ജലനിരപ്പ് ഉയര്‍ന്നതിനാല്‍ തെډല ഡാമിന്‍റെ ഒരു ഷട്ടര്‍ തുറന്നു. കല്ലടയാറിന്‍റെ തീരത്തു താമസിക്കുന്നവര്‍ ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു. 
                                                  (പിഎന്‍പി 3228/17)

    മീസില്‍സ്-റൂബെല്ലാ പ്രതിരോധ കുത്തിവയ്പ് പരിപാടിയില്‍ 97.8 ശതമാനം കുട്ടികളെയും കുത്തിവയ്പിന് വിധേയമാക്കി ജില്ല ഒന്നാം സ്ഥാനത്ത് തുടരുന്നു. ഈ നേട്ടം കൈവരിക്കുന്നതിന് പ്രധാന പങ്കുവഹിച്ച സ്ഥാപനങ്ങള്‍ക്ക് ട്രോഫിയും സര്‍ട്ടിഫിക്കറ്റും നല്‍കി ആദരിച്ചു. 

    മണിയാര്‍ ഡാമില്‍ ജലനിരപ്പ് ഉയരാന്‍ സാധ്യതയുള്ളതിനാല്‍ ഞായറാഴ്ച വരെയു ള്ള നാല് ദിവസം മണിയാര്‍ ബാരേജിന്‍റെ ഷട്ടര്‍ തുറക്കാന്‍ സാധ്യതയുണ്ട്. കക്കാട്, പമ്പാ നദീതീരവാസികളും പൊതുജനങ്ങളും ശബരിമല തീര്‍ഥാടകരും ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു.                                       (പിഎന്‍പി 3213/17)

    കനത്ത മഴയ്ക്കും കാറ്റിനുമുള്ള സാധ്യത കണക്കിലെടുത്ത് ജനങ്ങള്‍ ജാഗ്രത പുല ര്‍ത്തണമെന്ന് ജില്ലാ കളക്ടര്‍ ആര്‍.ഗിരിജ അറിയിച്ചു. 

പാര്‍ട്ട് ടൈം ഡിപ്ലോമ കോഴ്‌സ് നടത്തുന്ന ചില പോളിടെക്‌നിക്കുകളിലെ ഏതാനും ബ്രാഞ്ചുകളില്‍ സീറ്റൊഴിവുണ്ട്.  എസ്.എസ്.എല്‍.സിയും രണ്ട് വര്‍ഷത്തെ ഐ.ടി.ഐ/തത്തുല്യ കോഴ്‌സ് പാസായവര്‍ക്കും എസ്.എസ്.എല്‍.സിയും രണ്ട് വര്‍ഷത്തെ പ്രവൃത്തി പരിചയമുളളവര്‍ക്കും 2017 ഡിസംബര്‍ നാല്, അഞ്ച് തീയതികളില്‍ അതത് പോളിടെക്‌നിക്കുകളില്‍ സ്‌പോട്ട് അഡ്മിഷനില്‍ മതിയായ രേഖകളും ഫീസുമായി പങ്കെടുക്കാം.  നേരത്തെ അപേക്ഷ സമര്‍പ്പിക്കാത്തവര്‍ക്കും സ്‌പോട്ട് അഡ്മിഷനില്‍ പങ്കെടുക്കാം.  കൂടുതല്‍ വിവരങ്ങള്‍ www.polyadmission.in ല്‍.

