ഹരിത കേരള മിഷന്‍ പ്രവര്‍ത്തനങ്ങളുടെ ഒന്നാം വാര്‍ഷികത്തിന്റെ ഭാഗമായി ജില്ലാ പഞ്ചായത്തില്‍ ഇന്ന് (ഡിസംബര്‍ എട്ട്) രാവിലെ 10 ന് നടക്കുന്ന ഹരിത സംഗമത്തില്‍ ഓഫിസ് മേധാവികളും ഗ്രീന്‍ പ്രോട്ടോക്കോള്‍ ഓഫിസറും പങ്കെടുക്കണമെന്ന് ജില്ലാ കലക്ടര്‍ അറിയിച്ചു. ചടങ്ങില്‍ മികച്ച പ്രവര്‍ത്തനം നടത്തിയ ഓഫിസ് ജീവനക്കാര്‍ക്ക് ഉപഹാരങ്ങള്‍ നല്‍കുന്നതാണ്.

സര്‍ക്കാരിന്റെ ശ്രദ്ധേയമായ ഹരിത കേരളം പദ്ധതിയുടെ ഒന്നാം വാര്‍ഷികം ഇന്ന് (ഡിസംബര്‍ 8) മലപ്പുറത്ത് നടക്കും. ഇതിന്റെ ഭാഗമായി ജില്ലാ പഞ്ചായത്തില്‍ രാവിലെ 10 മണിക്ക് ഹരിത സംഗമം നടക്കും. പരിപാടിയില ഒരു വര്‍ഷത്തെ പ്രവര്‍ത്തനങ്ങള്‍ വിലയിരുത്തും.

ആലപ്പുഴ: ഗവൺമെന്റ് ദന്തൽ കോളജിലേക്ക്  വിവിധ ഉപകരണങ്ങൾ വാങ്ങുന്നതിന് ക്വട്ടേഷൻ ക്ഷണിച്ചു. ഓർത്തോഡോന്റിക്‌സ് വിഭാഗത്തിലേക്ക് സോൾഡറിങ് ടോർച്ച്, വിവിധ വിഭാഗത്തിലേക്ക് മൈനർ ഇൻസ്ട്രാമെന്റ് എന്നിവ വാങ്ങുന്നതിന് മുദ്രവച്ച ക്വട്ടേഷൻ ക്ഷണിച്ചു. ഡിസംബർ 14ന് വൈകിട്ട്  നാലിനകം പ്രിൻസിപ്പലിന് നൽകണം. വിശദവിവരത്തിന് ഫോൺ: 0477-2280502.

 (പി.എൻ.എ.2973/17)

ആലപ്പുഴ: തണ്ണീർമുക്കം ബണ്ടിന്റെ ഷട്ടറുകൾ അടയ്ക്കുന്നതു സംബന്ധിച്ച ഉപദേശക സമിതി യോഗം ഇന്ന് (ഡിസംബർ 8) രാവിലെ 11.15ന് ആലപ്പുഴ കളക്ടറേറ്റ് കോൺഫറൻസ് ഹാളിൽ നടക്കും.

(പി.എൻ.എ.2981/17)

ആലപ്പുഴ: ജില്ലാതല മനുഷ്യാവകാശദിനാചരണത്തിന്റെ ഭാഗമായി ഡിസംബർ 10ന് ഹൈസ്‌കൂൾ-കോളജ് വിദ്യാർഥികൾക്കായി പ്രസംഗം, പ്രബന്ധരചന മത്സരങ്ങൾ നടത്തും. മനുഷ്യാവകാശവും കുട്ടികളുടെ അവകാശവുമായി ബന്ധപ്പെട്ടാണ് വിഷയം. താത്പര്യമുള്ള വിദ്യാർഥികൾ 10ന് രാവിലെ 10ന് ആലപ്പുഴ സിവിൽ സ്‌റ്റേഷനു സമീപമുള്ള എൻ.ജി.ഒ. യൂണിയൻ ഹാളിൽ എത്തണം.

