാന പോലീസ് മുന്‍ മേധാവി ജേക്കബ് പുന്നൂസ് മുഖ്യപ്രഭാഷണം നടത്തും. ന്യൂനപക്ഷ ക്ഷേമ വകുപ്പ് സെക്രട്ടറി എ. ഷാജഹാന്‍, ന്യൂനപക്ഷ ക്ഷേമ വകുപ്പ് ഡയറക്ടര്‍ ഡോ. എ.ബി.

സംസ്ഥാന ഭൂവിനിയോഗ ബോര്‍ഡ് പ്രോജക്ട് ഫെല്ലോ/പ്രോജക്ട് സയന്റിസ്റ്റ്, ജി.ഐ.എസ് ടെക്‌നീഷ്യന്‍ തസ്തികകളില്‍ ഉദ്യോഗാര്‍ത്ഥികളെ കരാര്‍ അടിസ്ഥാനത്തില്‍ നിയമിക്കും.  എം.എസ്.സി ജിയോളജി/എം.എസ്.സി ജ്യോഗ്രഫിയും പ്രവൃത്തി പരിചയ സര്‍ട്ടിഫിക്കറ്റുമുള്ളവര്‍ക്ക് പ്രോജക്ട് ഫെല്ലോ/പ്രോജക്ട് സയന്റിസ്റ്റ് തസ്തികയിലേക്ക് അപേക്ഷിക്കാം.  ഇത്തരത്തിലുള്ള പ്രോജക്ടുകളില്‍ വിവിധ ജില്ലകളില്‍ ഫീല്‍ഡ് വര്‍ക്കില്‍ പ്രവൃത്തിപരിചയമുള്ളവര്‍ക്ക് മുന്‍ഗണനയുണ്ടാകും.  പ്രതിമാസം 20,000 രൂപ ആയിരിക്കും വേതനം.  ഒഴിവുകള്‍ - 16.

എന്‍.എച്ച്.എഫ്.ഡി.സിയുടെ ധനസഹായത്തോടെ വിവിധ തൊഴില്‍ സംരംഭങ്ങള്‍ക്കായി 25 ലക്ഷം രൂപ വരെ ജാമ്യ വ്യവസ്ഥയില്‍ ദീര്‍ഘകാല വായ്പ നല്‍കും.  അഞ്ച് ലക്ഷം രൂപ വരെയുളള വായ്പകള്‍ക്ക് ആനുപാതികമായ സബ്‌സിഡിയും ലഭിക്കും.  സ്ത്രീകള്‍ക്ക് ഒരു ശതമാനവും കാഴ്ച/ശ്രവണ/മാനസിക/ഭിന്നശേഷിക്കാര്‍ക്ക് അരശതമാനവും പലിശയിളവ് ലഭിക്കും.  അപേക്ഷയും വിശദാംശങ്ങളും www.hpwc.kerala.gov.in  എന്ന വെബ്‌സൈറ്റില്‍ ലഭിക്കും.  ഫോണ്‍: 0471 2347768, 2347152, 2347153, 2347156.

പി.എന്‍.എക്‌സ്.5379/17

ഓഖി ചുഴലിക്കാറ്റിനാല്‍ ദുരിത ബാധിതരായവര്‍ക്ക് സഹായം ലഭ്യമാക്കുന്നതിന് സര്‍ക്കാര്‍ ജീവനക്കാരുടെയും അധ്യാപകരുടെയും ശമ്പളത്തില്‍ നിന്ന് രണ്ടു ദിവസത്തെ വേതനം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യണമെന്ന് ചീഫ് സെക്രട്ടറി അഭ്യര്‍ത്ഥിച്ചു. 

