അടുത്തവര്‍ഷം മുതല്‍ സംസ്ഥാന ടെലിവിഷന്‍ അവാര്‍ഡ് തുക എല്ലാവിഭാഗങ്ങളിലും ആനുപാതികമായി വര്‍ധിപ്പിക്കുമെന്ന് സാംസ്‌കാരികവകുപ്പ് മന്ത്രി എ.കെ. ബാലന്‍ അറിയിച്ചു. 2016ലെ സംസ്ഥാന ടെലിവിഷന്‍ അവാര്‍ഡുകള്‍ ടാഗോര്‍ തീയറ്ററില്‍ വിതരണം ചെയ്ത് സംസാരിക്കുകയായിരുന്നു അദ്ദേഹം.

ചുരുങ്ങിയ കാലം കൊണ്ട് തന്നെ മലയാളികളും ദൃശ്യമാധ്യമങ്ങളുടെ സ്വാധീനത്തിലാണ്. വാര്‍ത്താവിനിമയ മേഖലയിലും കലാസ്വാദന രംഗത്തും ടെലിവിഷന്‍ വന്‍ കുതിച്ചുചാട്ടമാണ് നടത്തിയത്. സര്‍ഗാത്മക ദൃശ്യാവിഷ്‌കരണം വഴി ആസ്വാദകമനസുകളില്‍ സ്ഥായിയായ പരിവര്‍ത്തനം നടത്താനും സാംസ്‌കാരിക അഭിവൃദ്ധിയുണ്ടാക്കാനും ടെലിവിഷന്‍ ചാനലുകള്‍ക്ക് സാധിക്കും. 

കേരളത്തിലെ പൊതു, സ്വകാര്യ മേഖലയില്‍ പ്രവര്‍ത്തിക്കുന്ന കശുവണ്ടി ഫാക്ടറികള്‍ക്ക് ആവശ്യമായ അസംസ്‌കൃത പരിപ്പ് ലഭ്യമാക്കാന്‍ കേരള കാഷ്യു ബോര്‍ഡ് നടപടി സ്വീകരിക്കുമെന്ന് കശുവണ്ടി വ്യവസായ വകുപ്പ് മന്ത്രി ജെ. മെഴ്‌സിക്കുട്ടിഅമ്മ അറിയിച്ചു. ദേശീയ കശുവണ്ടി ദിന (നവംബര്‍ 23) ത്തോടനുബന്ധിച്ചു നല്‍കിയ സന്ദേശത്തിലാണ് മന്ത്രി ഇക്കാര്യം അറിയിച്ചത്. ഇടത്തരം കമ്പനികളുടെ കാര്യത്തില്‍ പ്രത്യേക ശ്രദ്ധ നല്‍കും. ഇവയെ മാതൃകാ യൂണിറ്റുകളായി മാറ്റും. ഫാക്ടറികള്‍ക്ക് കുറഞ്ഞ വിലയ്ക്ക് അസംസ്‌കൃത കണ്ടുവണ്ടി ലഭ്യമാക്കുന്നതിലൂടെ വലിയ വിഭാഗം തൊഴിലാളികള്‍ക്ക് സ്ഥിര വേതനം ലഭിക്കും.

ലോകഭിന്നശേഷി ദിനാചരണം സംബന്ധിച്ച ആലോചനാ യോഗം നവംബര്‍ 25ന് ഉച്ചകഴിഞ്ഞ് രണ്ടിന് ജില്ലാ പഞ്ചായത്ത് പ്രസിഡന്റ് കെ. ജഗദമ്മയുടെ അധ്യക്ഷകയില്‍ കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

 (പി.ആര്‍.കെ.നമ്പര്‍  2606/17)

പ്രൈമറി തലത്തില്‍ ഭാഷാ പിന്നാക്കാവസ്ഥ അനുവഭിക്കുന്ന മുഴുവന്‍ കുട്ടികളെയും ഭാഷാപരമായ മികവിലേക്ക് ഉയര്‍ത്തുന്നതിന് എസ്.എസ്.എ ആവിഷ്‌കരിച്ച മലയാളത്തിളക്കം പദ്ധതി സംസ്ഥാനത്തെ മുഴുവന്‍ പ്രൈമറി സ്‌കൂളുകളിലും നടപ്പാക്കാന്‍ പൊതുവിദ്യാഭ്യാസ ഡയറക്ടറുടെ ചേംബറില്‍ ചേര്‍ന്ന അംഗീകൃത അധ്യാപക സംഘടനാ പ്രതിനിധികളുടെ യോഗത്തില്‍ തീരുമാനമായി.  നവംബര്‍ 27 മുതല്‍ ഡിസംബര്‍ 8 വരെയും 2018 ജനുവരി രണ്ട് മുതല്‍ 10 വരെയും രണ്ട് ഘട്ടങ്ങളിലായി പദ്ധതി നടപ്പാക്കും.

