ആലപ്പുഴ: അടുത്ത 24 മണിക്കൂറിനുള്ളിൽ കേരള തീരത്ത് 45-55 കിലോമീറ്റർ വേഗത്തിൽ കാറ്റു വീശാൻ സാധ്യതയുള്ളതിനാൽ മത്സ്യത്തൊഴിലാളികൾ മത്സ്യബന്ധനത്തിന് പോകരുതെന്നും ജാഗ്രത പാലിക്കണമെന്നും ജില്ലാ കളക്ടർ അറിയിച്ചു. 

 (പി.എൻ.എ.2907/17)

ആലപ്പുഴ: കടൽക്ഷോഭത്തെത്തുടർന്ന് കാർത്തികപ്പള്ളി താലൂക്കിലെ ആറാട്ടുപുഴയിൽ 12 കുടുംബങ്ങളെ മാറ്റിപ്പാർപ്പിച്ചു. പഞ്ചായത്ത് എൽ.പി. സ്‌കൂളിൽ ദുരിതാശ്വാസ ക്യാമ്പ് തുറന്നു. ഇവിടെ 60 പേരാണുള്ളത്. വലിയഴീക്കലിൽ നല്ലാനം ഭാഗത്ത് കടലാക്രമണ ഭീഷണി നേരിടുന്ന പ്രദേശത്ത് കല്ലിടാൻ ഇറിഗേഷൻ വകുപ്പിന് നിർദേശം നൽകിയിട്ടുണ്ട്. 

ഇന്ത്യന്‍ തെരഞ്ഞെടുപ്പു കമ്മീഷന്റെ ആഭിമുഖ്യത്തില്‍ ഹൈസ്‌ക്കൂള്‍/ ഹയര്‍ സെക്കണ്ടറി സ്‌ക്കൂള്‍ വിദ്യാര്‍ത്ഥികള്‍ക്കായി അഖിലേന്ത്യാ തലത്തില്‍ നടത്തുന്ന ക്വിസ് മത്സരത്തിന്റെ ഭാഗമായി നടത്തിയ ജില്ലാതല മത്സരത്തില്‍ എടരിക്കോട് പി.കെ.എം.എം.എച്ച്.എസ്.എസിലെ ഇര്‍ഫാന്‍ ഹുസൈന്‍, അമിത് ടോം ജോസ് ടീം ഒന്നാം സ്ഥാനവും വള്ളിക്കുന്ന് സി.ബി.എച്ച്.എസ്.എസിലെ  അമൃതേഷാ കെ, റഹബില്ല ടി.പി. ടീം രണ്ടാം സ്ഥാനംവും, പൊന്നാനി എ.വി.എച്ച്.എസ്.എസിലെ  ആദിത്യ ദാസ് എം, അഭിജിത് കെ.വി. ടീം മൂന്നാം സ്ഥാനവും നേടി.

പെരിന്തല്‍മണ്ണ ടൗണ്‍ എംപ്ലോയ്‌മെന്റ് എക്‌സ്‌ചേഞ്ചിലെ 2018-2020 കാലയളവിലേക്കുള്ള സീനിയോറിറ്റി ലിസ്റ്റ് പ്രസിദ്ധീകരിച്ചു.  ഉദ്യോഗാര്‍ഥികള്‍ക്ക് ഓഫീസില്‍ നേരിട്ടോ www.employment.kerala.gov.in  എന്ന സൈറ്റ് മുഖേനയോ ലിസ്റ്റുകള്‍ പരിശോധിക്കാം.  ലിസ്റ്റ് സംബന്ധിച്ച ആക്ഷേപങ്ങള്‍ ഡിസംബര്‍ 23നകം ഓഫീസില്‍ നേരിട്ടോ ഓണ്‍ലൈന്‍ മുഖേനയോ നല്‍കാം.  അന്തിമ ലിസ്റ്റ് ഡിസംബര്‍ അവസാനം പ്രസിദ്ധീകരിക്കും.

