കേരള മോട്ടോര്‍ തൊഴിലാളി ക്ഷേമനിധി ബോര്‍ഡിലേക്ക് അടയ്ക്കുവാനുള്ള ഉടമാ വിഹിതം സൗത്ത് ഇന്‍ഡ്യന്‍ ബാങ്കിന്റെ കേരളത്തിലെ എല്ലാ ശാഖകള്‍ വഴിയും സ്വീകരിക്കും.
 

                വൈത്തിരി താലൂക്ക് വികസന സമിതി യോഗം ഡിസംബര്‍ 16ന് രാവിലെ 11 ന് വൈത്തിരി ഗ്രാമ പഞ്ചായത്ത് കമ്മ്യൂണിറ്റി  ഹാളില്‍ നടക്കും.

    ജില്ലാ കുടുംബശ്രീ മിഷന്‍ ജില്ലയിലെ ബഡ്സ് സ്കൂളുകളിലെ വിദ്യാര്‍ഥികളുടെയും ബഡ്സ് റീഹാബിലിറ്റേഷന്‍ സെന്‍ററുകളിലെ അംഗങ്ങളുടെയും സര്‍ഗ്ഗശ്ശേഷി പ്രോല്‍സാഹിപ്പിക്കുന്നതിനായി നടത്തുന്ന 'ഇന്നസന്‍സ് 2017' സര്‍ഗോത്സവം ഡിസംബര്‍ 17 ന് നടക്കും.  നഗരസഭാ ടൗണ്‍ഹാള്‍ അനക്സില്‍ നടക്കുന്ന പരിപാടി ജില്ലാ പഞ്ചായത്ത് വൈസ് പ്രസിഡന്‍റ് ടി.കെ നാരായണദാസ് ഉദ്ഘാടനം ചെയ്യും. അസി.കലക്റ്റര്‍ ശ്രീധര്‍ ചാമക്കുറി മുഖ്യാതിഥിയാകും.
 

ആലപ്പുഴ: ഡിസംബർ 23ന് രജിസ്‌ട്രേഷൻ വകുപ്പ് നടത്തുന്ന ആധാരമെഴുത്ത് ലൈസൻസിനുള്ള പരീക്ഷ എറണാകുളം ജില്ലയിൽ എഴുതുന്ന രജിസ്റ്റർ നമ്പർ 3341 മുതൽ 3627 വരെയുള്ളവർ തൃപ്പൂണിത്തുറ ഗവൺമെന്റ് ഗേൾസ് ഹയർസെക്കൻഡറി സ്‌കൂളിൽ പരീക്ഷയെഴുതണം. ഹാൾ ടിക്കറ്റിൽ തൃപ്പൂണിത്തുറ ഗവൺമെന്റ് ഗേൾസ് എച്ച്.എസ്. എന്നാണ് രേഖപ്പെടുത്തിയിട്ടുള്ളത്. ഇവരുടെ പരീക്ഷാകേന്ദ്രം തൃപ്പൂണിത്തുറ ഗവൺമെന്റ് ഗേൾസ് ഹയർസെക്കൻഡറി സ്‌കൂളിലേക്ക് മാറ്റിയതായി ജില്ലാ രജിസ്ട്രാർ അറിയിച്ചു.

സംസ്ഥാന സാക്ഷരതാ മിഷന്‍ നടത്തുന്ന ഏഴാം തരം തുല്യതാ പരീക്ഷ 11ാം ബാച്ചിന്  ഡിസംബര്‍ 16,17 തീയതികളില്‍ നടക്കും. കോഴിക്കോട് ജില്ലയില്‍ 14 കേന്ദ്രങ്ങളിലായി 480 പേര്‍ പരീക്ഷ എഴുതും. നാലാം തരം വിജയിച്ച ഏഴാം ക്ലാസ് വിജയിക്കാന്‍ അവസരം ലഭിക്കാത്തവരെയാണ് ഏഴാം തരം പരീക്ഷക്ക് തയ്യാറാക്കിയിട്ടുള്ളത്. പരീക്ഷ വിജയിക്കുന്നവര്‍ക്ക് ഈ വര്‍ഷത്തെ പത്താം തരം തുല്യതക്ക് അപേക്ഷിക്കാം. 16ന് രാവിലെ 9.30 മുതല്‍ പരീക്ഷ ആരംഭിക്കും.
 

