മലപ്പുറം ഡിവിഷനിലെ നിലവില്‍ വിറ്റുപോയിട്ടില്ലാത്തതും ലൈസന്‍സ് ദീര്‍ഘിപ്പിച്ചിട്ടില്ലാത്തതുമായ കള്ളുഷാപ്പുകളുടെ വില്‍പ്പന നവംബര്‍ 16ന് രാവിലെ 11 ന് കലക്‌ട്രേറ്റ് സമ്മേളന ഹാളില്‍ നടത്തും.  പങ്കെടുക്കുന്നവര്‍ മതിയായ രേഖകളുമായി എത്തണം.  കൂടുതല്‍ വിവരങ്ങള്‍ക്ക് ബന്ധപ്പെട്ട എക്‌സൈസ് സര്‍ക്കിള്‍ ഓഫീസുമായോ മലപ്പുറം എക്‌സൈസ് ഡിവിഷന്‍ ഓഫീസുമായോ ബന്ധപ്പെടണം.

കോഡൂര്‍ ഗ്രാമപ്പഞ്ചായത്തിന്റെ വാര്‍ഷിക പദ്ധതി പ്രകാരം പത്താംതരം  വിജയിച്ച 40 വയസ്സിന് താഴെയുള്ളവര്‍ക്ക് സൗജന്യ കംപ്യൂട്ടര്‍ പരിശീലനം നല്‍കും. സര്‍ക്കാര്‍ സ്ഥാപനമായ സി-ഡിറ്റ് നടത്തുന്ന പി.എസ്.സി. അംഗീകൃതമായ ആറ് മാസത്തെ ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ കോഴ്സിലാണ് പരിശീലനം നല്‍കുന്നത്. വിവരങ്ങള്‍ക്ക്, മാനേജിംഗ് ഡയറക്റ്റര്‍, കോഡൂര്‍ ഗ്രാമപഞ്ചായത്ത് കംപ്യൂട്ടര്‍ ട്രൈനിംഗ് സെന്റര്‍, താണിക്കല്‍, കോഡൂര്‍ പി.ഒ. വിലാസത്തില്‍ ബന്ധപ്പെടാം.  ഫോണ്‍ 0483 2868518.

കേന്ദ്ര-സംസ്ഥാന സര്‍ക്കാറുകള്‍ നടപ്പിലാക്കുന്ന സമഗ്ര ആരോഗ്യ ഇന്‍ഷുറന്‍സ് പദ്ധതിയില്‍ ഇതുവരെ ചേരാത്തവര്‍ക്കും മുന്‍വര്‍ഷങ്ങളില്‍ പുതുക്കാന്‍ വിട്ടു പോയവര്‍ക്കും പദ്ധതിയില്‍ ചേരുന്നതിന്ന് നവംബര്‍ 15 വരെ അക്ഷയ കേന്ദ്രങ്ങള്‍ വഴിയും കുടുംബശ്രീയുടെ കീഴിലുള്ള ഉന്നതി കേന്ദ്രങ്ങള്‍ വഴിയും അപേക്ഷിക്കാം. 2018 മാര്‍ച്ച് വരെ കാലാവധിയുള്ള സ്മാര്‍ട്ട് കാര്‍ഡ് കൈവശമുള്ളവര്‍ വീണ്ടും അപേക്ഷ നല്‍കേണ്ടതില്ല.

പാലക്കാട് വ്യവസായ ട്രൈബ്യൂണലും ഇന്‍ഷൂറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ നവംബര്‍ 17ന് മഞ്ചേരി കോടതി ഹാളിലും നവംബര്‍ 24ന് തിരൂര്‍ സബ് കലക്ടറുടെ കാര്യാലയത്തിലെ കോര്‍ട്ട് ഹാളിലും വിചാരണ നടത്തും.  തൊഴില്‍ തര്‍ക്ക കേസ്സുകളും ഇന്‍ഷൂറന്‍സ് കേസ്സുകളും എംപ്ലോയീസ് കോമ്പന്‍സേഷന്‍ കേസ്സുകളുമാണ്  പരിഗണിക്കുന്നത്.

ഏറനാട് താലൂക്ക് പുല്‍പ്പറ്റ പഞ്ചായത്ത് 10-ാം വാര്‍ഡ് മുത്തനൂരില്‍ 111-ാം നമ്പര്‍ റേഷന്‍ കട സ്ഥിരമായി നടത്തുന്നതിന് താല്‍പര്യമുള്ള പട്ടിക വര്‍ഗ്ഗക്കാരില്‍ നിന്ന് അപേക്ഷ ക്ഷണിച്ചു.  അപേക്ഷ ഡിസംബര്‍ ഏഴിന് വൈകീട്ട് മൂന്നിനകം ജില്ലാ സപ്ലൈ ഓഫീസില്‍ ലഭിക്കണം.

