ജില്ലയിൽ ഇന്ന് കോവിഷീൽഡ് കുത്തിവെപ്പെടുത്തത് ആകെ 441 പേർ (381 ഒന്നാം ഡോസും, 60 രണ്ടാം ഡോസും)

സ്വകാര്യ ആശുപത്രികളിൽ കോവിഷീൽഡ് കുത്തിവെപ്പെടുത്തവർ 328 (278 ഒന്നാം ഡോസും 50 രണ്ടാം ഡോസും)

ജില്ലയിൽ ഇന്ന് (22.08.2021) ആകെ 441 പേർ കോവിഷീൽഡ് കുത്തിവെപ്പെടുത്തു. ഇതിൽ18 മുതൽ 39 വയസ്സുവരെയുള്ള 293 പേർ ഒന്നാം ഡോസും 8 പേർ രണ്ടാം ഡോസുമടക്കം 301 പേരും, 45 വയസ്സിനും 60നും ഇടയിലുള്ള 58 പേർ ഒന്നാം ഡോസും 34 പേർ രണ്ടാം ഡോസുമടക്കം 92 പേരും, 60 വയസിനു മുകളിലുള്ള 30 പേർ ഒന്നാം ഡോസും 18 പേർ രണ്ടാം ഡോസുമടക്കം 48 പേരും കോവിഷീൽഡ് കുത്തിവെപ്പെടുത്തിട്ടുണ്ട്. ആകെ 1 സെഷനിലായാണ് കുത്തിവെപ്പ് നടന്നത്.

ഇതു കൂടാതെ സ്വകാര്യ ആശുപത്രികളിൽ നിന്നായി 328 പേരും കോവിഷീൽഡ് കുത്തിവെപ്പെടുത്തിട്ടുണ്ട്. ഇതിൽ ഒരു ഗർഭിണി ഒന്നാം ഡോസും, 18 വയസ്സിനും 40 വയസ്സിനും ഇടയിലുള്ള 206 പേർ ഒന്നാം ഡോസും 15 പേർ രണ്ടാം ഡോസുമടക്കം 221 പേരും, 40 മുതൽ 44 വയസ്സുവരെയുള്ള 17 പേർ ഒന്നാം ഡോസും 3 പേർ രണ്ടാം ഡോസുമടക്കം 20 പേരും, ഒരു ആരോഗ്യ പ്രവർത്തകൻ ഒന്നാം ഡോസും, വിദേശത്തു പോകാൻ തയ്യാറെടുക്കുന്ന 13 പേർ ഒന്നാം ഡോസും, 45 മുതൽ 60 വയസ്സുവരെയുള്ള 34 പേർ ഒന്നാം ഡോസും 22 പേർ രണ്ടാം ഡോസുമടക്കം 56 പേരും, 60 വയസ്സിനു മുകളിലുള്ള 4 പേർ ഒന്നാം ഡോസും 9 പേർ രണ്ടാം ഡോസും അടക്കം 13 പേരും, മുലയൂട്ടുന്ന 3 അമ്മമാർ ഒന്നാം ഡോസും സ്വകാര്യ ആശുപത്രികളിൽ നിന്ന് കോവിഷീൽഡ് കുത്തിവെപ്പെടുത്തിട്ടുണ്ട്. ആകെ 7 സെഷനുകളിലായാണ് കുത്തിവെപ്പ് നടന്നത്.
 
കുത്തിവെപ്പെടുത്ത ആർക്കും തന്നെ പറയത്തക്ക ആരോഗ്യ പ്രശ്നങ്ങളോ അസ്വസ്ഥതകളോ ഉണ്ടായിട്ടില്ലെന്ന് ജില്ലാ മെഡിക്കൽ ഓഫീസർ ഡോ.റീത്ത കെ.പി അറിയിച്ചു