സൗജന്യ നേത്ര പരിശോധന കാംപ് ഇന്ന്

    കേരള മോട്ടോര്‍ തൊഴിലാളി ബോര്‍ഡിന്‍റെ ആഭിമുഖ്യത്തില്‍ ഇന്ന് (ജൂണ്‍ ഒമ്പത്) സുല്‍ത്താന്‍പേട്ട ഹെഡ്പോസ്റ്റ് ഓഫിസ് റോഡിലുളള ജില്ലാ സഹകരണ ബാങ്ക് ഹാളില്‍ സൗജന്യ നേത്ര പരിശോധന-തിമിര ശസ്ത്രക്രിയ കാംപ് നടക്കും.  രാവിലെ ഒമ്പത് മുതലാണ് കാംപ് . മോട്ടോര്‍ തൊഴിലാളി ക്ഷേമ പദ്ധതിയില്‍ അംഗത്വമെടുത്ത  തൊഴിലാളികള്‍ക്കും കുടുംബാംഗങ്ങള്‍ക്കും ക്ഷേമനിധി അംഗത്വം അവസാനിപ്പിച്ച് പെന്‍ഷന്‍ കൈപ്പറ്റുന്നവര്‍ക്കും ഓട്ടോമൊബൈല്‍ വര്‍ക്ക് ഷോപ്പ് ക്ഷേമനിധി പദ്ധതിയില്‍ അംഗത്വമുളളവര്‍ക്കും കാംപില്‍ പങ്കെടുക്കാമെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.  കാംപിലെത്തുന്ന തൊഴിലാളികള്‍ ക്ഷേമനിധി അംഗത്വ കാര്‍ഡ് കൊണ്ടുവരണം. അര്‍ഹരായവര്‍ 0491 2547437, 9188519859 നമ്പറുകളില്‍ രജിസ്റ്റര്‍ ചെയ്യണം.