(പി.എൻ.എ.2980/17)

ആലപ്പുഴ: ജില്ലാ വ്യവസായ കേന്ദ്രത്തിന്റെ അധീനതയിലുള്ള പുന്നപ്ര വ്യവസായ വികസന പ്ലോട്ടിൽ നിൽക്കുന്ന മരങ്ങൾ ലേലം ചെയ്യും. ഡിസംബർ 14ന് രാവിലെ 11ന് ആലപ്പുഴ വെള്ളക്കിണറുള്ള ജില്ലാ വ്യവസായ കേന്ദ്രത്തിലാണ് ലേലം. മുദ്രവച്ച ദർഘാസുകൾ ഡിസംബർ 13ന് വൈകിട്ട് മൂന്നുവരെ അമ്പലപ്പുഴ താലൂക്ക് വ്യവസായ ഓഫീസിൽ നൽകാം. കൂടുതൽ വിവരം താലൂക്ക് വ്യവസായ ഓഫീസിൽ ലഭിക്കും. വിശദവിവരത്തിന് ഫോൺ: 9447859939.

(പി.എൻ.എ.2972/17)

പട്ടികജാതി പ്രൊമോട്ടർ; 

അപേക്ഷ ക്ഷണിച്ചു

ആലപ്പുഴ: ജില്ലാ കളക്ടറുടെ പൊതുജനപരാതി പരിഹാരപരിപാടിയായ സേവനസ്പർശം  കുട്ടനാട് താലൂക്കിൽ ഡിസംബർ 16ന് മങ്കൊമ്പ് നെല്ല് ഗവേഷണ കേന്ദ്രത്തിൽ നടക്കും. രാവിലെ ഒമ്പതു മുതൽ ഉച്ചയ്ക്ക് ഒന്നു വരെ നടക്കുന്ന അദാലത്തിൽ  ഭൂനികുതി, ഭൂമിയുടെ തരംമാറ്റം/പരിവർത്തനം, റേഷൻ കാർഡ് മാറ്റം എന്നിവയൊഴികെയുള്ള പരാതി സ്വീകരിച്ച് തീർപ്പാക്കും. പൊതുജനങ്ങളുടെ പരാതികളും അപേക്ഷകളും അതിവേഗത്തിലും ജനസൗഹാർദ്ദപരമായും തീർപ്പാക്കുന്നതിന്  സംഘടിപ്പിക്കുന്ന അദാലത്തിൽ കളക്ടർ നേരിട്ടും പരാതികൾ സ്വീകരിക്കും. 

(പി.എൻ.എ.2971/17)

                സോയില്‍ സര്‍വ്വെ ആന്‍ഡ് കണ്‍സര്‍വേഷന്‍ വകുപ്പില്‍ അസിസ്റ്റന്റ് എഞ്ചിനീയര്‍ (കാറ്റഗറി നമ്പര്‍ 72/2015) തസ്തികയിലേക്കുള്ള ഒ.എം.ആര്‍. പരീക്ഷ ഡിസംബര്‍ 13ന് രാവിലെ 7.30 മുതല്‍ 9.15 വരെ കല്‍പ്പറ്റ എസ്.കെ.എം.ജെ. ഹൈസ്‌കൂളില്‍ നടത്തും.

                മൃഗസംരകഷണ വകുപ്പ് നാഷണല്‍ ലൈവ്‌സ്റ്റോക്ക് പദ്ധതിയില്‍ ജില്ലയിലെ പട്ടികജാതി പട്ടിക വര്‍ഗ്ഗക്കാരുടെ കന്നുകാലികളെ ഇന്‍ഷുര്‍ ചെയ്യുന്നു. ഒരു വര്‍ഷത്തേക്ക്  കന്നുകാലിയെ ഇന്‍ഷൂര്‍ ചെയ്യാന്‍ പ്രീമിയം തുകയുടെ 30 ശതമാനം കര്‍ഷകര്‍ അടച്ചാല്‍ മതി..  കന്നുകാലികളെ ഇന്‍ഷൂര്‍ ചെയ്തിട്ടില്ലാത്ത ക്ഷീരകര്‍ഷകര്‍ ഡിസംബര്‍ 18നകം അതത് മൃഗാശുപത്രികളില്‍  അപേക്ഷ നല്‍കണം.