    2018-19 വാര്‍ഷിക പദ്ധതി തയ്യാറാക്കുന്നതിനായി കരട് ജില്ലാ പദ്ധതി ബന്ധപ്പെട്ട ഉപ സമിതികള്‍ ഡിസംബര്‍ 19-ന് രാവിലെ 10.30 ന് കളക്ടറേറ്റ് സമ്മേളന ഹാളില്‍ അവതരിപ്പിക്കും. യോഗത്തില്‍ ജില്ലാപദ്ധതി രൂപീകരണത്തിനുളള സംസ്ഥാനതല റിസോഴ്സ് ടീം അംഗങ്ങളും സംസ്ഥാന ആസൂത്രണ ബോര്‍ഡ് വിദഗ്ദ്ധരും പങ്കെടുക്കും.

ആലപ്പുഴ: സാമ്പത്തിക സ്ഥിതി വിവരകണക്ക് ജില്ലാ ഓഫീസിന്റെ പ്രവർത്തനം ജില്ലാ ആസൂത്രണ സമിതി മന്ദിരത്തിന്റെ മൂന്നാം നിലയിലേക്ക് മാറ്റി. പുതിയ കെട്ടിടത്തിലെ പ്രവർത്തനോദ്ഘാടനം ജില്ലാ കളക്ടർ ടി.വി. അനുപമ നിർവഹിച്ചു. ഡയറക്ടർ ജനറൽ ആർ. രാമചന്ദ്രൻ അധ്യക്ഷത വഹിച്ചു. ഡെപ്യൂട്ടി ഡയറക്ടർ എസ്. ലീലാദേവി, ജില്ലാ ഓഫീസർ എസ്. ഉഷ, ഡെപ്യൂട്ടി പ്ലാനിങ് ഓഫീസർ എസ്. സത്യപ്രകാശ്, റിസർച്ച് ഓഫീസർ ഉല്ലാസ് എന്നിവർ സന്നിഹിതരായി. ജില്ലാ ഓഫീസ്, സാമ്പത്തിക സ്ഥിതിവിവരക്കണക്ക് വകുപ്പ്, ജില്ലാ ആസൂത്രണ സമിതി മന്ദിരം മൂന്നാംനില, സിവിൽ സ്‌റ്റേഷൻ, ആലപ്പുഴ എന്നതാണ് പുതിയ മേൽവിലാസം.

    പുതുശ്ശേരി ഗ്രാമപഞ്ചായത്തില്‍ നിന്നും വിധവ പെന്‍ഷന്‍ കൈപ്പറ്റുന്നവര്‍ ഇതുവരെ പുനര്‍ വിവാഹം ചെയ്തിട്ടില്ലെന്ന സാക്ഷ്യ പത്രം ഡിസംബര്‍ 30 നകം നല്‍കണമെന്ന് സെക്രട്ടറി അറിയിച്ചു.

ആലപ്പുഴ: ജില്ലാ എംപ്ലോയ്മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററിൽ  നാളെ (ഡിസംബർ 16)  രാവിലെ 10ന് സ്വകാര്യ മേഖലയിലെ വിവിധ ഒഴിവുകളിലേക്ക് ജോലി അഭിമുഖം നടക്കുന്നു. തസ്തികകൾ : മാർക്കറ്റിങ് ഹെഡ്-യോഗ്യത: എം.ബി.എ., ടെക്‌നിക്കൽ ട്രെയിനി-യോഗ്യത: ഡിപ്ലോമ/ബി.ടെക്.  ഇലക്‌ട്രോണിക്‌സ്. പ്രായപരിധി: 26 വയസ്. മാർക്കറ്റിങ് എക്‌സിക്യൂട്ടീവ് -യോഗ്യത: പ്ലസ് ടു/ ബിരുദം, സെയിൽസ് കോർഡിനേറ്റർ-യോഗ്യത: പ്ലസ് ടു. ഓഫീസ് അസിസ്റ്റന്റ് (സ്ത്രീകൾ) -യോഗ്യത: പ്ലസ് ടു. ഫോൺ: 0477-2230624, 8078828780, 9061560069.