ജില്ലാകളക്ടറുടെ നേതൃത്വത്തില്‍ കാസര്‍കോട് താലൂക്കിലെ  പരാതിപരിഹാര അദാലത്ത് നാളെ (16) രാവിലെ 9.30 മുതല്‍ കാസര്‍കോട്  മുനിസിപ്പല്‍ കോണ്‍ഫറന്‍സ് ഹാളില്‍ നടത്തും.  അദാലത്തിലേക്ക് ലൈഫ് മിഷന്‍ പദ്ധതി, ചികിത്സ ധനസഹായം, റേഷന്‍കാര്‍ഡ്, എല്‍ആര്‍എം കേസുമായി ബന്ധപ്പെട്ട പരാതി ഒഴികെയുളള പരാതികള്‍ സ്വീകരിക്കുമെന്ന് ജില്ലാ കളക്ടര്‍ അറിയിച്ചു.

   ദേശീയ ഊര്‍ജ്ജസംരക്ഷണ ദിനാചരണത്തിന്റെ ഭാഗമായി  കളക്ടറേറ്റില്‍ ഊര്‍ജ്ജസംരക്ഷണ പ്രതിജ്ഞയെടുത്തു.  കളക്ടറേറ്റ് മിനികോണ്‍ഫറന്‍സ് ഹാളില്‍ നടന്ന ചടങ്ങില്‍ ഡെപ്യൂട്ടി കളക്ടര്‍ (എല്‍എ) ജയലക്ഷ്മി ഊര്‍ജ്ജസംരക്ഷണ പ്രതിജ്ഞ  ചൊല്ലിക്കെടുത്തു. ഡെപ്യൂട്ടി കളക്ടര്‍ (ആര്‍ആര്‍) അബ്ദുസമദ്, കളക്ടറേറ്റിലെ ജീവനക്കാര്‍ എന്നിവര്‍ പങ്കെടുത്തു.             

ദേശീയ ഊര്‍ജ്ജസംരക്ഷണ ദിനാചരണത്തിന്റെ ഭാഗമായി  കളക്ടറേറ്റില്‍ ഏകദിനബോധവല്‍ക്കരണ പരിപാടി നടത്തി. വ്യവസായ പരിശീലനവകുപ്പ്, നാഷണല്‍ സര്‍വീസ് സ്‌കീം സെല്‍ എന്നിവയുടെ സഹകരണത്തോടെ കാസര്‍കോട് ഗവ.ഐടിഐ, കയ്യൂര്‍ ഇകെഎന്‍എം ഗവ.ഐടിഐ സംയുക്താഭിമുഖ്യത്തില്‍ നടന്ന പരിപാടി എഡിഎം.എന്‍.ദേവിദാസ് ഉദ്ഘാടനം ചെയ്തു. കാസര്‍കോട് ഗവ.ഐടിഐ വൈസ് പ്രിന്‍സിപ്പാള്‍ ഫിലോമിന ജെഫി ജെന്നിഫര്‍ അധ്യക്ഷതവഹിച്ചു. കെ.അനീഷ്, യു.സജിത്ത്, കെ.സജീഷ്, അഹമ്മദ് കബീര്‍ എന്നിവര്‍ പങ്കെടുത്തു. ഊര്‍ജസംരക്ഷണവുമായി ബന്ധപ്പെട്ട് ഒപ്പുശേഖരണത്തിന്റെ ഉദ്ഘാടനവും എഡിഎം നിര്‍വഹിച്ചു. 

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിലേക്ക് അടയ്ക്കുവാനുളള ഉടമാവിഹിതം സൗത്ത് ഇന്ത്യന്‍ ബാങ്കിന്റെ കേരളത്തിലെ എല്ലാ ശാഖകള്‍ വഴിയും സ്വീകരിക്കും. ഈ സൗകര്യം എല്ലാ ഉടമകളും ഉപയോഗപ്പെടുത്തണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. 

കൊച്ചി: കേരള മീഡിയ അക്കാദമിയുടെ ആഭിമുഖ്യത്തില്‍ സംഘടിപ്പിക്കുന്ന ദേശീയ വനിതാ മാധ്യമ പ്രവര്‍ത്തക സംഗമത്തിന്റെ (നാഷണല്‍ വുമണ്‍ ജേര്‍ണലിസ്റ്റ്‌സ് കോണ്‍ക്ലേവ്) ലോഗോ മുഖ്യമന്ത്രി പിണറായി വിജയന്‍ പ്രകാശനം ചെയ്തു.  

