ഊര്‍ജ സംരക്ഷണ ദിനാചരണത്തിന്‍റെ ഭാഗമായി മലമ്പുഴ ഐ.റ്റി.ഐ യിലെ എന്‍.എസ്.എസ് യൂനിറ്റ് അംഗങ്ങള്‍ കേരള എനര്‍ജി മാനെജ്മെന്‍റ് സെന്‍ററുമായി ചേര്‍ന്ന് സിവില്‍ സ്റ്റേഷനില്‍ പ്രചാരണം നടത്തി. പ്രോഗ്രാം ഓഫീസര്‍ എന്‍. ഭാവദാസിന്‍റെ നേതൃത്വത്തില്‍ 30 വിദ്യാര്‍ഥികള്‍ സിവില്‍സ്റ്റേഷന്‍ ജീവനക്കാര്‍ക്കും പൊതുജനങ്ങള്‍ക്കു വിഷയവുമായി ബന്ധപ്പെട്ട ലഘുലേഖകള്‍ വിതരണം ചെയ്തു. എ.ഡി.എം. എസ് വിജയന്‍ പരിപാടി ഉദ്ഘാടനം ചെയ്തു. ദിനാചാരണത്തിന്‍റെ ഭാഗമായി സര്‍ക്കാര്‍ ഓഫീസുകളിലും സ്കൂള്‍ അസംബ്ലികളിലും ഊര്‍ജ സംരക്ഷണ പ്രതിജ്ഞയെടുത്തു.

വെജിറ്റബിള്‍ ആന്റ് ഫ്രൂട്ട് പ്രൊമോഷന്‍ കൗണ്‍സിലിന്റെ

നഴ്‌സറി 16ന് മുഖ്യമന്ത്രി ഉദ്ഘാടനം ചെയ്യും

തിരുവനന്തപുരം സ്വദേശിയുടെ മൃതദേഹം തിരിച്ചറിഞ്ഞു

കാക്കനാട്: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട 210 മത്സ്യത്തൊഴിലാളികള്‍ ഇന്നലെ (ഡിസംബര്‍ 14) തിരിച്ചെത്തി. ഇതോടെ ആകെ തിരിച്ചെത്തിയവരുടെ എണ്ണം 2737 ആയി. 19 ബോട്ടുകളാണ് ഇന്നലെ തിരിച്ചെത്തിയത്. ആകെ 251 ബോട്ടുകള്‍ തിരിച്ചെത്തി. ഇനി കൊച്ചിയില്‍ നിന്നു പോയ 14 ബോട്ടുകളാണ് തിരിച്ചെത്താനുള്ളത്. 

ഓഖി ദുരന്തത്തില്‍ കടലില്‍ കാണാതായതും മരിച്ചതുമായ മത്‌സ്യത്തൊഴിലാളികളുടെ വീടുകളില്‍ സാന്ത്വനവുമായി ഫിഷറീസ് മന്ത്രി ജെ. മെഴ്‌സിക്കുട്ടിയമ്മ എത്തി. അടിമലത്തുറയില്‍ നിന്നുള്ള മത്‌സ്യത്തൊഴിലാളികളുടെ ഭവനങ്ങളാണ് മന്ത്രി സന്ദര്‍ശിച്ചത്. സര്‍ക്കാര്‍ പ്രഖ്യാപിച്ചിട്ടുള്ള സഹായം വേഗം ലഭ്യമാക്കുമെന്ന് മന്ത്രി കുടുംബാംഗങ്ങളെ അറിയിച്ചു. 

തീരമേഖലയിലെ സ്ത്രീകളുടെ കൂട്ടായ്മയായ സാഫിന്റെ നേതൃത്വത്തില്‍ വിഴിഞ്ഞം കോട്ടപ്പുറത്ത് തീരമാവേലി സ്‌റ്റോര്‍ പ്രവര്‍ത്തനം ആരംഭിച്ചു. ഫിഷറീസ് മന്ത്രി ജെ. മെഴ്‌സിക്കുട്ടിയമ്മ ഉദ്ഘാടനം ചെയ്തു. സിവില്‍ സപ്ലൈസ് വകുപ്പിന്റെ സഹകരണത്തോടെയാണ് തീരമാവേലി സ്‌റ്റോര്‍ ആരംഭിച്ചത്.

മാവേലി സ്‌റ്റോറുകളില്‍ ലഭിക്കുന്ന എല്ലാ ഭക്ഷ്യവസ്തുക്കളും തീരമാവേലിയില്‍ ലഭിക്കുമെന്ന് മന്ത്രി പറഞ്ഞു. തീരമേഖലയിലെ ജനങ്ങള്‍ക്ക് ക്രിസ്മസ് സമ്മാനമായി തീരമാവേലിയില്‍ അവശ്യ സാധനങ്ങള്‍ ഉറപ്പാക്കുമെന്നും മന്ത്രി പറഞ്ഞു. ഫിഷറീസ്, സിവില്‍ സപ്ലൈസ് ഉദ്യോഗസ്ഥര്‍ സന്നിഹിതരായിരുന്നു. 

