മരണപ്പെട്ട മത്സ്യത്തൊഴിലാളികളുടെ മക്കള്‍ക്ക് പ്ലസ് വണ്‍ മുതല്‍ ഉന്നത വിദ്യാഭ്യാസം ഉറപ്പാക്കുന്നതിനായി ഫിഷറീസ്വകുപ്പ് നടപ്പാക്കുന്ന വിദ്യാഭ്യാസ പദ്ധതിയിലേയ്ക്ക്  അപേക്ഷിക്കാം. മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തവരുടെ  മക്കള്‍ക്കാണ് അവസരം.  അപേക്ഷ ഡിസംബര്‍ 10നകം മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ലഭിക്കണം. വിശദവിവരങ്ങള്‍ മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ ലഭിക്കും.   ഫോണ്‍ : 0491-2815245

രജിസ്ട്രേഷന്‍ വകുപ്പില്‍ 1955ലെ തിരുവിതാംകൂര്‍-കൊച്ചി ആക്റ്റ് അനുസരിച്ച് രജിസ്റ്റര്‍ ചെയ്ത് സംഘങ്ങളില്‍ രജിസ്ട്രേഷന്‍ പുതുക്കുന്നതിന് വീഴ്ച്ച വരുത്തിയവര്‍ക്ക് ഒറ്റത്തവണ തീര്‍പ്പാക്കല്‍ പദ്ധതിയില്‍ രജിസ്ട്രേഷന്‍ പുതുക്കാം. ഒരു വര്‍ഷത്തേക്ക് 500 രൂപ പിഴയോടുകൂടി 2018 മാര്‍ച്ച് 31വരെ അവസരം ഉപയോഗപ്പെടുത്താമെന്ന് രജിസ്ട്രാര്‍ അറിയിച്ചു.

കേരള മോട്ടോര്‍ തൊഴിലാളി ക്ഷേമനിധി അംഗങ്ങളുടെ മക്കള്‍ക്ക് 2017-18 വര്‍ഷത്തേയ്ക്കുള്ള വിദ്യാഭ്യാസ സ്കോളര്‍ഷിപ്പിന് അപേക്ഷിക്കാം.  എട്ടാം ക്ലാസ് മുതല്‍ ബിരുദാനന്തര ബിരുദം വരെയുള്ള കോഴ്സുകള്‍, പ്രൊഫഷനല്‍ കോഴ്സുകള്‍, ഡിപ്ലൊമ കോഴ്സുകളാണ് സ്കോളര്‍ഷിപ്പിന് പരിഗണിക്കുക. എട്ട്, ഒന്‍പത്, പത്ത് ക്ലാസുകളില്‍ ഒഴികെയുളള അപേക്ഷകര്‍ യോഗ്യത പരീക്ഷയ്ക്ക് 55 ശതമാനം മാര്‍ക്കോ തത്തുല്യ ഗ്രേഡോ നേടിയവരാവണം.  അപേക്ഷാ ഫോം കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്‍റെ ജില്ലാ ഓഫീസിലും  സാംംളേയ.ീൃഴ.ലും ലഭിക്കും. അപേക്ഷ ഡിസംബര്‍ 31നകം ജില്ലാ ഓഫീസില്‍  നല്‍കണം. ഫോണ്‍ : 0491 2547437. 

കൈത്തറി മേഖലയില്‍ സംരംഭങ്ങള്‍ തുടങ്ങുന്നതിന് എസ്.എസ്.എല്‍.സി യോഗ്യതയുളള കൈത്തറി മേഖലയില്‍ അഭിരുചിയുളളവരില്‍ നിന്ന് അപേക്ഷ ക്ഷണിച്ചു. കൈത്തറി , നെയ്ത്തില്‍ 10 വര്‍ഷത്തെ പരിചയമോ, കൈത്തറി/ടെക്സ്റ്റയില്‍ ടെക്നോളജിയില്‍ ഡിപ്ളൊമയോ ബിരുദമോ, കണ്ണൂര്‍ ഐ.ഐ.എച്ച്.റ്റി.യില്‍ നിന്ന് രണ്ട് വര്‍ഷത്തെ സര്‍ട്ടിഫിക്കറ്റ് കോഴ്സോ ഉളളവര്‍ക്ക് മുന്‍ഗണന ലഭിക്കും. സംരംഭം തുടങ്ങുന്നതിന് സ്വന്തമായി സ്ഥലമോ  അല്ലെങ്കില്‍ 15 വര്‍ഷത്തില്‍ കുറയാത്ത കാലാവധിയുള്ള പാട്ട സ്ഥലമോ ഉണ്ടായിരിക്കണം. ചുരുങ്ങിയത് 10 തറികളെങ്കിലും സ്ഥാപിക്കണം.