ജില്ലയില്‍ നിലവിലുളള  ഡോക്ടര്‍മാരുടെ  ഒഴിവുകളിലേക്ക് അഡ്-ഹോക്ക് , വിആര്‍എസ് വ്യവസ്ഥയില്‍ ഡോക്ടര്‍മാരെ  നിയമിക്കുന്നതിനായി  ഈ മാസം 16,18 തീയതികളില്‍ രാവിലെ  10.30 ന് കാഞ്ഞങ്ങാട്  ചെമ്മട്ടംവയലിലുളള ജില്ലാ മെഡിക്കല്‍ ഓഫീസില്‍  കൂടിക്കാഴ്ച നടത്തും. അപേക്ഷകര്‍ എംബിബിഎസ് യോഗ്യതയുളളവരും  ടിസിഎംസി രജിസ്‌ട്രേഷന്‍ ഉളളവരുമായിരിക്കണം.  നേരത്തെ അപേക്ഷ നല്‍കിയവര്‍ക്കും പങ്കെടുക്കാം. ഫോണ്‍ 04672 203118, 9946105497.

കൊച്ചി: മൊബൈല്‍ ആന്റ് വെബ് ആപ്ലിക്കേഷന്‍ രംഗത്തെ തൊഴിലവസരങ്ങള്‍ പ്രയോജനപ്പെടുത്തുവാന്‍ ഉദ്യോഗാര്‍ഥികളെ പ്രാപ്തരാക്കുന്ന തൊഴിലധിഷ്ഠിത ജാവ ആന്റ് ആന്‍ഡ്രോയിഡ് ഇന്റേണ്‍ഷിപ്പ് ട്രെയിനിങ്ങ് പ്രോഗ്രാമിന് പൊതുമേഖല സ്ഥാപനമായ കെല്‍ട്രോണിന്റെ വിവിധ നോളജ് സെന്ററുകളില്‍ അപേക്ഷ ക്ഷണിച്ചു. ബി.ഇ/ബി.ടെക്, ഡിഗ്രി, എം.സി.എ ഉദ്യോഗാര്‍ഥികള്‍ക്ക് അപേക്ഷിക്കാം. കൂടുതല്‍ വിവരങ്ങള്‍ക്കും അപേക്ഷ ഫോമിനു കെല്‍ട്രോണ്‍ നോളജ് സെന്ററുമായി ബന്ധപ്പെടുക. ഫോണ്‍ എറണാകുളം 9207811879, തിരുവനന്തപുരം 9207811878, മലപ്പുറം 8943569056, കണ്ണൂര്‍ 8943569054.

കൊച്ചി: എറണാകുളം ജില്ലാ എംപ്ലോയ്‌മെന്റ് എക്‌സ്‌ചേഞ്ചും ആമ്പല്ലൂര്‍ ഗ്രാമ പഞ്ചായത്തും സംയുക്തമായി സംഘടിപ്പിക്കുന്ന സ്വയംതൊഴില്‍ ബോധവല്ക്കരണ ശില്പ്പപശാല ഡിസംബര്‍ ഇരുപതാം തീയതി ബുധനാഴ്ച രാവിലെ 10-ന് അശയന്‍കാവിലെ കീച്ചേരി സര്‍വ്വീസ് സഹകരണ ബാങ്ക് ഹാളില്‍  നടത്തുന്നു.

എംപ്ലോയ്‌മെന്റ്. വകുപ്പ്, വ്യവസായ വകുപ്പ് മുഖേനയുള്ള സ്വയം തൊഴില്‍ പദ്ധതികളെക്കുറിച്ചും ബാങ്കിംഗ് സേവനങ്ങളെക്കുറിച്ചുമുള്ള ക്ലാസ്സുകളും വിവിധ സ്വയംതൊഴില്‍ വായ്പകള്‍ക്കുള്ള അപേക്ഷാ ഫോറങ്ങളുടെ വിതരണവും ഉണ്ടായിരിക്കുന്നതാണ്.

കൊച്ചി: എറണാകുളം മഹാരാജാസ് കോളേജ് ക്യാമ്പസില്‍ സ്ഥിതി ചെയ്യുന്ന 19 വ്യക്ഷങ്ങള്‍ മൊത്തമായി ലേലം ചെയ്ത് വില്‍ക്കും. ഡിസംബര്‍ 20-ന് രാവിലെ 10.30 ന് മഹാരാജാസ് കോളേജില്‍ ലേലം നടക്കും. താത്പര്യമുളളവര്‍ അന്നേ ദിവസം കൃത്യസമയത്ത് എത്തിച്ചേരണമെന്ന് പ്രിന്‍സിപ്പാള്‍ അറിയിച്ചു.