ഫിഷറീസ് മത്സ്യത്തൊഴിലാളി സമ്പാദ്യ ആശ്വാസ പദ്ധതി ഡിസംബര്‍ മാസ ഗുണഭോക്തൃ വിഹിത സമാഹരണം ഡിസംബര്‍ 26 മുതല്‍ 30 വരെയുള്ള ദിവസങ്ങളില്‍ നടക്കും.  ഉള്‍നാടന്‍ ഡിസംബര്‍ 26 നും കടല്‍  (പാലപ്പെട്ടി, പുതുപൊന്നാനി, മിന്‍തെരുവ്, പറവണ്ണ, എളാരന്‍-ഒസ്സാന്‍കടപ്പുറം,  കോര്‍മന്‍ കടപ്പുറം, പരപ്പനങ്ങാടി അരയന്‍കടപ്പുറം) ഡിസംബര്‍ 27, 28 തിയ്യതികളിലും മറ്റു് മത്സ്യഗ്രാമങ്ങളിലേത് 29, 30  തിയ്യതികളിലും സ്വീകരിക്കും. ആധാര്‍ കോപ്പി നല്‍കിയിട്ടില്ലാത്തവര്‍ ആയതിന്റെ കോപ്പി കൊണ്ടുവരണം. ഡിസംബര്‍ മാസ തുകയായ 250 രൂപയാണ് അടക്കേണ്ടത്

വ്യാപകമായ നാശനഷ്ടങ്ങള്‍ വിതച്ച ഓഖി ചുഴലിക്കാറ്റു മൂലം കടലില്‍ പോകാന്‍ കഴിയാതെ തൊഴില്‍ നഷ്ടപ്പെട്ടവര്‍ക്ക് സമാശ്വാസമായി സര്‍ക്കാര്‍ നിര്‍ദേശ പ്രകാരം 3.2 കോടി രൂപ വിതരണം ചെയ്തതായി ഫിഷറീസ് ഡപ്യുട്ടി ഡയരക്ടര്‍ അറിയിച്ചു. പ്രാഥമിക ഘട്ടത്തില്‍ ജില്ലയില്‍ 14,578 പേര്‍ക്കാണ് ഇതിന്റെ ആനുകൂല്യം ലഭിച്ചത്. ബാക്കിയുള്ള കുടുംബങ്ങള്‍ക്ക് നല്‍കുന്ന നടപടി ഫിഷറീസ് വകുപ്പ് സ്വീകരിച്ചിട്ടുണ്ട്. ഒരു കുടുംബത്തിന് 2000 രൂപയാണ് സമാശ്വാസമായി നല്‍കിയത്.
ഇതിനു പുറമെ സിവില്‍ സപ്ലൈസ് വകുപ്പ് തീരദേശ മേഖലയിലെ 5,424 കുടുംബങ്ങള്‍ക്ക്  15 കിലോ വീതം അരിയും സൗജന്യമായി വിതരണം നടത്തിയിട്ടുണ്ട്.

 ജില്ലയില്‍ വോട്ടര്‍ പട്ടിക പുതുക്കലിന് 17,110 പുതിയ അപേക്ഷകര്‍. 2018 ന് 18 വയസ്സ് തികയുന്നവരെ ഉള്‍പ്പെടുത്തി തെരഞ്ഞെടുപ്പ് കമ്മിഷന്‍ തയ്യാറാക്കുന്ന വോട്ടര്‍ പട്ടികയിലേക്കാണ് ജില്ലയില്‍ നിന്ന് 17,110  പുതിയ അപേക്ഷകരുള്ളത്. ഇതില്‍ 74 പേര്‍ പ്രവാസികളാണ്.

ആലപ്പുഴ: ക്ഷീരമേഖലയെ സജീവമാക്കാൻ സാധിച്ചതിലൂടെ ജില്ലയിലെ പാൽ ഉൽപാദനത്തിൽ ഏഴര ശതമാനം വർദ്ധനവുണ്ടായതായി ക്ഷീരവികസന-മൃഗസംരക്ഷണ-വനം വകുപ്പു മന്ത്രി അഡ്വ. കെ. രാജു പറഞ്ഞു. ക്ഷീരവികസന വകുപ്പ് മുഹമ്മയിൽ സംഘടിപ്പിച്ച ജില്ലാ ക്ഷീരകർഷക സംഗമം  ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മുഹമ്മ നോർത്ത് ക്ഷീരസംഘം ഫെസിലിറ്റേഷൻ  സെന്ററിലെ ഉദ്ഘാടനവും അദ്ദേഹം നിർവഹിച്ചു.

ആലപ്പുഴ: ക്ഷീരമേഖലയെ സജീവമാക്കാൻ സാധിച്ചതിലൂടെ ജില്ലയിലെ പാൽ ഉൽപാദനത്തിൽ ഏഴര ശതമാനം വർദ്ധനവുണ്ടായതായി ക്ഷീരവികസന-മൃഗസംരക്ഷണ-വനം വകുപ്പു മന്ത്രി അഡ്വ. കെ. രാജു പറഞ്ഞു. ക്ഷീരവികസന വകുപ്പ് മുഹമ്മയിൽ സംഘടിപ്പിച്ച ജില്ലാ ക്ഷീരകർഷക സംഗമം  ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മുഹമ്മ നോർത്ത് ക്ഷീരസംഘം ഫെസിലിറ്റേഷൻ  സെന്ററിലെ ഉദ്ഘാടനവും അദ്ദേഹം നിർവഹിച്ചു.

    ക്രിസ്തുമസ്-പുതുവത്സര ആഘോഷത്തോടനുബന്ധിച്ച് ഡിസംബര്‍ 18 മുതല്‍ 30 വരെ കേരള ഖാദി ഗ്രാമ വ്യവസായ ബോര്‍ഡിന്‍റെ കീഴിലുളള വില്‍പ്പന കേന്ദ്രങ്ങളില്‍ ഖാദി തുണിത്തരങ്ങള്‍ക്ക് സ്പെഷ്യല്‍ കിഴിവ് അനുവദിച്ചിരിക്കുന്നു. കോട്ടണ്‍, സില്‍ക്ക്, സ്പണ്‍ സില്‍ക്ക്  എന്നിവയ്ക്ക് 30 ശതമാനവും പോളിക്ക് 20 ശതമാനവുമാണ് കിഴിവ്. കോട്ട മൈതാനത്തുളള ഖാദി ഗ്രാമ സൗഭാഗ്യ, ടൗണ്‍ ബസ് സ്റ്റാന്‍റ് കോംപ്ലക്സ്, കോങ്ങാട് മുനിസിപ്പല്‍ കോംപ്ലക്സ്, തൃത്താല, കുമ്പിടി എന്നിവിടങ്ങളിലുളള ഖാദി ഷോറൂമുകളും സ്പെഷ്യല്‍ റിബേറ്റ് ലക്ഷ്യമാക്കി സജ്ജീകരിച്ചിട്ടുണ്ട്