ആയിഷുമ്മക്ക് അടച്ചുറപ്പുള്ള വീടൊരുങ്ങി 

വെസ്റ്റ് മാമ്പറ്റ ചെറുതടത്തിൽ നാല് സെൻ്റ് കോളനിയിലെ ആയിഷുമ്മക്ക് വീട് ഒരുക്കി നഗരസഭയും  സന്നദ്ധ സംഘടനകളും. മുക്കം നഗരസഭ  പിഎംഎ വൈ ലൈഫ് പദ്ധതിയിൽ  നാലു  ലക്ഷം രൂപയും നാട്ടുകാരുടെയും സന്നദ്ധസംഘടനകളുടെയും, മണാശ്ശേരി ഗവ:യു .പി സ്കൂൾ അധ്യാപകരുടെയും, റോട്ടറി ക്ലബ് മുക്കത്തിന്റെയും സഹായത്തോടെയാണ് വീടിൻറെ പണി പൂർത്തീകരിച്ചത്. വീടിൻ്റെ താക്കോൽദാനം നഗരസഭാ ചെയർമാൻ പി ടി ബാബു നിർവഹിച്ചു .

ചടങ്ങിൽ ഡിവിഷൻ കൗൺസിലർ വസന്തകുമാരി അധ്യക്ഷത വഹിച്ചു. ഡെപ്യൂട്ടി ചെയർപേഴ്സൺ അഡ്വക്കേറ്റ് ചാന്ദിനി, കൗൺസിലർമാരായ അബ്ദുൽ ഗഫൂർ മാസ്റ്റർ, നികുഞ്ജം വിശ്വൻ, അബ്ദുള്ളക്കോയ, നഗരസഭാ സെക്രട്ടറി എൻ കെ ഹരീഷ്, തുടങ്ങിയവർ പങ്കെടുത്തു.