    മഞ്ചേരി പോസ്റ്റല്‍ ഡിവിഷനു കീഴിലുള്ള പോസ്റ്റല്‍ പെന്‍ഷന്‍, ഫാമിലി പെന്‍ഷന്‍ എന്നിവരുടെ പരാതികള്‍ പരിഹരിക്കുന്നതിനായി മഞ്ചേരിയില്‍ ഡിസംബര്‍ 13 രാവിലെ 11ന് അദാലത്ത് നടത്തുന്നു.  പരാതികള്‍ ഡിസംബര്‍ ഒമ്പതിനകം കെ.വി. അനില്‍കുമാര്‍, പോസ്റ്റ് ഓഫീസ് സൂപ്രണ്ട്, മഞ്ചേരി ഡിവിഷന്‍, മഞ്ചേരി വിലാസത്തില്‍ ലഭിക്കണം. 

    ജില്ലാ സൈനിക ക്ഷേമ ഓഫീസിന്റെ ആഭിമുഖ്യത്തില്‍ ഡിസംബര്‍ ഏഴിന് കലക്‌ട്രേറ്റ് സമ്മേളന ഹാളില്‍  രാവിലെ 10.30ന് സായുധ സേനാ പതാക ദിനാചരണം നടത്തും.  മലപ്പുറം നഗരസഭാ ചെയര്‍പേഴ്‌സണ്‍ സി.എച്ച്. ജമീല സായുധസേനാ പതാക വില്‍പന ഉദ്ഘാടനം ചെയ്യും.  ജില്ലാ കലക്ടര്‍ അമിത് മീണ അധ്യക്ഷനാകും.  പരിപാടിയില്‍ സൈനിക സ്മരണികയുടെ പ്രകാശനവും വിമുക്ത ഭട•ാര്‍ക്കും ആശ്രിതര്‍ക്കും സാമ്പത്തിക സഹായം വിതരണവും ഉണ്ടാകും.

    നഗര ഗ്രാമാസൂത്രണ വകുപ്പിന്റെ ജില്ലാ കാര്യാലയത്തില്‍ ഡിസംബര്‍ 28ന് രാവിലെ 10.30 മുതല്‍ ഫയല്‍ അദാലത്ത് നടത്തും.  നവംബര്‍ 15നകം ലേ ഔട്ട് അംഗീകാരത്തിനായി  സമര്‍പ്പിച്ചതും തീര്‍പ്പാക്കാത്തതുമായ അപേക്ഷകളി•േല്‍ പരാതിയുള്ളവര്‍ക്ക് അദാലത്തില്‍ പങ്കെടുക്കാം.  അപേക്ഷ ഡിസംബര്‍ 21നകം ജില്ലാ നഗരാസൂത്രകന്റെ കാര്യാലയം, സിവില്‍ സ്റ്റേഷന്‍, മലപ്പുറം വിലാസത്തിലോ tcpdmpm@gmail.com എന്ന ഇ-മെയില്‍ വിലാസത്തിലോ സമര്‍പ്പിക്കാം.  ഫോണ്‍ 04832734997.

    മനുഷ്യാവകാശ ദിനാചരണത്തിന്റെ ഭാഗമായി സാമൂഹ്യനീതി വകുപ്പ് സര്‍ക്കാര്‍ അംഗീകൃത ഹൈസ്‌കൂള്‍, കോളേജ് വിദ്യാര്‍ഥികള്‍ക്ക് പ്രസംഗം, പ്രബന്ധ മത്സരങ്ങള്‍ നടത്തുന്നു.  ഡിസംബര്‍ എട്ടിന് രാവിലെ 9.30ന് മലപ്പുറം സിവില്‍ സ്റ്റേഷനിലെ കുടുംബശ്രീ ഹാളിലാണ് മത്സരം.  വിഷയം തത്സമയം നല്‍കും.  ഒരു സ്‌കൂളില്‍ നിന്നും ഒരു ഇനത്തില്‍ ഒരു വിദ്യാര്‍ഥിക്ക് പങ്കെടുക്കാം.  താല്‍പര്യമുള്ളവര്‍ സ്ഥാപന മേധാവിയുടെ സാക്ഷ്യപത്രം സഹിതം എത്തണം.  ഫോണ്‍ 0483 2735324.