മഴവെള്ളം കെട്ടിനിന്ന് കൊതുക് വളരാനുള്ള സാഹചര്യങ്ങള്‍ ഒഴിവാക്കണം.  ഡെങ്കിപ്പനിക്ക് കാരണമാകുന്ന ഈഡിസ് കൊതുകുകള്‍ വെള്ളം കെട്ടിനല്‍ക്കാന്‍ അനുവദിക്കരുത്.  തീരപ്രദേശങ്ങളില്‍ ഉപയോഗശൂന്യമായതും മത്സ്യബന്ധനത്തിന് പോകാത്തതുമായ വള്ളങ്ങളില്‍ വെള്ളം കെട്ടി നിന്ന് കൊതുക് വളരാന്‍ സാധ്യതയുള്ളതിനാല്‍ വള്ളങ്ങള്‍ കമഴ്ത്തിവക്കുകയോ മഴവെള്ളം കെട്ടിനില്‍ക്കാതെ സൂക്ഷിക്കുകയോ വേണം.  ടെറസ്സ്, സണ്‍ഷൈയ്ഡ് എന്നിവിടങ്ങളിലെ ചവറുകള്‍ നീക്കി വെള്ളം കഴുക്കിക്കളയുക.  വിവിധ ആവശ്യങ്ങള്‍ക്കായി ടാര്‍പോളിന്‍ ഉപയോഗിക്കുമ്പോള്‍ വെള്ളം കെട്ടിനില്‍ക്കാതിരിക്കാന്‍ ശ്രദ്ധിക്കുക.  വെള്ളം കെട്ടിനില്‍ക്കാന്‍ സാധ്യതയുള്ള ചിരട്ടകള്‍, പ്ലാസ

പട്ടികജാതി വികസന വകുപ്പു നടപ്പിലാക്കുന്ന വിവിധ പദ്ധതികള്‍ ഉള്‍പ്പെടുത്തി ഷോര്‍ട്ട് ഫിലിമുകള്‍ നിര്‍മ്മിക്കുന്നതിനു താല്പര്യമുള്ള സ്ഥാപനങ്ങളില്‍ നിന്നും/വ്യക്തികളില്‍ നിന്നും താല്‍പര്യപത്രം ക്ഷണിച്ചു.  ഒരു ഷോര്‍ട്ട് ഫിലിമിന്റെ പരമാവധി ദൈര്‍ഘ്യം രണ്ട് മിനിട്ട് ആണ്.  ഷോര്‍ട്ട് ഫിലിം നിര്‍മ്മിക്കാന്‍ താല്പര്യമുള്ളവര്‍ പ്രവര്‍ത്തന പരിചയം തെളിയിക്കുന്നതിനുള്ള രേഖകളും മുമ്പ് നിര്‍മ്മിച്ചിട്ടുള്ള ഷോര്‍ട്ട് ഫിലിമുകളുടെ (കുറഞ്ഞത് രണ്ട്) പകര്‍പ്പുകള്‍ സഹിതം വെള്ളക്കടലാസില്‍ തയ്യാറാക്കിയ അപേക്ഷ പട്ടികജാതി വികസന ഡയറക്ടര്‍ക്ക് 20നകം നല്‍കണം.  

പി.എന്‍.എക്‌സ്.5376/17

പത്തനംതിട്ട, ഇടുക്കി ജില്ലാ പഞ്ചായത്തുകളില്‍ നിലവില്‍ ഒഴിവുള്ള ജില്ലാ പഞ്ചായത്ത് സെക്രട്ടറി തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നതിന് ഗവണ്‍മെന്റ് സെക്രട്ടേറിയറ്റിലെ (പൊതുഭരണം, നിയമം, ധനകാര്യം) വകുപ്പുകളിലെ അണ്ടര്‍ സെക്രട്ടറി (ഹയര്‍ഗ്രേഡ്) തസ്തികയിലും അതിനു മുകളിലും ഉള്ളവരില്‍ നിന്നും മറ്റു വികസന വകുപ്പുകളില്‍ 68700-110400 (റിവൈസ്ഡ്) എന്ന ശമ്പള സ്‌കെയിലിലും അതിനു മുകളിലും ഉള്ള ബിരുദധാരികളായ ഉദ്യോഗസ്ഥരില്‍ നിന്നും അപേക്ഷ ക്ഷണിച്ചു.

തുഞ്ചത്ത് എഴുത്തച്ചന്‍ മലയാളം സര്‍വകലാശാലയുടെ പുതിയ വൈസ് ചാന്‍സലര്‍ നിയമനവുമായി ബന്ധപ്പെട്ട് സംസ്ഥാന ചീഫ് സെക്രട്ടറി, കലാമണ്ഡലം വൈസ് ചാന്‍സലര്‍ പ്രൊഫ. കെ.ജി. പൗലോസ്, മദ്രാസ് യൂണിവേഴ്‌സിറ്റി വൈസ് ചാന്‍സലര്‍ ഡോ. പി. ദുരൈസാമി എന്നിവരടങ്ങിയ സെര്‍ച്ച് കമ്മിറ്റിയെ നിയോഗിച്ച് ഗവര്‍ണറുടെ വിജ്ഞാപനമായി.

പി.എന്‍.എക്‌സ്.5374/17