തിരുവനന്തപുരം ഇന്‍സ്റ്റിറ്റ്യൂട്ട് ഓഫ് പ്രൊഫഷണല്‍ മാനേജ്‌മെന്റ് സ്റ്റഡീസില്‍ നിന്ന് പരിശീലനത്തിനായി കോഴിക്കോട് പോയ വിദ്യാര്‍ത്ഥിനിയായ ആതിര കെട്ടിടത്തിന്റെ നാലാം നിലയില്‍ നിന്ന് വീണ സംഭവത്തെക്കുറിച്ച് നിഷ്പക്ഷവും സ്വതന്ത്രവുമായ അന്വേഷണം നടത്തി കുറ്റക്കാരെ ശിക്ഷിക്കാന്‍ വേണ്ട നടപടി സ്വീകരിക്കുമെന്ന് പട്ടികജാതി പട്ടികവര്‍ഗ പിന്നാക്കക്ഷേമ മന്ത്രി എ.കെ. ബാലന്‍ പറഞ്ഞു. എസ്. പി. ഫോര്‍ട്ട് ആശുപത്രിയില്‍ ചികിത്‌സയില്‍ കഴിയുന്ന ആതിരയെ സന്ദര്‍ശിച്ച ശേഷമാണ് മന്ത്രി ഇക്കാര്യം അറിയിച്ചത്. 

        പരിവര്‍ത്തിത ക്രൈസ്തവ ശുപാര്‍ശിത  വിഭാഗ വികസന കോര്‍പ്പറേഷന്‍, പട്ടികജാതിയില്‍ നിന്നും ക്രിസ്തുമതത്തിലേയ്ക്ക് പരിവര്‍ത്തനം ചെയ്തിട്ടുള്ളവരും പട്ടിക ജാതിയിലേയ്ക്ക് ശുപാര്‍ശ ചെയ്തിട്ടുള്ളവരുമായവര്‍ക്ക് (ഒ.ഇ.സി മാത്രം, മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല ) തൊഴില്‍ സംരഭങ്ങള്‍ തുടങ്ങുന്നതിനായി 2 ദിവസത്തെ സൗജന്യ പരിശീലനപരിപ്പാടി നടത്തും. 18 നും 45നും ഇടയില്‍ പ്രായമുള്ള എസ്.എസ്.എല്‍.സി അടിസ്ഥാന യോഗ്യതയുള്ളവര്‍ക്ക് പങ്കെടുക്കാം.

    നിലമ്പൂര്‍, കാളികാവ്, അരീക്കോട് ബ്ലോക്കുകളിലെ  പട്ടിക വര്‍ഗ വിഭാഗത്തില്‍ പെട്ടവരില്‍ നിന്നും സിവില്‍ പൊലീസ് ഓഫീസര്‍, വനിത സിവില്‍ പൊലീസ് ഓഫീസര്‍, സിവില്‍ എക്‌സൈസ് ഓഫീസര്‍ തസ്‌കയിലേക്ക് അപേക്ഷിച്ചവരുടെ കായിക ക്ഷമതാ പരീക്ഷ ഡിസംബര്‍ 11 മുതല്‍ 13 വരെ നിലമ്പൂര്‍ കെ.എ.പി (2) ക്യാമ്പ് മൈതാനത്ത് നടത്തും.  അറിയിപ്പ് ലഭിച്ചവര്‍ പി.എസ്.സി നിര്‍ദ്ദേശിച്ച രേഖകള്‍ സഹിതം എത്തണം.

അന്താരാഷ്ട്ര അഴിമതി വിരുദ്ധ ദിനാചരണത്തിന്റെ ജില്ലാതല ഉദ്ഘാടനം ഇന്ന് (ഡിംസബര്‍ എട്ട്) തിരൂര്‍ - പൂക്കയില്‍ എ.പി.ജെ അബ്ദുല്‍ കലാം മെമ്മോറിയല്‍ ആര്‍ട്‌സ് ആന്‍ഡ് സയന്‍സ് കോളേജില്‍ നടക്കും ഉച്ചക്ക് 2.30ന് ജില്ലാ കലക്ടര്‍ അമിത് മീണ ഉദ്ഘാടനം നിര്‍വ്വഹിക്കും. വിജിലന്‍സ് ആന്‍ഡ് ആന്റി കറപ്ഷന്‍ ബ്യൂറോ ജില്ലാ മേധാവി എ. രാമചന്ദ്രന്‍ അധ്യക്ഷത വഹിക്കും. 

    ആര്‍മി വൈഫ്‌സ് വെല്‍ഫെയര്‍ അസോസിയേഷന്‍ 201819  മുതല്‍ വിദ്യാഭ്യാസ സാമ്പത്തിക  സഹായ പോളസിയിലും, സാമ്പത്തിക  സഹായ പോളസിയിലും മാറ്റം വരുത്തിയിരിക്കുന്നു. വിശദവിവരങ്ങള്‍ക്ക്  ജില്ലാ സൈനിക ക്ഷേമ ഓഫീസുമായി ബന്ധപ്പെടണം.  ഫോണ്‍ : 04832734932

റേഷന്‍ കാര്‍ഡില്‍ മത്സ്യതൊഴിലാളി എന്നു രേഖപ്പെടുത്തിയിട്ടുളള എല്ലാ റേഷന്‍ കാര്‍ഡുടമകള്‍ക്കും 15 കിഗ്രാം റേഷന്‍ സാധനങ്ങള്‍ അതത് റേഷന്‍ കടകളില്‍ നിന്നും സൗജന്യമായി കെകപ്പറ്റാവുന്നതാണെന്ന് പൊന്നാനി താലൂക്ക് സപ്ലൈ ഓഫീസര്‍ അറിയിച്ചു.  

കുടുംബശ്രീ ജില്ലാ മിഷന്‍ ഡി.ഡി.യു.ജി.കെ.വൈ പദ്ധതിയുടെ ഭാഗമായി ഡിസംബര്‍ 17ന് എടപ്പാള്‍ ഹൈസ്‌കൂളില്‍ തൊഴില്‍ മേള നടത്തുന്നു.  18 നും 35നുമിടയില്‍ പ്രായമുള്ളവര്‍ക്ക് പങ്കെടുക്കാം.  താല്‍പര്യമുള്ളവര്‍ വേേു:െ//ഴീീ.ഴഹ.ളീൃാ/െ ്വൃ/ഏജഴഷഏമസഷസഥഅഢമഹശ2 ല്‍ ഓണ്‍ലൈനായി ഡിസംബര്‍ 10ന് വൈകുന്നേരം അഞ്ചിനകം രജിസ്‌ട്രേഷന്‍ നടത്തണം.  9037325985