സംസ്ഥാനത്ത് ചുഴലിക്കാറ്റിനും പ്രകൃതിദുരന്തങ്ങള്‍ക്കുമുളള സാധ്യത മുന്‍നിര്‍ത്തി ജാഗ്രതാ നിര്‍ദേശം നല്‍കിയിരിക്കുന്ന സാഹചര്യത്തില്‍ മൃഗസംരക്ഷണ വകുപ്പിലെ ഉദ്യോഗസ്ഥരോടും ജാഗ്രത പാലിക്കാന്‍ മന്ത്രി കെ.രാജു അടിയന്തര നിര്‍ദേശം നല്‍കി.  സംസ്ഥാനത്തെ മൃഗാശുപത്രികള്‍ അടുത്ത രണ്ടു ദിവസത്തേക്ക് 24 മണിക്കൂറും  പ്രവര്‍ത്തിക്കും.  പ്രകൃതി ദുരന്തത്തില്‍ പക്ഷിമൃഗാദികള്‍ക്ക് പരിക്കുപറ്റിയാല്‍ അടിയന്തര ചികിത്സാ ലഭ്യമാക്കാന്‍ നടപടി സ്വീകരിച്ചതായി മന്ത്രി അറിയിച്ചു.

പി.എന്‍.എക്‌സ്.5114/17

സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി (ഹോമിയോ)  2017 കോഴ്‌സ് പ്രവേശനത്തിനുള്ള മൂന്നാംഘട്ട അലോട്ട്‌മെന്റ് www.lbscentre.in ല്‍ പ്രസിദ്ധീകരിച്ചു. അലോട്ട്‌മെന്റ് ലഭിച്ചവര്‍ വെബ്‌സൈറ്റില്‍ നിന്നും പ്രിന്റൗട്ട് എടുത്ത അലോട്ട്‌മെന്റ് മെമ്മോ ഫെഡറല്‍ ബാങ്കിന്റെ ഏതെങ്കിലും ശാഖയില്‍ ഹാജരാക്കി ഡിസംബര്‍ നാലിനകം ഫീസ് അടയ്ക്കണം. അലോട്ട്‌മെന്റ്  ലഭിച്ചവര്‍ ഡിസംബര്‍ ആറിനകം അതത് കോളേജുകളില്‍ പ്രവേശനം നേടണം. കൂടുതല്‍ വിവരങ്ങള്‍ക്ക് 0471-2560362, 63, 64, 65.

പി.എന്‍.എക്‌സ്.5113/17

ജലനിധിയുടെ പുതിയ വെബ്‌സൈറ്റിന്റെ ഉദ്ഘാടനം  ജലവിഭവ മന്ത്രി മാത്യു ടി. തോമസ് നിര്‍വഹിച്ചു. മന്ത്രിയുടെ ചേമ്പറില്‍ നടന്ന ചടങ്ങില്‍ ജലവിഭവ വകുപ്പ് അഡീഷണല്‍ ചീഫ് സെക്രട്ടറി ടോം ജോസ്, വകുപ്പ് സെക്രട്ടറി ടിങ്കു ബിസ്വാള്‍, ജലനിധി എക്‌സിക്യൂട്ടീവ് ഡയറക്ടര്‍ എ.ആര്‍. അജയകുമാര്‍ തുടങ്ങിയവരും ചടങ്ങില്‍ സംബന്ധിച്ചു. വെബ്‌സൈറ്റ് www.jalanidhi.kerala.gov.in

പി.എന്‍.എക്‌സ്.5112/17

തെക്കന്‍ കേരളത്തില്‍ കാറ്റും മഴയും കനത്ത നാശനഷ്ടം ഉണ്ടാക്കുന്ന സാഹചര്യത്തില്‍ എല്ലാ സര്‍ക്കാര്‍ ഏജന്‍സികളെയും ഏകോപിപ്പിച്ച് അടിയന്തര രക്ഷാപ്രവര്‍ത്തനം നടത്താനും അതീവ ജാഗ്രത പുലര്‍ത്താനും മുഖ്യമന്ത്രി പിണറായി വിജയന്‍ കളക്ടര്‍മാര്‍ക്ക് നിര്‍ദ്ദേശം നല്‍കി. വീഡിയോ കോണ്‍ഫറന്‍സിംഗ് വഴിയാണ് മുഖ്യമന്ത്രി കളക്ടര്‍മാരോട് സംസാരിച്ചത്.