ജില്ലയിലെ സ്‌കാറ്റേര്‍ഡ് വിഭാഗത്തിലെ ചുമട്ടുതൊഴിലാളികള്‍ കൈകാര്യം ചെയ്യുന്ന സാധന സാമഗ്രികളുടെ കയറ്റിറക്ക് കൂലി ഏകീകരിച്ചു ഉത്തരവായി. ജില്ലാ ലേബര്‍ ഓഫീസര്‍ വളിച്ചു കൂട്ടിയ യോഗത്തില്‍ ചുമട്ട് തൊഴില്‍ മേഖലയിലെ വിവിധ ട്രേഡ് യൂണിയന്‍ നേതാക്കളും, വ്യാപാര, വ്യാവസായ തൊഴിലുടമകളും  മറ്റുള്ളവരും പങ്കെടുത്തു.ചുമട്ടുതൊഴിലാളികളുടെ അമിത കൂലി ആവശ്യപ്പെടല്‍, നോക്കുകൂലി ആവശ്യപ്പെടല്‍ തുടങ്ങിയ അനാരോഗ്യകരമായ പ്രവര്‍ത്തനങ്ങള്‍ക്ക് ഇതോടെ അറുതിവരുത്തുവാന്‍ കഴിയുമെന്ന് അദ്ദേഹം അറിയിച്ചു.

* ബയോ സയന്‍സ് റിസര്‍ച്ച് ആന്റ് ട്രെയിനിംഗ് സെന്റര്‍ (ബി.ആര്‍.ടി.സി) നാടിന് സമര്‍പ്പിച്ചു

* തോന്നയ്ക്കല്‍ ബയോ 360 ലൈഫ് സയന്‍സസ് പാര്‍ക്കിലെ ആദ്യ ഗവേഷണകേന്ദ്രം

  മുതിര്‍ന്ന പൗരന്മാരുടെ ക്ഷേമം സംബന്ധിച്ച നിയമസഭാ സമിതി 23 ന് രാവിലെ 11 ന് ആലപ്പുഴ കളക്ടറേറ്റ് കോണ്‍ഫറന്‍സ് ഹാളില്‍ യോഗം ചേരും.
പി.എന്‍.എക്‌സ്.1416/18

  മഹാത്മാഗാന്ധി സര്‍വകലാശാല വൈസ് ചാന്‍സലറായി മേയ് നാല് വരെ തുടരാന്‍ ഡോ. ബാബു സെബാസ്റ്റ്യന് അനുമതി നല്‍കി ഗവര്‍ണര്‍ ഉത്തരവായി.
പി.എന്‍.എക്‌സ്.1415/18
 

  തിരുവനന്തപുരം നഗരസഭയുടെ 'അഗതിരഹിത കേരളം' പദ്ധതിയുടെ കരട് പട്ടിക നഗരസഭ ഓഫീസിലും സി.ഡി.എസിലും പ്രസിദ്ധീകരിച്ചു. ഇതില്‍ ഉള്‍പ്പെടാത്ത അപേക്ഷകര്‍ 20 ന് വൈകിട്ട് മൂന്നിന് മുമ്പ് അപ്പീല്‍ അപേക്ഷകള്‍ അതാത് സി.ഡി.എസില്‍ നല്‍കണം.
പി.എന്‍.എക്‌സ്.1414/18

    കേരള മീഡിയ അക്കാദമി ഹൈസ്‌കൂള്‍-ഹയര്‍സെക്കണ്ടറി വിദ്യാര്‍ത്ഥികള്‍ക്കായി എല്ലാ ജില്ലകളിലും  അവധിക്കാല മാധ്യമ ശില്പശാല സംഘടിപ്പിക്കുന്നു.
    പ്രസ്‌ക്ലബ്ബ്, ജില്ലാ ഇന്‍ഫര്‍മേഷന്‍ ആഫീസ്, വിദ്യാഭ്യാസ സ്ഥാപനങ്ങള്‍  എന്നിവയുമായി സഹകരിച്ച് ജില്ലാ കേന്ദ്രങ്ങളില്‍ മൂന്നു ദിവസങ്ങളിലായി നടത്തുന്ന ശില്പശാലയില്‍ ഓരോ കേന്ദ്രത്തിലും മുപ്പത് പേര്‍ക്കാണ് പ്രവേശനം. 