പി.എന്‍.എക്‌സ്.5338/17

കേരള നിയമസഭയുടെ പരിസ്ഥിതി സംബന്ധിച്ച സമിതി (2016 -19), ഡിസംബര്‍ 21ന് രാവിലെ 10.30ന് ആലപ്പുഴ ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും.  വേമ്പനാട് തണ്ണീര്‍ത്തടങ്ങളുടെ ആവാസവ്യവസ്ഥ നിലനിര്‍ത്തുന്നത് സംബന്ധിച്ച പ്രത്യേക പഠന റിപ്പോര്‍ട്ട് തയ്യാറാക്കുന്നതിന്റെ ഭാഗമായി ബന്ധപ്പെട്ട വകുപ്പുദ്യോഗസ്ഥരില്‍ നിന്നും തെളിവെടുപ്പ് നടത്തുകയും പൊതുജനങ്ങളില്‍ നിന്നും പരിസ്ഥിതി പ്രവര്‍ത്തകരില്‍ നിന്നും നിവേദനങ്ങള്‍ സ്വീകരിക്കുകയും ചെയ്യും.  തുടര്‍ന്ന് സമിതി വേമ്പനാട് കായലിന്റെ വിവിധ ഭാഗങ്ങള്‍ സന്ദര്‍ശിക്കും.

പി.എന്‍.എക്‌സ്.5337/17

ഇന്റര്‍നാഷണല്‍ യൂത്ത് എക്‌സ്‌ചേഞ്ച് പ്രോഗ്രാമിന്റെ ഭാഗമായി 50 അംഗ റഷ്യന്‍ യൂത്ത് ഡലിഗേറ്റുകള്‍ കൊച്ചിയിലെത്തി. കേന്ദ്ര യുവജനകാര്യ മന്ത്രാലയത്തിന്റെ ആഭിമുഖ്യത്തിലാണ് ഈ യൂത്ത് എക്‌സ്‌ചേഞ്ച് പ്രോഗ്രാം സംഘടിപ്പിച്ചിരിക്കുന്നത്. കേരള സംസ്ഥാന  യുവജനക്ഷേമ ബോര്‍ഡാണ് ഇവരുടെ കേരളത്തിലെ സന്ദര്‍ശനം ഏകോപിപ്പിക്കുന്നത്. ഡല്‍ഹിയില്‍ നിന്നും കേന്ദ്ര സര്‍ക്കാര്‍ ഉദ്യോഗസ്ഥരോടൊപ്പം കൊച്ചിയിലെത്തിയ സംഘത്തിന് സംസ്ഥാന യുവജനക്ഷേമ ബോര്‍ഡ് കൊച്ചി വിമാനത്താവളത്തില്‍ ഊഷ്മളമായ സ്വീകരണം നല്‍കി.

*ദിവസ വേതനക്കാര്‍ ഇനി മുതല്‍ കാഷ്വല്‍ തൊഴിലാളികള്‍

സംസ്ഥാന കൃഷി വകുപ്പിനു കീഴിലുള്ള ഫാമുകളിലെ കാഷ്വല്‍ തൊഴിലാളികളെ അതത് ഫാമുകളിലെ സ്ഥിരം തൊഴിലാളികളുടെ ഒഴിവുകളില്‍ സീനിയോറിറ്റിയുടെ അടിസ്ഥാനത്തില്‍ സ്ഥിരപ്പെടുത്തി സര്‍ക്കാര്‍ ഉത്തരവായി. കുറഞ്ഞത് മുപ്പത് ദിവസമെങ്കിലും ജോലി ചെയ്ത ദിവസ വേതനക്കാരെ കാഷ്വല്‍ തൊഴിലാളികളായി അംഗീകരിക്കാനും ഉത്തരവുണ്ട്.

തുരുവനന്തപുരത്ത് നടക്കുന്ന സംസ്ഥാന കേരളോത്സവത്തിന്റെ കായികമേള ഇന്ന് സമാപിക്കും.  തദ്ദേശ സ്വയംഭരണ സ്ഥാപനങ്ങളുടെയും സ്‌പോര്‍ട്‌സ് കൗണ്‍സിലിന്റെയും സഹകരണത്തോടെയാണ് മേള സംഘടിപ്പിച്ചിരിക്കുന്നത്.  13 ന് രാവിലെ മന്ത്രി എ.സി മൊയ്തീന്‍ സല്യൂട്ട് സ്വീകരിക്കുകയും മേള ഉദ്ഘാടനം ചെയ്യുകയും ചെയ്തു.