ഫിഷറീസ് വകുപ്പ് പ്രൊജക്ട് കോ-ഓര്ഡിനേറ്റര്, അക്വാകള്ച്ചര് പ്രൊമോട്ടര് നിയമനം
സുഭിക്ഷകേരളം ജനകീയ മത്സ്യകൃഷി പദ്ധതിയിലേക്ക് ഫിഷറീസ് വകുപ്പ് പ്രൊജക്ട് കോ-ഓര്ഡിനേറ്റര്, അക്വാകള്ച്ചര് പ്രൊമോട്ടര് തസ്തികകളിലേക്ക് കരാര്/ദിവസവേതനാടിസ്ഥാനത്തില് നിയമനം നടത്തുന്നു. വി.എച്ച്.എസ്.സി(ഫിഷറീസ്), ബി.എസ്.സി സുവോളജി/ഫിഷറീസ് ബിരുദം ഉള്ളവര്ക്കും സമാന തസ്തികയില് കുറഞ്ഞത് അഞ്ച് വര്ഷത്തെ പ്രവൃത്തിപരിചയമുള്ള എസ്.എസ്.എല്.സി യോഗ്യതയുള്ളവര്ക്കും അക്വാകള്ച്ചര് പ്രമോട്ടര് തസ്തികയിലേക്ക് അപേക്ഷിക്കാം.
ബി.എഫ്.എസ്.സി. അല്ലെങ്കില് അംഗീകൃത സര്വകലാശാലകളില് നിന്നും അക്വാകള്ച്ചര്/ സുവോളജിയില് ബിരുദാനന്തര ബിരുദവും സര്ക്കാരിലോ അനുബന്ധ ഏജന്സികളിലോ നാല് വര്ഷത്തെ പ്രവൃത്തി പരിചയമുള്ളവര്ക്ക് പ്രൊജക്ട് കോ-ഓര്ഡിനേറ്റര് തസ്തികയിലേക്ക് അപേക്ഷിക്കാം. പ്രായപരിധി 20 നും 56 നും മധ്യേ. വാക്-ഇന്-ഇന്റര്വ്യൂവില് പങ്കെടുക്കാന് താത്പര്യമുള്ളവര് ഓഗസ്റ്റ് 31 ന് രാവിലെ 10 ന് വയസ്, വിദ്യാഭ്യാസ യോഗ്യത, പ്രവൃത്തിപരിചയം തെളിയിക്കുന്ന അസല് രേഖകള് സഹിതം മലമ്പുഴ ഫിഷറീസ് ഡെപ്യൂട്ടി ഡയറക്ടുടെ ഓഫീസില് നേരിട്ടെത്തണം. ഫോണ്: 0491 2815245
- Log in to post comments