    സൗദി അറേബ്യയിലെ അല്‍-മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ഡിപ്ലോമ നഴ്‌സുമാരെ (സ്ത്രീകള്‍ മാത്രം) നിയമിക്കുന്നതിനായി ഒ.ഡി.ഇ.പി.സി. തിരുവനന്തപുരം, വഴുതയ്ക്കാട് ഓഫീസില്‍ 25 ന് സ്‌കൈപ്പ് ഇന്റര്‍വ്യൂ ചെയ്യും.  താത്പര്യമുള്ളവര്‍ www.odepc.kerala.gov.in എന്ന വെബ്‌സൈറ്റില്‍ കൊടുത്തിരിക്കുന്ന നോട്ടിഫിക്കേഷന്‍ പ്രകാരം അപേക്ഷിക്കണം.  ഫോണ്‍ : 0471-2329440/41/42/43/45, 9446444522.
പി.എന്‍.എക്‌സ്.1412/18

സംസ്ഥാനത്തെ എട്ടുമുതല്‍ പന്ത്രണ്ടുവരെയുള്ള മുഴുവന്‍ സര്‍ക്കാര്‍-എയ്ഡഡ് സ്‌കൂളുകളിലുമായി 45000 ക്ലാസ് മുറികള്‍ ഹൈടെക്കാക്കുന്നതിന്റെ ഭാഗമായുള്ള മൂന്നാംഘട്ട വിന്യാസത്തിന് സ്‌കൂളുകള്‍ ഏപ്രില്‍ 22 ന് മുന്‍പ് വിശദാംശങ്ങള്‍ നല്‍കണം.  ആദ്യ രണ്ടുഘട്ടങ്ങളിലായി 33775 ക്ലാസ്മുറികള്‍ ഹൈടെക്കാക്കുന്നതിനുള്ള സംവിധാനങ്ങള്‍ ലഭ്യമാക്കിയിരുന്നു.  ഇതിന്റെ ഭാഗമായി 2969 സ്‌കൂളുകളിലെ മുഴുവന്‍ ക്ലാസ് മുറികളും ഹൈടെക്കായി.

കരാര്‍ നിയമനം

കൊച്ചി: എറണാകുളം ജനറല്‍ ആശുപത്രിയില്‍ കരാര്‍ അടിസ്ഥാനത്തില്‍ നിയമനം. ലാബ് ടെക്‌നീഷ്യനെ  നിയമിക്കുന്നതിന് വാക്-ഇന്‍-ഇന്റര്‍വ്യൂ ഏപ്രില്‍ 20-ന് നടത്തും. യോഗ്യത ബി.എസ്.സി എം.എല്‍.റ്റി/ഡി.എം.എല്‍.റ്റി, (പ്രവൃത്തി പരിചയം അഭികാമ്യം).  ഇ.സി.ജി ടെക്‌നീഷ്യന്‍ യോഗ്യത ഇ.സി.ജി ടെക്‌നീഷ്യന്‍ കോഴ്‌സ് (പ്രവൃത്തി പരിചയം അഭികാമ്യം).  ഇന്റര്‍വ്യൂ ഏപ്രില്‍ 21-ന് നടത്തും. 

താത്പര്യമുളളവര്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം ഈ ദിവസങ്ങളില്‍ രാവിലെ 11-ന് സൂപ്രണ്ടിന്റെ ഓഫീസില്‍ നടക്കുന്ന വാക്-എന്‍-ഇന്റര്‍വ്യൂവില്‍ പങ്കെടുക്കണം.