ജില്ലാ നിര്‍മ്മിതി കേന്ദ്രയില്‍ സൈറ്റ് എഞ്ചിനീയര്‍, ട്രെയിനി എഞ്ചിനീയര്‍ തസ്തികകളിലേക്ക് കരാര്‍ അടിസ്ഥാനത്തില്‍ നിയമനത്തിന് അപേക്ഷ ക്ഷണിച്ചു.  സൈറ്റ് എഞ്ചിനീയര്‍ക്ക് ബി.ടെക് (സിവില്‍ എഞ്ചിനീയര്‍), രണ്ട് വര്‍ഷം പ്രവൃത്തി പരിചയവും ട്രെയിനി എഞ്ചിനീയര്‍ക്ക് ബി.ടെക്, (സിവില്‍ എഞ്ചിനീയറിങ് /സിവില്‍ എഞ്ചിനീയറിങ് ഡിപ്ലോമ) ഒരു വര്‍ഷത്തെ പ്രവൃത്തി പരിചയം എന്നിവയാണ്  യോഗ്യതകള്‍.  താല്‍പര്യമുള്ളവര്‍ നവംബര്‍ 23നകം മെമ്പര്‍ സെക്രട്ടറി, ജില്ലാ നിര്‍മ്മിതി കേന്ദ്രം, സിവില്‍ സ്റ്റേഷന്‍, മലപ്പുറം വിലാസത്തില്‍ അപേക്ഷിക്കണം. ഫോണ്‍ 0483 2735594.

ദേശീയപാത ഉപവിഭാഗം ചാവക്കാട് അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ അധീനതയിലുള്ള കെ.എല്‍. 08 ജെ 4756 മഹീന്ദ്ര ജീപ്പ് നവംബര്‍ 21ന് രാവിലെ 11.30ന് ചാവക്കാട് മിനി സിവില്‍ സ്റ്റേഷനിലുള്ള പൊതുമരാമത്ത് വകുപ്പ് ദേശീയ പാത ഉപവിഭാഗം ഓഫീസില്‍ പുനര്‍ലേലം ചെയ്യും.

പൊന്നാനി താലൂക്ക് തവനൂര്‍ വില്ലേജ് തൃപ്പാലൂര്‍ റി.സ 211/12 ബി-ല്‍ ഉള്‍പ്പെട്ട 01.01 ആര്‍ ഭൂമി ബാങ്ക് വായ്പാ കുടിശ്ശിക ഈടാക്കുന്നതിനായി ഡിസംബര്‍ ഏഴിന് രാവിലെ 11ന് തവനൂര്‍ വില്ലേജില്‍ ലേലം ചെയ്യും.  
നിലമ്പൂര്‍ താലൂക്ക് തിരുവാലി വില്ലേജ് റി.സ ബ്ലോക്ക് നമ്പര്‍ 76 റി.സ. നമ്പര്‍ 73/6 പി.ടി ല്‍പ്പെട്ട 0.0202 ഹെക്ടര്‍ സ്ഥലം വില്‍പ്പന നികുതി കുടിശ്ശിക ഈടാക്കുന്നതിനായി ഡിസംബര്‍ 27ന് രാവിലെ 11ന് തിരുവാലി വില്ലേജ് ഓഫീസില്‍ ലേലം ചെയ്യും.

സാമ്പത്തിക സ്ഥിതി വിവര വകുപ്പ് ജില്ലയിലെ സ്വകാര്യ മെഡിക്കല്‍ സ്ഥാപനങ്ങളുടെ വിവരശേഖരണം നടത്തുന്നു. സംസ്ഥാനത്തിന്റെ വരുമാനം നിര്‍ണ്ണയിക്കുന്നതില്‍ സര്‍വീസ് മേലയിലെ മൂല്യവര്‍ധന നിര്‍ണയിക്കുന്നതിനുള്ള സൂചകം കണ്ടെത്തുന്നതിന്റെ ഭാഗമായാണ്  സര്‍വെ.
സ്വകാര്യ മേഖലയില്‍ പ്രവര്‍ത്തിക്കുന്ന മെഡിക്കല്‍ സ്ഥാപനങ്ങളുടെ എണ്ണം, ജീവനക്കാരുടെ എണ്ണം, ഒ.പി./ഐ.പി. വിഭാഗത്തിലെ സൗകര്യങ്ങള്‍, അടിസ്ഥാന സൗകര്യങ്ങള്‍, മാലിന്യ നിര്‍മ്മാര്‍ജ്ജന സൗകര്യങ്ങള്‍ എന്നിവ സര്‍വേയിലൂടെ കണ്ടെത്തും.

    ദേശീയ തെരഞ്ഞെടുപ്പ് കമ്മീഷന്‍ ഹൈസ്‌കൂള്‍, ഹയര്‍ സെക്കന്‍ഡറി വിദ്യാര്‍ഥികള്‍ക്കായി നടത്തുന്ന തെരഞ്ഞെടുപ്പ് ക്വിസ് മത്സരം ഇന്ന് (നവംബര്‍ 10)  ഉച്ചക്ക് രണ്ടിന് സ്‌കൂളുകള്‍ കേന്ദ്രീകരിച്ച് നടക്കും.   വിജയികള്‍ക്ക് ജില്ല, സംസ്ഥാന, ദേശീയ തലത്തില്‍ പങ്കെടുക്കാന്‍ അവസരം ലഭിക്കുമെന്ന് ജില്ലാ കലക്ടര്‍ അറിയിച്ചു.