പി.എന്‍.എക്‌സ്.4975/17

വള്ളത്തിന്റെ രൂപം. അമരത്തും അണിയത്തും  കുതിരപ്പുറത്തെ സഞ്ചാരി തൊഴുകൈകളോടെ തുഴച്ചില്‍കാര്‍. ആലിലകള്‍ കൊണ്ട് അലങ്കാരം. അഞ്ചു തിരി തെളിയിക്കാവുന്ന വിളക്കിന് പേര് വഞ്ചിവിളക്ക്. ഇതുപോലെയുളള ലോഹനിര്‍മ്മിത എണ്ണ വിളക്കുകളുടെ അപൂര്‍വ പ്രദര്‍ശനമാണ് ലോകപൈതൃക വാരാഘോഷത്തോടനുബന്ധിച്ച് തിരുവനന്തപുരം ആര്‍ട്ട് മ്യൂസിയത്തില്‍ ഒരുക്കിയിരിക്കുന്നത്. 

നവംബര്‍ 24 ന് പത്തനംതിട്ട ഗസ്റ്റ് ഹൗസില്‍ നടത്താന്‍ നിശ്ചയിച്ചിരുന്ന പത്തനംതിട്ട ജില്ലയിലെ നോട്ടറിമാരുടെ രജിസ്റ്റര്‍ പരിശോധന സാങ്കേതിക കാരണങ്ങളാല്‍ അന്നേദിവസം രാവിലെ 10 മുതല്‍ വൈകിട്ട് 3.30വരെ അടൂര്‍ പി.ഡബ്ല്യു.ഡി റസ്റ്റ് ഹൗസില്‍ നടത്തുമെന്ന് നിയമസെക്രട്ടറി അറിയിച്ചു.

പി.എന്‍.എക്‌സ്.4973/

തിരുവനന്തപുരം ശ്രീ സ്വാതി തിരുനാള്‍ സര്‍ക്കാര്‍ സംഗീത കോളേജിലെ റെക്കാഡിംഗ് തിയെറ്ററില്‍ ഒരു സൗണ്ട് എന്‍ജിനീയറെയും എന്‍ജിനീയറിംഗ് അസിസ്റ്റന്റിനെയും കരാറടിസ്ഥാനത്തില്‍ നിയമിക്കുന്നു.  സൗണ്ട് എന്‍ജിനീയര്‍ക്ക് 29,200 രൂപയും എന്‍ജിനീയറിംഗ് അസിസ്റ്റന്റിന് 26,475 രൂപയും പ്രതിമാസ ശമ്പളം നിലവിലെ കരാര്‍ നിയമങ്ങള്‍ക്ക് വിധേയമായി നല്‍കും.  താത്പര്യമുള്ള ഉദ്യോഗാര്‍ത്ഥികള്‍ പ്രിന്‍സിപ്പാളിന്റെ ചേംബറില്‍ നടക്കുന്ന അഭിമുഖത്തില്‍ പങ്കെടുക്കുന്നതിന് അസല്‍ സര്‍ട്ടിഫിക്കറ്റുകള്‍,  പ്രവൃത്തി പരിചയം സാക്ഷ്യപ്പെടുത്തിയത്, മറ്റ് അനുബന്ധ രേഖകള്‍ സഹിതം 29 ന് രാവിലെ 11 മണിക്ക് എത്തണം. 

കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതി നവംബര്‍ 29 ന് രാവിലെ 10 ന് പാലക്കാട് വാളയാര്‍ മലബാര്‍ സിമന്റ്‌സ് കോണ്‍ഫറന്‍സ് ഹാളില്‍ യോഗം ചേരും.  മലബാര്‍ സിമന്റ്‌സ് ലിമിറ്റഡിന്റെ പ്രവര്‍ത്തനം സംബന്ധിച്ച് ബന്ധപ്പെട്ട ഉദ്യോഗസ്ഥരുമായി ചര്‍ച്ച നടത്തുകയും  സ്ഥാപനം സന്ദര്‍ശിക്കുകയും ചെയ്യും.

പി.എന്‍.എക്‌സ്.4971/