കുഴല്‍മന്ദം ഗവ.പ്രീ-എക്സാമിനേഷന്‍ ട്രെയിനിങ്ങ് സെന്‍ററില്‍ പട്ടികജാതി-വര്‍ഗ-ഒ.ബി.സി വിഭാഗത്തില്‍പ്പെട്ടവര്‍ക്ക് സൗജന്യ  പി.എസ്.സി. പരീക്ഷാ പരിശീലനം നല്‍കും. ബിരുദ യോഗ്യതയുള്ളവര്‍ ജാതി,  വരുമാനം (ഒ.ബി.സിക്കാര്‍ക്ക് മാത്രം), വിദ്യാഭ്യാസ യോഗ്യത എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകള്‍, പാസ്പോര്‍ട്ട് സൈസ്     ഫോട്ടോ  സഹിതമുള്ള അപേക്ഷ ഡിസംബര്‍ 16 വൈകീട്ട്   അഞ്ചിനകം നല്‍കണം. 

കുഴല്‍മന്ദം ഗവ. മോഡല്‍ റസിഡന്‍ഷല്‍ പോളിടെക്നിക് കോളേജില്‍ കെമിസ്ട്രി  അധ്യാപകന്‍റെ താത്കാലിക ഒഴിവുണ്ട്. ഒന്നാം ക്ലാസ്സോടെയുള്ള എം.എസ്.സി. കെമിസ്ട്രി  ബിരുദമാണ് യോഗ്യത. താത്പര്യമുളളവര്‍ അസ്സല്‍ രേഖകള്‍ സഹിതം ഡിസംബര്‍ 11ന് രാവിലെ 10ന് കൂടികാഴ്ച്ചക്കെത്തണമെന്ന് പ്രിന്‍സിപ്പല്‍ അറിയിച്ചു. ഫോണ്‍ : 04922-272900

കേരള സംസ്ഥാന പരിവര്‍ത്തിത ക്രൈസ്തവ ശുപാര്‍ശിത  വിഭാഗ വികസന കോര്‍പ്പറേഷന്‍, ജില്ലയിലെ പട്ടികജാതി വിഭാഗത്തില്‍ നിന്നും ക്രിസ്തുമതത്തിലേയ്ക്ക് പരിവര്‍ത്തനം ചെയ്തവര്‍ക്കും പട്ടിക ജാതിയിലേയ്ക്ക് ശുപാര്‍ശ ചെയ്ത വിഭാഗക്കാര്‍ക്കുമായി (ഒ.ഇ.സി മാത്രം, മുന്നോക്ക/പിന്നോക്ക വിഭാഗങ്ങളിലെ മറ്റു ജാതിക്കാര്‍ അര്‍ഹരല്ല ) തൊഴില്‍ സംരംഭങ്ങള്‍ തുടങ്ങുന്നതിന് ദ്വിദിന സൗജന്യ പരിശീലനം നടത്തും. 18 നും 45നും ഇടയിലാണ് പ്രായപരിധി. എസ്.എസ്.എല്‍.എസിയാണ് അടിസ്ഥാന യോഗ്യത. നാഷണല്‍ ബാക്ക്വേര്‍ഡ് ക്ലാസ്സസ് ഫിനാന്‍ഷ്യല്‍ ഡെവലപ്പ്മെന്‍റ് കോര്‍പ്പറേഷന്‍റെ ധനസഹായത്തോടെയാണ് പരിശീലനം നടത്തുന്നത്.

കഞ്ചിക്കോട് ന്യൂ ഇന്‍ഡസ്ട്രിയല്‍ ഡെവലപ്മെന്‍റ് ഏരിയയിലെ സോഫ്റ്റ്വെയര്‍ ടെക്നോളജി പാര്‍ക്കില്‍ ചെറുകിട സംരംഭങ്ങള്‍ തുടങ്ങുന്നതിന് മുറികള്‍ പ്രതിമാസ വാടകയ്ക്ക് നല്‍കും. വിവരസാങ്കേതികം, കംപ്യൂട്ടര്‍, ഇലക്ട്രോണിക്സ് മേഖലകളില്‍ സംരംഭം തുടങ്ങാന്‍ താത്പര്യമുള്ളവര്‍ ഡിസംബര്‍ 20-ന് വൈകിട്ട് അഞ്ചിനകം ജില്ലാ വ്യവസായിക കേന്ദ്രത്തില്‍ അപേക്ഷ നല്‍കണം. വെള്ള പേപ്പറില്‍ തയാറാക്കിയ അപേക്ഷയില്‍ പദ്ധതി രൂപരേഖയും തിരിച്ചറിയല്‍ രേഖയും ഉള്‍പ്പെടുത്തണം. ഫോണ്‍: 0491 2505408.

മലബാര്‍ ദേവസ്വം ബോര്‍ഡ് മലപ്പുറം അസി.കമ്മീഷനറുടെ കീഴിലുള്ള ക്ഷേത്ര ജീവനക്കാര്‍ക്ക് 2016 വരെയുള്ള ശമ്പള കുടിശ്ശികയും 2017ലെ ശമ്പള അഡ്വാന്‍സും ലഭിക്കുന്നതിന് അപേക്ഷ നല്‍കണം. ക്ഷേത്രഭരണാധികാരികള്‍ ഡിസംബര്‍ 15നകം രേഖകള്‍ സഹിതം ഡിവിഷന്‍ ഇന്‍സ്പെക്റ്റര്‍ വഴി അസി.കമ്മീഷനര്‍ക്ക് അപേക്ഷ നല്‍കണം.